Индӧд 16:2 - Коми Библия 2023

² Вайӧй Господьлы, асланыд Енлы, ыджыдлунся вись пыдди ыж-кӧзаӧс да ӧш-мӧскӧс. Начкӧй висьсӧ сійӧ местаас, мый Господь бӧръяс Аслас нимлы оланінӧн.

Индӧд 16:2 Kruisverwysings

Ӧксыяслӧн 4 небӧг 23:21

Иосей ӧксы тшӧктіс став войтырыслы: «Пасйӧй асланыд Господь Енлысь Ыджыд лунсӧ, кыдзи гижӧма Йитӧд небӧгас».

2 Каднебӧг 35:7

Аслас пемӧс чукӧрысь Иосей ӧксы сетіс войтырыслы ыджыдлунся вись пыдди комын сюрс баляӧс да кӧзапиӧс, аслас овмӧсысь сетіс тшӧтш налы вись пыдди куим сюрс ӧшкӧс.

Лыд 9:2

«Израиль пиян мед пасъясны Ыджыд лунсӧ индӧм кадӧ.

Матвей 26:17

Шомтӧм нянь сёян лунъяс дырйи медводдза лунӧ Исус дінӧ локтісны велӧдчысьясыс да юалісны: «Кӧні кӧсъян сёйны ыджыдлунся баляӧс? Ми мунам да дасьтам».

Матвей 26:2

«Кык лун мысти, ті тӧданныд, Ыджыд лун лоӧ. Тайӧ кадӧ Морт Пиӧс вузаласны да крестӧ тувъяласны».

Марк 14:12

Шомтӧм нянь сёян лунъяс дырйи медводдза лунӧ, кодыр начкисны ыджыдлунся баляӧс, велӧдчысьяс юалісны Исуслысь: «Кӧні кӧсъян сёйны ыджыдлунся баляӧс? Ми мунам да дасьтам».

Лука 22:15

Сійӧ шуис налы: «Сьӧкыдсӧ нутӧдз Ме ёна кӧсйи сёйны тіянкӧд тайӧ ыджыдлунся балясӧ.

Лука 22:8

Петырӧс Иоанкӧд мӧдӧдіг Исус шуис налы: «Мунӧй, лӧсьӧдӧй миянлы ыджыдлунся сёян».

1 Коринфӧ 5:7

Сідзкӧ, весалӧй ас пытшсьыныд няньшомнытӧ, медым лоинныд выль кӧтасӧн. Дерт, тіян пытшкын шоммӧданторйыс абу нин, ӧд Кристосӧс, ыджыдлунся Балянымӧс, вайӧма нин вись пыдди миян вӧсна.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Индӧд 12:14

Кутшӧм чужанкотырлӧн муын Господь [тіян Енныд] бӧръяс места, сэні вайӧй сотан висьяснытӧ. Сэні вӧчӧй ставсӧ, мый ме [талун] тшӧкта.

Индӧд 12:18

Сёйӧй висьнытӧ Господь Енныд водзын Сылӧн бӧрйӧм местаын. Тіянкӧд ӧтлаын мед сёясны ныв-пиныд, кесйӧгъясныд, а сідзжӧ тіян карын олысь левитъяс [да йӧз муысь локтысьяс]. Нимкодясьӧй Господь Енныд водзын быдтор вӧсна, мый удж помысь перйинныд аслыныд.

Индӧд 12:26

Вайӧй вежа вайӧмторъяснытӧ да кыв сетан висьяснытӧ сійӧ местаас, мый бӧръяс Господь [тіян Енныд, медым сэні ті шыасинныд Сы дінӧ].

Индӧд 12:5

Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Индӧд 15:20

Господьлӧн [тіян Енлӧн] бӧрйӧм местаын быд во сёйӧй найӧс став котырнаныд Господь Енныд водзын.

Индӧд 16:1

«Авив тӧлысьӧ тіян мед лоӧ Господьлы, тіян Енлы, сиӧм ыджыдлунся гаж, ӧд авив тӧлысьӧ Господь, тіян Енныд, петкӧдіс тіянӧс войнас Египетысь.

Индӧд 16:3

Тайӧ висьыскӧд энӧ сёйӧй шоммӧдӧм нянь. Сизим лун чӧж сёйӧй шомтӧм нянь, шогдырся няньнытӧ, ӧд ті тэрмасьӧмӧн петінныд Египет муысь. Тадзи став олӧм чӧжныд ті кутанныд казьтывны Египетысь петан лунтӧ.