Индӧд 12:23 - Коми Библия 2023

²³ Эн сёй вирсӧ, ӧд вирын – олӧмыс. Та вӧсна яйсӧ вирнас эн сёй.

Индӧд 12:23 Kruisverwysings

Олӧм 9:4

Сӧмын энӧ сёйӧй яй, кӧні эм вир, ӧд вирын – олӧмыс.

Езекиль 33:25

Та вӧсна шу налы, мый Господь Ыджыдыс тадзи висьталӧ: ті сёянныд яйсӧ вирнас, юрбитанныд идолъясныдлы да вир кисьтанныд. Тіян-ӧ тайӧ муыс?

Левит 17:10

«Израиль войтыр пӧвстысь либӧ йӧз муысь локтысьяс пӧвстысь кӧ кодкӧ сёяс вир, Ме паныд сувта сылы да бырӧда сійӧс войтыр пӧвстысь,

Левит 17:11

ӧд быд ловъя олысьлӧн олӧмыс сылӧн вирас. Мыжнытӧ вештӧм могысь Ме тшӧкті тіянлы вир вайны висьпуктанін вылӧ, ӧд вирын олӧм, и сійӧ вештӧ мыжнытӧ.

Левит 19:26

Энӧ сёйӧй яйсӧ вирнас. Энӧ тунасьӧй, энӧ кимӧститчӧй.

Левит 7:26

Кӧть кӧні ті кутанныд овны, лэбачлысь ни пемӧслысь вирсӧ энӧ сёйӧй.

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

Индӧд 12:16

Вирсӧ сӧмын энӧ сёйӧй, ва моз койыштӧй сійӧс му вылӧ.

Индӧд 12:22

Сёй тайӧ яйсӧ газель да кӧр яй моз. Яйсӧ вермас сёйны [тэ ордын] и сӧстӧм, и пежасьӧм морт.

Индӧд 12:24

Вирсӧ эн сёй, но ва моз койышт сійӧс му вылӧ.

Индӧд 15:23

Вирсӧ сӧмын энӧ сёйӧй, ва моз койыштӧй сійӧс му вылӧ».

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

Ӧксыяслӧн 1 небӧг 14:32

Сэки найӧ уськӧдчисны босьтавны филистимсаяслысь ыжъяссӧ, ӧшъяссӧ да куканьяссӧ. Сэсся му вылас начкисны найӧс да сёйисны яйсӧ вир сорнас.

Ӧксыяслӧн 1 небӧг 14:33

Сауллы висьталісны, тэнад йӧзыд пӧ мыж вӧчӧны Господьлы паныд – сёйӧны вир сора яй. Саул шуис йӧзыслы: «Ті мыжминныд. Путкыльтӧй меным татчӧ ыджыд из».