Индӧд 17:12 - Коми Библия 2023

¹² Но коді кутас ышнясьны да оз кывзысь поплысь, коді кесъялӧ сэні Господь Енныд водзын, либӧ оз кывзысь [сійӧ кадас уджалысь] ёрдысьлысь, сійӧс колӧ вины. Бырӧдӧй Израильысь лёксӧ.

Индӧд 17:12 Kruisverwysings

Ездра 10:8

А коді куим лун чӧжӧн оз лок, сійӧс веськӧдлысьяслӧн да юрнуӧдысьяслӧн шуӧм серти киритасны локтӧмаяслӧн котырысь да сылысь овмӧс-эмбурсӧ сиасны Господьлы.

Шусьӧгъяс 21:11

Омӧльтысьӧс кӧ мыждан, мывкыдтӧмъяс мывкыдсяласны, а мывкыд мортӧс кӧ велӧдан, сійӧ тӧдныджык кутас.

Осий 4:4

Но некод мед оз мыжав мӧдӧс, оз норась мӧд вылӧ. Ме мыжала тэнӧ, поп,

Закар 3:7

«Господь Саваоф тадзи висьталӧ: тэ кӧ пондан ветлыны Менам туйясӧд да овны Менам тшӧктӧмъяс серти, сэки кутан веськӧдлыны Менам керкаӧн, юравны Менам йӧрын. Ме лэдза тэнӧ Ас дінӧ тані сулалысь анделъясӧс моз».

Лыд 15:30

Вужвойтырысь либӧ йӧз муысь локтысьясысь кӧ кодкӧ тӧдӧмӧн мыж вӧчӧ, сійӧ омӧльтӧ Господьӧс. Сійӧс лоӧ бырӧдӧма аслас войтыр пӧвстысь,

Лыд 15:31

ӧд сійӧ мустӧмтіс Господьлысь кывсӧ да торкис Сылысь тшӧктӧмсӧ. Тайӧ мортсӧ лоӧ бырӧдӧма, мыжыс кольӧ сы вылӧ».

Матвей 10:14

Оз кӧ сибӧдны-кывзыны тіянӧс, сэки сійӧ керкасьыс либӧ карсьыс петіганыд пыркӧдӧй коксьыныд буссӧ.

Лука 10:16

Тіянӧс кывзысь Менӧ кывзӧ, тіянӧс ӧтдортысь Менӧ ӧтдортӧ, а Менӧ ӧтдортысь ӧтдортӧ Менӧ Мӧдӧдысьӧс».

Иоан 12:48

Коді оз сибӧд Менӧ да оз босьт Менсьым кывъясӧс, сылӧн эм аслас мыждысь: Менам висьталӧм кывйӧй медбӧръя лунӧ мыждас сійӧс.

Иоан 20:23

Кодлысь мыжъяссӧ прӧститанныд, сійӧс лоӧ прӧститӧма. Кодлысь онӧ прӧститӧй, сы вылӧ мыжыс коляс».

Индӧд 1:43

Ме висьталі тайӧс тіянлы, но ті энӧ кывзысьӧй, а пыксинныд Господьлӧн тшӧктӧмлы. Ті асныралінныд да мӧдӧдчинныд кайны керӧсвыв муӧ,

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Индӧд 13:11

Став Израиль войтыр мед кылас та йылысь да кутас повны, сэсся некод тіян пӧвстысь оз кут вӧчны татшӧм лёкторсӧ.

Индӧд 13:5

А пророкӧс да вӧтъяс аддзылысьӧс колӧ вины, мыйла сійӧ ышӧдіс тіянӧс паныд кыпӧдчыны Господьлы, тіян Енлы, коді петкӧдіс тіянӧс Египетысь да мездіс нартитӧм улысь. Бырӧдӧй лёксӧ ас пӧвстсьыныд, ӧд татшӧм мортыс кежӧдӧ тіянӧс туйысь, кыті Господь, тіян Енныд, тшӧктіс тіянлы муннысӧ.

Индӧд 13:6

Тэнӧ кӧ вокыд, [батьыдлӧн пиыс либӧ] мамыдлӧн пиыс, аслад пиыд либӧ нылыд, радейтана гӧтырыд либӧ меддона ёртыд гусьӧн корас мунны сыкӧд да кесъявны мукӧд енъяслы, кодъясӧс ті да тіян батьясныд онӧ тӧдӧй,

Индӧд 17:13

Кор став войтырыс кылас та йылысь, найӧ кутасны повны, и некод тадзи вӧчнысӧ оз лысьт».

Индӧд 17:7

Медводз мед изнас лыйӧны аддзылысь-висьталысьяс, а на бӧрын – мукӧдыс. Бырӧдӧй лёксӧ ас пӧвстсьыныд».

Индӧд 18:20

Но коді Менам нимсянь висьталас, мый Ме эг тшӧкты висьтавны, либӧ висьталас мукӧд ен нимсянь, татшӧм пророкӧс мед виасны”.

Индӧд 18:5

Ӧд Господь, тіян Енныд, чужанкотыръясныд пӧвстысь бӧрйис Левийӧс да сысянь чужысьясӧс, медым найӧ став олан лунъяс чӧжныс кесъялісны Господьлы [тіян Енлы, да бурсиисны Господь нимӧн].

Индӧд 18:7

Господь водзын кесъялысь левит вокъясыс моз сійӧ мед кесъялас Господьлы, аслас Енлы.

1 Фессалоникаӧ 4:2

Ті ӧд тӧданныд, кутшӧм тшӧктӧмъяс ми сетім тіянлы Господь Исуссянь.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

1 Тимофейлы 5:20

Мыж вӧчысьӧс янӧд ставныс водзын, медым мукӧдыс тшӧтш полісны.

Нав Исус 1:18

Мед лоӧ виӧма быдӧнӧс, коді кыпӧдчас тэныд паныд да оз кывзы тэнсьыд тшӧктӧмтӧ. Ло зумыд да повтӧм!»

Ёрдысьяс 20:13

Сетӧй миян киӧ Гиваын олысь шогмытӧм йӧзсӧ. Ми виам найӧс, тадзи бырӧдам Израильысь лёксӧ». Но Венямин чужанкотыр эз кут кывзыны Израиль пиянӧс, ассьыныс вокъяснысӧ.

Ӧксыяслӧн 1 небӧг 3:13

Ме шулі Илийлы, мый Ме мыжда сылысь рӧдсӧ пыр кежлӧ. Мыжда сыысь, мый сійӧ тӧдіс пияныслысь пеж вӧчӧмсӧ, но эз ӧлӧд найӧс.