Индӧд 1:27 - Коми Библия 2023

²⁷ Асланыд чомъясын ті ропкинныд: ”Господь мустӧмтӧ миянӧс. Сійӧ петкӧдіс миянӧс Египет муысь, медым сетны миянӧс аморейяслӧн киӧ да бырӧдны миянӧс.

Индӧд 1:27 Kruisverwysings

Псалтыр 106:25

Господь тшӧктіс, и кыптіс ыджыд тӧвныр, саридзын быгзисны гыясыс.

Петӧм 16:3

«Бурджык миянлы вӧлі кувны Египет муын Господьлӧн ки помысь, – шуасисны Израиль пиян. – Сэні миян вӧліны яй тыра пӧртъяс, и няньсӧ ми пӧттӧдз сёйлім. А ӧні ті вайӧдінныд татчӧ овтӧминас, медым став тайӧ войтырыс тшыгйысла куліс».

Петӧм 16:8

Мӧисей водзӧ шуис: «Рытнас Господь сетас тіянлы сёйны яй, а асывнас сетас нянь, и ті пӧттӧдзныд сёянныд. Ӧд Господь кыліс, кыдзи ті ропканныд Сы вылӧ. А ми нӧ кодъяс? Ті ӧд он миян вылӧ ропкӧй, а Господь вылӧ».

Лыд 14:3

Мыйла Господь нуӧдӧ миянӧс Ханаан муӧ? Сэні ми шыпурт помысь кулам, а гӧтыръясным да ныв-пиным шедасны вӧрӧг киӧ! Гашкӧ, бурджык бӧр бергӧдчыны Египетӧ?»

Лыд 21:5

Найӧ ропкисны Ен вылӧ да Мӧисей вылӧ, шуасисны: «Мыйла ті петкӧдінныд миянӧс Египетысь, медым овтӧминас ми кулім? Нянь ни ва тані абу! Миянлы мустӧммис тайӧ шогмытӧм сёяныс!»

Матвей 25:24

Сэсся ӧти талант босьтысь локтас да шуас: ”Ыджыдӧй, ме тӧда, тэ чорыд морт: вундан, кытчӧ эн кӧдзлы, да чукӧртан, кытчӧ кӧйдыссӧ эн шыбитлы.

Лука 19:21

Ме полі тэысь, тэ ӧд чорыд морт: босьтан, мый эн пуктывлы, да вундан, мый эн кӧдзлы”.

Индӧд 9:28

медым сійӧ муас, кытысь Тэ петкӧдін миянӧс, йӧзыс эз шуны, мый Господь эз вермы вайӧдны найӧс кӧсйысьӧм муӧ, Сійӧ мустӧмтіс найӧс, та вӧсна нуӧдіс овтӧминӧ, медым бырӧдны.