Индӧд 13:10 - Коми Библия 2023

¹⁰ Сійӧ кежӧдӧ тіянӧс Господьысь, тіян Енмысь, коді петкӧдіс тіянӧс Египетысь нартитӧм улысь. Таысь сійӧс колӧ изъявны кувтӧдзыс.

Индӧд 13:10 Kruisverwysings

Ӧксыяслӧн 4 небӧг 11:18

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас. Иодай поп индіс йӧзӧс видзны Господьлысь крамсӧ.

2 Каднебӧг 24:21

Войтырыс сувтіс Закарлы паныд. Йоас ӧксылӧн тшӧктӧм серти Господьлӧн крам йӧрын сійӧс кувтӧдзыс изъялісны.

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Петӧм 32:27

Мӧисей шуис налы: «Господь, Израильлӧн Ен, тадзи висьталӧ: ”Вӧнялӧй косканыд ассьыныд шыпуртнытӧ, мунӧй чомъяс сулаланінӧд помсянь помӧдзыс да виӧй быдӧнӧс, кодкӧд паныдасянныд, весиг вокнытӧ, ёртнытӧ да матыссанытӧ”».

Левит 20:2

«Висьтав Израиль пиянлы: мед виасны мортӧс, коді сетас ныв-писӧ Молок идоллы. Израиль войтыр мед изъялас тайӧ мортсӧ, Израиль войтырысь-ӧ сійӧ либӧ йӧз муысь локтысь.

Левит 20:27

Кулӧмаӧс корысьӧс да тунасьысьӧс колӧ вины, ань-ӧ сійӧ либӧ айлов. Сійӧс мед изъяласны, сійӧ ачыс лоӧ мыжа аслас кулӧмысь».

Левит 24:23

Мӧисей висьталіс тайӧс Израиль пиянлы. Омӧльтысьӧс петкӧдісны чомъяс сайӧ да изъялісны. Израиль пиян вӧчисны сідзи, кыдзи Господь тшӧктіс Мӧисейлы.

Индӧд 13:5

А пророкӧс да вӧтъяс аддзылысьӧс колӧ вины, мыйла сійӧ ышӧдіс тіянӧс паныд кыпӧдчыны Господьлы, тіян Енлы, коді петкӧдіс тіянӧс Египетысь да мездіс нартитӧм улысь. Бырӧдӧй лёксӧ ас пӧвстсьыныд, ӧд татшӧм мортыс кежӧдӧ тіянӧс туйысь, кыті Господь, тіян Енныд, тшӧктіс тіянлы муннысӧ.

Индӧд 17:5

сэки сійӧс вӧчысь айловӧс либӧ аньӧс вайӧдӧй карса дзиръя дорӧ да изъялӧй кувтӧдзыс.

Индӧд 17:7

Медводз мед изнас лыйӧны аддзылысь-висьталысьяс, а на бӧрын – мукӧдыс. Бырӧдӧй лёксӧ ас пӧвстсьыныд».

Индӧд 21:21

Карса олысьяс мед изъяласны сійӧс кувтӧдзыс. Бырӧдӧй лёксӧ ас пӧвстсьыныд. Став Израиль войтыр мед кылас та йылысь да кутас повны.

Индӧд 4:19

Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.

Нав Исус 7:25

Исус шуис: «Сыысь, мый тэ вайин миянлы шог, Господь вайӧ талун шогсӧ тэныд». Израильсаяс изъялісны Аканӧс да сылысь котырсӧ, сэсся сотісны да тыртісны изъясӧн.