Индӧд 16:4 - Коми Библия 2023

⁴ Сизим лун чӧж тіян муын мед оз ло няньшом. Медводдза лунӧ рытнас вись пыдди вайӧм пемӧслысь яйсӧ асылӧдзыс энӧ кольӧй.

Индӧд 16:4 Kruisverwysings

Петӧм 12:10

[Балялысь лысӧ энӧ чегъялӧй.] Асылӧдзыс нинӧм энӧ кольӧй, а коляс кӧ, сотӧй биын.

Петӧм 12:15

Сизим лун чӧж сёйӧй шомтӧм нянь. Медводдза лунӧ петкӧдӧй няньшомсӧ керкасьыныд. Ӧд медводдза лунсяньыс сизимӧд лунӧдз коді кутас сёйны шоммӧдӧм нянь, сійӧс лоӧ бырӧдӧма Израиль войтыр пӧвстысь.

Петӧм 12:6

Тайӧ тӧлысьнас дас нёльӧд лунӧдзыс видзӧй балясӧ ас орданыд. Рытнас став Израиль войтыр мед начкас балянысӧ.

Петӧм 12:8

Войнас мед сёясны би вылын пражитӧм яйсӧ шомтӧм няньӧн да курыд турунъясӧн.

Петӧм 13:7

Сизим лун чӧж колӧ сёйны шомтӧм нянь. Сэки тіян оланінын мед оз ло шоммӧдӧм нянь да няньшом.

Петӧм 23:18

[Кор Ме вӧтла тіян водзысь мукӧд войтыръясӧс да паськӧда оланіннытӧ,] Меным вись пыдди вир вайигӧн энӧ вайӧй шома нянь. Меным вайӧм гаждырся висьлысь госсӧ асылӧдзыс энӧ кольӧй.

Петӧм 34:25

Меным вись пыдди вир вайигӧн энӧ вайӧй шома нянь. Ыджыдлунся висьысь асылӧдзыс нинӧм энӧ кольӧй.

Матвей 13:33

Исус висьталіс нӧшта ӧти велӧданвисьт: «Енэжвыв Юралӧмыс няньшом кодь. Ань гудралас сэтчӧ куим шомӧс тыр пызь, кад мысти няньыс ловзяс».

Индӧд 16:5

Быд карын, мый Господь, тіян Енныд, сетас тіянлы, оз позь начкыны ыджыдлунся висьсӧ,