Индӧд 16:16 - Коми Библия 2023

¹⁶ Куимысь вонас став айуловныд мед локтасны Господь Енныд водзӧ сійӧ местаас, мый Господь бӧръяс. Сэні пасйӧй Шомтӧм нянь сёян лунъяс, Ветымынӧд лунся гаж да Чом вӧчан лунъяс. Господь водзӧ куш киӧн мед некод оз лок,

Индӧд 16:16 Kruisverwysings

Ӧксыяслӧн 3 небӧг 9:25

Куимысь вонас Соломон вайліс сотан да бурасян висьяс висьпуктанін вылын, мый сійӧ лэптіс Господьлы, и сэні Господь водзын тшынӧдчис. Крамыс сэки вӧлі дась нин.

2 Каднебӧг 8:13

Мӧисейлӧн Индӧдын урчитӧм висьяс сійӧ вайліс шойччан лунӧ, выль тӧлысь чужигӧн да куимысь вонас гажӧдчан лунъяс дырйи: Шомтӧм нянь сёян лунъясӧ, Ветымынӧд лунся гаж дырйи да Чом вӧчан лунъясӧ.

Ездра 3:1

Сизимӧд тӧлысьнас став Израиль войтыр локтіс асланыс каръясысь да чукӧртчис Ерусалимӧ.

Неемий 8:15

Та вӧсна найӧ тшӧктісны юӧртны став асланыс каръясын да Ерусалимын: «Мунӧй керӧсъясӧ да вайӧй сэтысь вӧрса да быдтӧм олив пулысь вожъяссӧ, мирт да пальма вожъяс, нӧшта мукӧд паськыд коръя пу вожъяс, мед вӧчны чомъяс, кыдзи гижӧма Индӧдын».

Псалтыр 122:4

Миянӧс тырмымӧн нин лёкӧдісны ышнясьысьяс, увтыртісны вылӧ кыпӧдчысьяс.

Псалтыр 84:7

Он ӧмӧй выльысь ловзьӧд миянӧс, медым Тэнад войтырыд вермис нимкодясьны Тэӧн?

Псалтыр 84:8

Господьӧй, петкӧдлы миянлы Ассьыд буралӧмтӧ, мезды миянӧс!

Псалтыр 96:8

Сион кылӧ тайӧс да кыпыда гажӧдчӧ, Иуда каръяс нимкодясьӧны Тэнад веськыда мыждӧмыд йылысь, Господьӧй.

Петӧм 34:20

Медводдза чужысь осёлпиысь вештысь баляпиӧн, а он кӧ кӧсйы вештысьны, песовт осёлпилысь сьылісӧ. Тшӧтш аслад медводдза чужысь пиысь вештысь. Ме водзӧ куш киӧн мед некод оз лок.

Петӧм 34:24

Ме вӧтла тіян водзысь войтыръясӧс да паськӧда мунытӧ. Некод оз кут мырддьыны мунытӧ, кутанныд кӧ куимысь вонас локны Господь Енныд водзӧ.

Исай 23:18

Но Тирлысь сьӧмсӧ, мый сійӧ чукӧртіс асьсӧ вузалысь ань моз, лоӧ торйӧдӧма Господьлы. Сійӧс оз чукӧртны, оз дзебны амбарӧ. Став сьӧмсӧ лоӧ сетӧма Господь водзын кесъялысьяслы, медым найӧ пӧттӧдзныс сёясны да бура пасьтасясны.

Исай 33:20

Видзӧдлы Сион кар вылӧ, миян гажӧдчанін вылӧ! Аслад синмӧн тэ аддзан Ерусалим, сійӧ – лӧнь оланін, вӧрзьывлытӧм дӧрачом. Сылӧн сюръяясыс сулалӧны зумыда, сылӧн гезъясыс оз орны.

Езекиль 36:38

Кыдзи гажӧдчан лунъясӧ Ерусалим кар тырӧма вись пыдди ваян ыжъясӧн, сідзи киссьӧм каръяс тырасны йӧзӧн. Сэки найӧ тӧдмаласны, мый Ме – Господь».

Левит 23:34

«Висьтав Израиль пиянлы: сизимӧд тӧлысьлӧн дас витӧд лунсянь тіян лоӧны Чом вӧчан лунъяс – Господьлы сиӧм сизим лун.

Аггей 1:9

– Ті виччысянныд уна, а чукӧртанныд этша. Мый ваянныд гортаныд – сійӧс Ме шердъя. Мыйла тадзи артмӧ? – висьталӧ Господь Саваоф. – Сы вӧсна, мый Менсьым крамӧс пазӧдӧма, а ті асланыд керкаяс вӧсна тӧждысянныд.

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.

Марк 12:3

Виноград быдтысьяс кутасны кесйӧгсӧ, нӧйтасны да вӧтласны сійӧс куш киӧн.

Иоан 7:2

Матыстчис иудейяслӧн гажӧдчан кад, Чом вӧчан лунъяс.

Индӧд 16:15

Сизим лун чӧж пасйӧй Господьлы, асланыд Енлы, сиӧм гаж сійӧ местаас, мый Господь бӧръяс [медым сэні ті шыасинныд Сы дінӧ]. Господь, тіян Енныд, бурсиас тіянлысь быдтаснытӧ да уджнытӧ, та вӧсна сьӧлӧмсяньныд нимкодясьӧй.

Индӧд 16:17

но быдӧн мед ваяс козин сы серти, мыйӧн бурсиас сійӧс Господь, тіян Енныд».

Индӧд 31:11

кор став Израиль войтырыс локтас Господь Енныд водзӧ сійӧ местаас, мый бӧръяс Господь, сэки гораа лыддьӧй тайӧ Индӧдсӧ налы.

Ӧксыяслӧн 1 небӧг 1:3

Быд во, урчитӧм лунъясӧ, Элкан ветлывліс Силом карӧ, мед юрбитны да вись вайны Господь Саваофлы. Попъясӧн сэні вӧліны Илийлӧн кык пиыс: Офни да Пинес.

Ӧксыяслӧн 1 небӧг 6:3

Найӧ вочавидзисны: «Ті кӧ бӧр кӧсъянныд мӧдӧдны [Господьлысь] Израиль Енлысь [Йитӧд] кудсӧ, козинтӧг сійӧс энӧ мӧдӧдӧй. Ыстӧй мыж вештан вись. Сэки ті бурданныд да тӧдмаланныд, мый вӧсна Израильлӧн Ен оз вешты Ассьыс мыждӧмсӧ тіян вылысь».