Индӧд 12:31 - Коми Библия 2023

³¹ Господьлы, асланыд Енлы, кесъялігӧн на моз энӧ вӧчӧй. Асланыс енъяслы кесъялігӧн найӧ ӧд вӧчӧны сійӧ, мый зывӧктӧ-мустӧмтӧ Господь. Найӧ весиг ассьыныс ныв-писӧ сотӧны асланыс енъяслы.

Индӧд 12:31 Kruisverwysings

Ӧксыяслӧн 4 небӧг 16:3

Сійӧ ветліс израильса ӧксыяслӧн туйӧд, весиг сотіс биын ассьыс писӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 17:31

Авваысь локтысьяс – Нивхаз да Тартак бӧлбанъясӧс. Сепарваимысь локтысьяс асланыс Адрамелек да Анамелек енъяслы вись пыдди сотісны ассьыныс ныв-пинысӧ.

Ӧксыяслӧн 4 небӧг 21:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 3:27

Сэки босьтіс ассьыс медыджыд писӧ, кодлы вуджӧ вӧлі ӧксыалӧмыс, да карса стен вылын сотіс сійӧс вись пыдди. Тайӧ лоӧмторйыс ёна скӧрмӧдіс израильсаясӧс. Найӧ эновтісны моавсаясӧс да бӧр локтісны асланыс муӧ.

2 Каднебӧг 33:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 36:14

Попъяслӧн да войтырлӧн юралысьясыс тшӧтш эновтісны Господьӧс. Мукӧд войтыр моз найӧ вӧчисны пежсӧ да пежалісны Господьлысь крамсӧ, мый Сійӧ вежӧдіс Ерусалимын.

Псалтыр 106:37

кӧдзӧны муяс, пуктӧны виноград пуяс, и пуясыс вайӧны уна вотӧс.

Петӧм 23:2

Унджыкыс моз лёк уджъяс эн вӧч. Ёрд водзын сёрнит веськыда, а эн сувт унджыкыс дор.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 7:31

Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.

Езекиль 20:31

Идолъяслы юрбитӧмнаныд ті ӧнӧдз асьнытӧ пежаланныд, кор ваянныд налы козинъяс да сотанныд вись пыдди ассьыныд пияннытӧ. И та бӧрын ті, израильсаяс, локтанныд юасьны Менсьым! Ме Ачым кыв сетӧмӧн шуа, – висьталӧ Господь Ыджыдыс, – мый ог вочавидз тіянлы.

Езекиль 23:27

Ме пукта пом тэнад лэдзчысьӧм олӧмлы да кырсалӧмлы. Египет муысь локтӧмсянь тэ олін лэдзчысьӧмӧн да кырсалӧмӧн, но водзӧ он кӧсйы тадзи овны, Египетын олӧмтӧ он нин кӧсйы казьтывны.

Левит 18:21

Ныв-питӧ эн вай вись пыдди Молок идоллы, эн янӧд аслад Енлысь нимсӧ. Ме – Господь.

Левит 18:3

Энӧ вӧчӧй Египет муын олысьяс моз, кодъяс пӧвстын ті олінныд. Ме нуӧда тіянӧс Ханаан муӧ, но энӧ вӧчӧй сэні олысьяс моз, энӧ олӧй налӧн оласног серти.

Левит 20:2

«Висьтав Израиль пиянлы: мед виасны мортӧс, коді сетас ныв-писӧ Молок идоллы. Израиль войтыр мед изъялас тайӧ мортсӧ, Израиль войтырысь-ӧ сійӧ либӧ йӧз муысь локтысь.

Микей 6:7

Шогмана-ӧ лоӧ Господьлы, вая кӧ сюрс межӧс, вая кӧ ю моз визувтысь олив вый? Сета ӧмӧй ассьым медводдза чужысьӧс лёк вӧчӧмӧй вӧсна, сьӧлӧмувса кагаӧс – мыжӧй вӧсна?

Индӧд 12:30

видзчысьӧй, мед найӧс бырӧдӧм бӧрын ті энӧ шедӧй налькйӧ да энӧ олӧй на моз. Энӧ юасьӧй тайӧ войтыръяслӧн енъяс йылысь, энӧ юалӧй, кыдзи найӧ кесъялісны асланыс енъяслы, да энӧ вӧчӧй на моз.

Индӧд 12:4

Господьлы, асланыд Енлы, кесъялігӧн на моз энӧ вӧчӧй.

Индӧд 20:18

Но онӧ кӧ бырӧдӧй найӧс, найӧ велӧдасны тіянӧс быдпӧлӧс зывӧкторйӧ, мый найӧ вӧчӧны асланыс енъяслы юрбитігӧн. Тадзи ті асланыд Господь Енлы паныд мыж вӧчанныд.

Индӧд 9:4

Кор Господь, тіян Енныд, вӧтлас найӧс тіян водзысь, энӧ мӧвпалӧй, мый тіян веськыдлунныд вӧсна Господь вайӧдіс тіянӧс татчӧ, медым ті босьтінныд тайӧ [бур] мусӧ. Ӧд тайӧ войтыръяслӧн пеж олӧм вӧсна Господь вӧтлӧ найӧс тіян водзысь.

Индӧд 9:5

Ті мунанныд босьтны налысь мусӧ онӧ асланыд веськыдлун вӧсна да сӧстӧм сьӧлӧмныд вӧсна, но Господь, тіян Енныд, вӧтлӧ найӧс тіян водзысь налӧн пеж олӧм вӧсна. Тадзи Господь збыльмӧдӧ Ӧвраамлы, Исааклы да Яковлы, тіян батьяслы, сетӧм кывсӧ.