Филипӧ 3:1 - Коми Библия 2023

¹ Нӧшта вокъясӧй, нимкодясьӧй Господь пытшкын! Та йылысь меным абу сьӧкыд казьтывлыны тіянлы, ӧд тайӧ видзас тіянӧс лёксьыс.

Филипӧ 3:1 Kruisverwysings

1 Каднебӧг 15:28

Тадзи буксан да труба шы улӧ гораа нимкодясьӧмӧн, кимвалӧн, арфаӧн да гуслиӧн ворсӧмӧн став Израиль войтыр вуджӧдіс Господьлысь Йитӧд кудсӧ.

1 Каднебӧг 16:10

Ошйысьӧй Сылӧн вежа нимнас! Господьӧс корсьысьлӧн мед нимкодясяс сьӧлӧмыс!

1 Каднебӧг 29:22

Сійӧ лунӧ найӧ ёна нимкодясьӧмӧн сёйисны-юисны Господь водзын. Давидлысь Соломон писӧ выльпӧв пуктісны ӧксыӧ да мавтыштӧмӧн сиисны Господьлы, а Садокӧс мавтыштӧмӧн пуктісны аркирейӧ.

Неемий 8:10

Мунӧй гортаныд да чӧскыда сёйӧй-юӧй. Юксьӧй сёян-юаннад накӧд, кодлӧн нинӧм абу дасьтӧма, ӧд тайӧ лунсӧ вежӧдӧма миян Господьлы. Энӧ шогсьӧй, ӧд Господь водзын нимкодясьӧм ёнмӧдӧ тіянӧс».

Иов 22:26

сэки пондан нимкодясьны Ставсӧвермысьӧн, верман синтӧ лэптыны Енлань.

Псалтыр 149:2

Гажӧдчы, Израиль, тэнӧ Вӧчысь йылысь! Нимкодясьӧй, сионса олысьяс, асланыд Ӧксы йылысь!

Псалтыр 32:11

Но Господьлӧн шуӧмыс олӧ нэмъяс чӧж, Сылӧн кӧсйӧмыс чужысьяссянь чужысьясӧдз оз вежсьы.

Псалтыр 33:1

Давид лӧсьӧдіс тайӧ сьыланкывсӧ, кор лэччысис йӧй улӧ Авимелек водзын. Авимелек вӧтліс Давидӧс, и сійӧ муніс.

Псалтыр 37:4

Тэнад скӧралӧмысь менам вир-яйын абу висьтӧминыс, менам мыж вӧсна лыясӧй оз ланьтлыны висьӧмысь.

Псалтыр 42:4

Ме матыстча Тэнад висьпуктанін дорӧ, матыстча Тэ дінӧ, Енмӧй. Тэ сетан меным нимкодьлун да гажлун, гуслиӧн ворсӧмӧн ме кута ошкыны Тэнӧ, менам Енмӧй.

Псалтыр 5:11

Енмӧй, мыжды найӧс, налӧн лёк мӧвпъясыс мед бырӧдасны асьнысӧ. Шыбит найӧс уна лёк вӧчӧмныс вӧсна, ӧд найӧ кыпӧдчисны Тэныд паныд.

Псалтыр 97:1

[Давидлӧн] псалом. Сьылӧй Господьлы выль сьыланкыв! Сійӧ вӧчис шензьӧданаторъяс. Сылӧн веськыд киыс да вежа выныс вайисны Сылы вермӧмсӧ.

Исай 41:16

Тэ кутан шердйыны найӧс, а тӧлыс нӧбӧдас, тӧвнырыс разӧдас найӧс. Тэ кутан нимкодясьны Господьӧн, кутан ошйысьны Израильлӧн вежа Енмӧн.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 65:14

Менам кесйӧгъясӧй пондасны нимкодясьны, а тіянлы лоӧ юръяндзим. Менам кесйӧгъясӧй пондасны сьывны, налӧн сьӧлӧмныс тырас ыджыд нимкодьлунӧн, а ті понданныд горзыны шогсьӧмныдла, понданныд бӧрдны лов топӧдӧмысь.

