Индӧд 15:7 - Коми Библия 2023

⁷ Сійӧ муас, мый Господь, тіян Енныд, сетас тіянлы, войтыр пӧвстаныд кӧ карын либӧ сиктын лоӧ гӧль морт, сэки энӧ чорзьӧдӧй сьӧлӧмнытӧ, энӧ кольӧй вокнытӧ отсӧгтӧг.

Индӧд 15:7 Kruisverwysings

Неемий 5:1

Уна айулов гӧтыръясныскӧд пондісны ёна элясьны иудей вокъясныс вылӧ.

Эсфир 9:19

Та вӧсна ылысса кар-сиктъясын олысь иудейяс пасйӧны тайӧ лунсӧ адар тӧлысьлӧн дас нёльӧд лунӧ. Сэки найӧ нимкодясьӧны, гажӧдчӧны да ысталӧны матыссаясыслы чӧскыдторъяс. [Ыджыд каръясын нимкодясьӧны да гажӧдчӧны адар тӧлысьлӧн дас витӧд лунӧ, и сэки найӧ ысталӧны матыссаясыслы козинъяс.]

Эсфир 9:22

Ӧд тайӧ лунъясӧ иудейяс мынтӧдчисны вӧрӧгысь, тайӧ тӧлысяс шогыс бергӧдчис налы нимкодясьӧмӧ, бӧрдӧмыс – гажӧдчӧмӧ. Мед тайӧ лунъясӧ найӧ гажӧдчасны да нимкодясясны, мед ысталасны матыссаясыслы чӧскыдторъяс да гӧльяслы козинъяс.

Петӧм 22:25

Менам войтырысь гӧль мортлы кӧ уджйӧзӧн сетан сьӧм, бӧрсӧ сылысь содтӧдӧн эн босьт.

Шусьӧгъяс 19:17

Гӧль мортлы отсалысь водзӧсӧн сетӧ Господьлы, ӧд Господь мынтысяс сылы бурсӧ вӧчӧмысь.

Шусьӧгъяс 21:13

Коді оз кыв гӧль мортлысь бӧрдӧмӧн корӧмсӧ, сійӧс асьсӧ оз кывны, кор кутас бӧрдны-корны.

Исай 58:10

тшыгъялысьлы кӧ сетан сьӧлӧмсяньыд, коньӧрӧс кӧ вердан, сэки тэнад югыдыд тыдовтчас пемыдас, и тэнад пемыдыд лоӧ лунъюгыд кодь.

Левит 25:35

«Тэнад войтырысь кӧ кодкӧ гӧльмас да оз вермы тӧждысьны ас вӧснаыс, отсав сылы. Сійӧ мед тэ ордын олас йӧз муысь локтысь морт моз.

Матвей 18:30

Мӧдыс эз кӧсйы виччысьнысӧ да йӧртіс ёртсӧ дзескыдінӧ уджйӧзсӧ мынтытӧдзыс.

Матвей 5:42

Тэнсьыд корысьлы сет, водзӧсӧн босьтысьӧс эн вӧтлы».

Индӧд 15:11

Тіян муын гӧль йӧзыс пыр лоасны, та вӧсна ме тшӧкта тіянлы лышкыда сетны гӧльяслы да коньӧръяслы, асланыд вокъяслы».

Индӧд 15:9

Видзчысь, сьӧлӧмад эн лэдз шогмытӧм мӧвп, мый сизимӧд воыс, уджйӧз киритан воыс, матыстчӧ нин, и та вӧсна гӧль вокыдлы нинӧм он сет. Тэ кӧ он ло бур сьӧлӧма сы дінӧ, сійӧ кутас норасьны тэ вылӧ Господьлы, и тэ вылын лоӧ [ыджыд] мыж.

Индӧд 24:14

Эн дзескӧд тэ дінӧ уджавны медасьӧм гӧльӧс да коньӧрӧс, аслад войтырысь-ӧ сійӧ либӧ йӧз муысь локтысь.