Галатӧ 4:4 - Коми Библия 2023

⁴ А кор воис урчитӧм кадыс, Енмыс мӧдӧдіс Ассьыс Писӧ, кодӧс ань чужтіс. Ен Пи оліс Индӧд улын,

Галатӧ 4:4 Kruisverwysings

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

Исай 48:16

Матыстчӧй Ме дінӧ да кывзӧй! Водзысяньыс Ме висьтавлі тіянлы восьсӧн. Сійӧ кадсяньыс, кор ставыс тайӧ заводитчис, Ме вӧлі сэні нин. Ӧні Господь Ыджыдыс сетіс меным Ассьыс ловсӧ да мӧдӧдіс менӧ.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Еремей 31:22

Дыр-ӧ на тэ кутан шӧйтны, нылӧй, тэ, коді кежин Меысь? Господь выльтор вӧчас му вылын: гӧтырыс кутас видзны-дорйыны верӧссӧ.

Закар 6:12

Шу сылы, мый Господь Саваоф тадзи висьталӧ: Выль Вож нима морт петас тайӧ муысь да лэптас Господьлысь крамсӧ.

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Лыд 28:22

Мыжысь вись пыдди вайӧй ай кӧзаӧс, медым вештыны мыжнытӧ.

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Матвей 3:15

Исус шуис: «Эн пыксьы Меным. Миянлы колӧ вӧчны веськыдлуныс серти». Сэки Иоан пыртіс Сійӧс.

Матвей 5:17

«Ті чайтанныд, Ме локті бырӧдны пророк гижӧдъяс да Индӧдсӧ? Энӧ мӧвпалӧй тадзи. Ме эг бырӧдны лок, а локті олӧмӧ пӧртны.

Марк 1:15

Сійӧ юӧртіс: «Воис кад. Енлӧн Юралӧмыс матын. Бергӧдчӧй мыжъяссьыныд да эскӧй Евангелльӧӧ».

Лука 1:31

Тэ сьӧктан, чужтан пи да пуктан Сылы Исус ним.

Лука 1:35

Андел вочавидзис: «Вежа Лов лэччас тэ вылӧ, Медвылыссалӧн выныс вевттяс тэнӧ. Та вӧсна тайӧ чужысьыс вежа, Сійӧс шуасны Ен Пиӧн.

Лука 2:7

Сійӧ чужтіс Пи, ассьыс медводдза кагасӧ. Рузумӧ гартыштӧмӧн Мария пуктіс кагасӧ лясниӧ, ӧд туйморт керкаын налы узяніныс эз сюр.

Лука 20:44

Давид шуӧ Сійӧс Господьӧн. Кыдзи нӧ Сійӧ Давидлы пиӧн лоӧ?»

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 10:36

сідзкӧ, мыйла ті шуанныд Менӧ Енмӧс омӧльтысьӧн, Ме кӧ шуа ачымӧс Ен Пиӧн? Ӧд Менӧ Батьӧй вежӧдіс да мӧдӧдіс муюгыдас.

Иоан 3:16

Енмыслы сэтшӧм мусаӧсь йӧзыс, мый сетіс Ассьыс ӧтка Писӧ, медым Сылы эскысь эз вош, а помтӧг оліс.

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Иоан 8:42

Исус шуис: «Енмыс кӧ тіянлы Бать, Ме эськӧ муса вӧлі тіянлы, ӧд Ме Енсянь локті. Ме эг Ассянь лок, Енмыс мӧдӧдіс Менӧ.

Ап. уджъяс 1:7

Сійӧ вочавидзис: «Абу тіян мог тӧдны кадъяс йылысь, Бать индӧ кадъяссӧ.

Римӧ 1:3

Бур Юӧрас висьтавсьӧ Сылӧн Пи йылысь, коді чужис мортӧн да вӧлі Давид чужанвужйысь.

Римӧ 15:8

Ме тадзи гӧгӧрвоа: Исус Кристос локтіс кесъявны иудейяслы, медым збыльмӧдны батьяслы кӧсйысьӧмсӧ да петкӧдлыны, мый Енмыс кутӧ Ассьыс кывсӧ.

Римӧ 5:6

Кор на ми вӧлім жебӧсь, индӧм кадӧ Кристос куліс ми коддьӧм Ентӧг олысьяс вӧсна.

Римӧ 8:3

Ен вӧчис сійӧ, мый эз вӧв вермана Индӧдыслы, ӧд мортлӧн тшыкӧм вир-яй вӧсна Индӧдыс вӧлі вынтӧм. Миян мыжъяс вӧсна Енмыс мӧдӧдіс Ассьыс Писӧ мыжа морт кодьӧн. Тадзи морт вир-яйын Сійӧ мыждіс мортлысь мыжсӧ,

Римӧ 9:5

и налӧн эмӧсь батьяс. Тайӧ войтырысь петіс Кристос, Сійӧ чужис морт кодьӧн. Сійӧ став вылас медыджыд Ен. Ошкӧм Сылы нэмъяс чӧж! Аминь.

Ефесӧ 1:10

медым колана кадӧ ӧтувтны став енэжвывсасӧ да мувывсасӧ Кристос веськӧдлӧм улӧ.

Колосӧ 2:14

вуштыштіс мыжалан гижӧдсӧ став тшӧктӧмъяснас, кодъяс сьӧктӧдісны миянӧс, бырӧдіс сійӧс крестӧ тувъялӧмӧн.

1 Тимофейлы 2:6

Сійӧ сетіс Асьсӧ, медым ньӧбны став йӧзсӧ. Тайӧ петкӧдлӧ, мый мездана кадыс воис нин.

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Еврейяслы 2:14

Тайӧ ныв-пиыслӧн эм вир-яй. Та вӧсна Кристос тшӧтш лоис на кодьӧн, медым кувлӧмнас бырӧдны омӧльӧс – кулӧмыс вылын ыджыдалысьӧс –

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.

1 Иоан 4:14

Батьыс мӧдӧдіс Писӧ мездыны муюгыдсӧ. Ми ас синмӧн аддзылім тайӧс, и ӧні висьталам та йылысь.

1 Иоан 4:2

Енсянь-ӧ лолыс, тӧдмаланныд тадзи: висьталӧ кӧ лолыс, мый Исус Кристос локтіс вир-яйын, сійӧ Енсянь.