Йоиль 2:23

Гажӧдчӧй, Сионын олысьяс, нимкодясьӧй Господь Енныд вӧсна! Сійӧ сетас тіянлы тырмымӧн зэр, воддза мозыс ыстас тіянлы арся да тувсовъя зэр.

Софоний 3:14

Нимкодясь, Сион нылӧй, гажӧдчы, Израиль! Гажӧдчы, Ерусалим нылӧй, став сьӧлӧмсяньыд нимкодясь!

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Закар 10:7

Ефрем чужанкотыр лоӧ вына тышкаморт кодьӧн, сылӧн сьӧлӧмыс гажмас винаысь моз. Ныв-пиныс аддзасны тайӧс да пондасны гажӧдчыны, налӧн сьӧлӧмныс кутас нимкодясьны Господьӧн.

Матвей 5:12

Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

Лука 1:47

нимкодясьӧ лолӧй Ен вӧсна, Мездысьӧй вӧсна,

Римӧ 5:11

Но тайӧ абу на ставыс. Ми нимкодясям нӧшта Енмӧн, ӧд Исус Кристос Господьным пыр миян эм Енкӧд бурасьӧм.

2 Коринфӧ 13:11

Вокъяс, нӧшта висьтала тіянлы: нимкодясьӧй, вежсьӧй бурланьыс, сибӧдӧй меньсьым ышӧдана кывъясӧс, олӧй лӧня да ӧти сьӧлӧмӧн. Сэки муслунсӧ да лӧньлунсӧ сетысь Ен лоас тіянкӧд.

Ефесӧ 6:10

Нӧшта вокъясӧй, ёнмӧдӧй асьнытӧ Господькӧд ӧтувъя олӧмас Сылӧн вермана выннас.

Индӧд 12:18

Сёйӧй висьнытӧ Господь Енныд водзын Сылӧн бӧрйӧм местаын. Тіянкӧд ӧтлаын мед сёясны ныв-пиныд, кесйӧгъясныд, а сідзжӧ тіян карын олысь левитъяс [да йӧз муысь локтысьяс]. Нимкодясьӧй Господь Енныд водзын быдтор вӧсна, мый удж помысь перйинныд аслыныд.

Индӧд 16:11

Гажӧдчӧй Господь Енныд водзын сійӧ местаас, мый Господь бӧръяс Аслас нимлы оланінӧн. Гажӧдчӧй ныв-пиныдкӧд, кесйӧгъясныдкӧд, тіян карын олысь левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян пӧвстын.

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!

Филипӧ 4:8

Вокъяс, нӧшта кора тіянӧс: мӧвпалӧй сӧмын збыльыс, шогманаыс, веськыдыс, сӧстӧмыс, бурыс, мичаыс, ошканаыс да нимкодьыс йылысь.

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

1 Фессалоникаӧ 5:16

Пыр нимкодясьӧй.

Яков 1:2

Вокъяс, долыда нимкодясьӧй, кор тіянлы ковмас нуны быдпӧлӧс сьӧкыдсӧ.

1 Петыр 3:8

Медбӧрти кӧсъя шуны тіянлы: олӧй ӧти сьӧлӧмӧн да ӧти лолӧн, радейтӧй ӧта-мӧднытӧ, лоӧй меліӧсь да рамӧсь.

1 Петыр 4:13

Мӧдарӧ, нимкодясьӧй, ӧд ті тшӧтш нуанныд Кристослысь сьӧкыдсӧ. Сэки Кристослӧн дзирдлуныс воссигӧн ті кутанныд ёна нимкодясьны.

2 Петыр 3:1

Донаясӧй, тайӧ менам мӧд гижӧд нин тіянлы. Кыкнан гижӧдас аслам казьтылӧмъясӧн зіли ышӧдны тіянӧс мӧвпавны сӧстӧма.

Ӧксыяслӧн 1 небӧг 2:1

Анна ошкӧмӧн кевмысис: – Господь гажӧдіс менсьым сьӧлӧмӧс, Сійӧ вылӧ кыпӧдіс менсьым юрӧс. Ме серала менӧ мустӧмтысьяс вылын, ме нимкодяся, ӧд Господь мездіс менӧ.