Индӧд 12:21 - Коми Библия 2023

²¹ Тэсянь кӧ ылын лоӧ сійӧ местаыс, мый Господь, тэнад Енмыд, бӧръяс Аслас нимлы оланінӧн, сэки Господьӧн [тэнад Енмӧн] сетӧм ыж-мӧскыд пӧвстысь начкы пемӧстӧ, кыдзи ме тшӧкті. Аслад оланінын тэ верман сёйны, мыйта кӧсъян.

Индӧд 12:21 Kruisverwysings

Ӧксыяслӧн 3 небӧг 14:21

Соломонлӧн Ровоам пиыс ӧксыаліс Иуда муын. Ӧксыӧ пуксигас Ровоамлы вӧлі нелямын ӧти арӧс. Дас сизим во чӧж сійӧ юраліс Ерусалим карын. Израильса чужанкотыръяслӧн каръясысь Господь бӧрйис тайӧ карсӧ, медым сэні вӧлі Сылӧн нимыс. Ровоамлӧн мамыс вӧлі аммон войтырысь Наама.

2 Каднебӧг 12:13

Ровоам ӧксылӧн юралӧмыс зумыдмис Ерусалим карын. Ӧксыӧ пуксигас Ровоамлы вӧлі нелямын ӧти арӧс. Дас сизим во чӧж сійӧ юраліс Ерусалим карын. Израильса чужанкотыръяслӧн каръясысь Господь бӧрйис тайӧ карсӧ, медым сэні вӧлі Сылӧн нимыс. Ровоамлӧн мамыс вӧлі аммон войтырысь Наама.

Ездра 6:12

Енмыс, коді бӧрйис Ерусалим кар Аслас нимлы оланінӧн, мед бырӧдас быд ӧксыӧс да войтырӧс, кодъяс паныд кыпӧдчасны тайӧ тшӧктӧмыслы да лёктор вӧчасны Енлӧн ерусалимса крамлы. Ме, Дарий, гижи тайӧс. Менсьым тшӧктӧмӧс мед стӧча пӧртасны олӧмӧ».

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Индӧд 12:15

Кор Господь бурсиас тіянӧс да сетас тіянлы ыж-мӧскӧс, сэки ті верманныд асланыд кӧсйӧм серти начкыны да сёйны ыж-мӧснытӧ быдлаын, кӧні оланныд. И сӧстӧм, и пежасьӧм морт вермас сёйны тайӧ яйсӧ газель да кӧр яй моз.

Индӧд 12:20

Господь, тіян Енныд, ыдждӧдас-паськӧдас оланіннытӧ, кыдзи Сійӧ Ачыс висьталіс. Кор кӧсъян сёйны яй, сёй, мыйта кӧсъян.

Индӧд 12:22

Сёй тайӧ яйсӧ газель да кӧр яй моз. Яйсӧ вермас сёйны [тэ ордын] и сӧстӧм, и пежасьӧм морт.

Индӧд 12:5

Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Индӧд 16:11

Гажӧдчӧй Господь Енныд водзын сійӧ местаас, мый Господь бӧръяс Аслас нимлы оланінӧн. Гажӧдчӧй ныв-пиныдкӧд, кесйӧгъясныдкӧд, тіян карын олысь левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян пӧвстын.

Индӧд 16:6

а позьӧ начкыны сӧмын сійӧ местаас, мый Господь, тіян Енныд, бӧръяс Аслас нимлы оланінӧн. Начкӧй ыджыдлунся висьтӧ рытнас шонді пуксигӧн, дзик сійӧ кадас, кор ті петінныд Египетысь.

Индӧд 26:2

сэки став быдтасысь чуктӧдӧй медводдза босьтӧмторнытӧ. Пукты медводдза босьтӧмтортӧ кудйӧ да мун сійӧ местаас, мый Господь, тэнад Енмыд, бӧръяс Аслас нимлы оланінӧн.