Галатӧ 3:1 - Коми Библия 2023

¹ Ті, галатса эскысьяс, дзикӧдз вежӧртӧ воштӧмныд! Коді тіянлысь синнытӧ пӧртіс, мый энӧ кывзысьӧй збыльыслысь? Ӧд тіян син водзын, позьӧ шуны, вӧлі тувъялӧма Исус Кристосӧс.

Галатӧ 3:1 Kruisverwysings

Матвей 24:24

Ӧд ылӧгкристосъяс да ылӧгпророкъяс локтасны да пондасны вӧчны ыджыд шензьӧданаторъяс, медым ылӧдны, позяс кӧ, весиг бӧрйӧмаясӧс.

Матвей 7:26

А коді кылӧ Менсьым кывъясӧс да оз ов на серти, сійӧ лыа вылӧ керкасӧ лэптысь вежӧртӧм морт кодь.

Лука 24:25

Исус шуис налы: «Гӧгӧрвотӧмӧсь тай ті. Сьӧкыда эсканныд пророк кывъясӧ.

Ап. уджъяс 16:6

Асияын Вежа Лов эз сет налы висьтавны Енлысь кывсӧ, та вӧсна найӧ мунісны Фригия да Галат муяс пыр

Ап. уджъяс 6:7

Енлӧн кывйыс паськаліс да велӧдчысьяслӧн лыдыс Ерусалимын ёна содіс, весиг попъяс пӧвстысь унаӧн кутісны эскыны.

Римӧ 10:16

Но эз ставныс кывзыны Бур Юӧрсӧ. Исай шуӧ: «Господьӧй, коді эскис миян висьталӧмӧ?»

Римӧ 2:8

Но чорыд скӧрлун виччысьӧ найӧс, кодъяс радейтӧны сӧмын асьнысӧ, кодъяс оз овны збыльыс серти, а сетчӧны ылӧгас.

Римӧ 6:17

Ошкӧм Енлы, ӧд коркӧ ті вӧлінныд мыжыслӧн кесйӧгъяс, ӧні ті став сьӧлӧмнаныд кутчысянныд тіянлы висьталӧм велӧдӧмас.

1 Коринфӧ 11:26

Тадзи быдпӧрйӧ, кор сёянныд тайӧ няньсӧ да юанныд тайӧ чашасьыс, ті висьталанныд Господьлӧн кулӧм йылысь, кытчӧдз оз лок Сійӧ.

1 Коринфӧ 2:2

Ме мӧвпышті, мый тіянын олігӧн кӧсъя тӧдны сӧмын Исус Кристосӧс – тувъялӧм Кристосӧс.

2 Коринфӧ 10:5

да став кыпӧдчӧмсӧ, мый паныд сувтӧ Енсӧ тӧдмалӧмлы. Ми топӧдам быдпӧлӧс мӧвпъяс, медым найӧ кывзысисны Кристослысь.

2 Коринфӧ 11:3

Коркӧ змей наяна ылӧдліс Еваӧс. Ме пола, мый ті сы моз жӧ ылаланныд да воштанныд ассьыныд восьса йитӧднытӧ Кристоскӧд.

Галатӧ 1:2

Вокъяскӧд ставӧн ми чолӧмалам галатса вичкояс.

Галатӧ 1:6

Ме шензя: ті сэтшӧм ӧдйӧ кежинныд Сыысь, коді Кристослӧн буралӧмнас корис тіянӧс. Кутшӧм тэрыба ті сибӧданныд мӧдпӧлӧс бур юӧрсӧ.

Галатӧ 2:14

Ме аддзи, мый найӧ оз овны Евангелльӧлӧн збыльыс серти. Сэки ставныс дырйи шуи Петырлы: «Тэ, иудей, ачыд кӧ олан мукӧд войтыр моз, а он иудей ног, мыйла мукӧд войтыръясысь эскысьясӧс тшӧктан кутчысьны иудей оласногӧ?»

Галатӧ 3:3

Сы выйӧдз-ӧ ті вежӧртӧмӧсь? Лов вынӧн панінныд, ас вынӧн помаланныд?

Галатӧ 4:9

Но ӧні ті тӧданныд Енсӧ, бурджык шуны, Енмыс тӧдӧ тіянӧс. Сідзкӧ, мыйла ті бӧр бергӧдчанныд муюгыдса ковтӧм жеб вынъяс дінӧ да важ мозыс бара кӧртасянныд сэтчӧ?

Галатӧ 5:11

Вокъяс, ме кӧ ӧні важ мозыс на сулалі вундыштчӧм дор, менӧ нинӧмысь вӧлі вӧтлынысӧ. Сэки эськӧ крестыс некодлы эз ло мытшӧдӧн.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ

Ефесӧ 4:14

Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

Ефесӧ 5:15

Сідзкӧ, сюся видзӧдӧй ас бӧрсяныд: олӧй мывкыдаяс моз, а энӧ вежӧртӧмъяс моз.

Индӧд 32:6

Тадзи ӧмӧй тэ, мывкыдтӧм да вежӧртӧм войтыр, мынтысян Господьлы? Абу-ӧ Сійӧ тіян Бать, тіянӧс Вӧчысьыс? Сійӧ тіянӧс вӧчис да ёнмӧдіс.

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

1 Тимофейлы 6:4

татшӧм мортыс вылӧ пуктӧ асьсӧ да нинӧм оз гӧгӧрво. Сійӧ пыр кӧсйӧ вензьыны да зыксьыны. А тасянь артмӧ вежалӧм, пинясьӧм, лёкӧдӧм, гусьӧн мыждӧм

Еврейяслы 11:8

Эскӧм вӧсна Ӧвраам кывзысис Енмыслысь да муніс кӧсйысьӧм муӧ. Сійӧ эз тӧд, кытчӧ мунӧ, но муніс.

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

1 Петыр 4:17

Мыждан кадыс матын нин, и медводз Енмыс кутас мыждыны Ассьыс войтырсӧ. Сідзкӧ, медводз кӧ кутас мыждыны миянӧс, сэки мый виччысьӧ найӧс, кодъяс оз кывзысьны Енлӧн Евангелльӧлысь?

2 Петыр 2:18

Тшап да ковтӧм сёрнинаныс найӧ ӧзтӧны вир-яйлысь лёкколӧмсӧ да зільӧны кыскыны лэдзчысьӧм оласногӧ найӧс, кодъяс муртса на мынӧмаӧсь ылалӧм йӧзысь.

Восьтӧм 18:3

Мувывса ӧксыяс кырсалісны сыкӧд, а вузасьысьяс озырмисны сылӧн лышкыдлунысь.

Восьтӧм 2:20

Но Менам эм мыйсюрӧ тэныд паныд: тэ лэдзан Езавель аньлы, асьсӧ пророкӧн шуысьлы, велӧдны да кежӧдны ылӧгас Менсьым кесйӧгъясӧс. Тайӧ аньыс велӧдӧ найӧс кырсавны да сёйны идоллы вайӧм сёян.

Ӧксыяслӧн 1 небӧг 13:13

Самуил шуис Сауллы: «Тэ лёка вӧчин. Тэ торкин аслад Господь Енлысь тэныд сетӧм тшӧктӧмсӧ. Тэ кӧ вӧчин Господьлӧн тшӧктӧм серти, Сійӧ эськӧ пыр кежлӧ вынсьӧдіс тэнсьыд ӧксыалӧмтӧ Израильын.