Филипӧ 2:1 - Коми Библия 2023

¹ Кристоскӧд олӧмыс кӧ ышӧдӧ тіянӧс, Сылӧн муслуныс кӧ бурӧдӧ тіянӧс, Енлӧн Лолыс кӧ ӧтвывтӧ тіянӧс, ті кӧ меліӧсь да бур сьӧлӧмаӧсь ӧта-мӧдныд дінӧ,

Филипӧ 2:1 Kruisverwysings

Псалтыр 133:1

Крамӧ мунігӧн сьылӧм. Ошкӧй Господьӧс, став Сылӧн кесйӧгъяс! Ошкӧй Господьӧс ті, кодъяс войся кадӧ кесъяланныд Господьлӧн крамын, [миян Енлӧн йӧръясын]!

Исай 16:11

Та вӧсна менам пытшкӧсӧй гусли моз бӧрдӧ Моав вӧсна, сьӧлӧмӧй бӧрдӧ Кир-Харешет вӧсна.

Лука 2:25

Сэки Ерусалимын вӧлі Симеон нима вежавидзысь морт. Сійӧ оліс веськыда да виччысис Израильӧс мездӧм. Вежа Лов вӧлі сы вылын.

Иоан 14:18

Ӧтнанытӧ ог коль тіянӧс, Ме бӧр локта тіян дінӧ.

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Иоан 17:13

Ӧні Ме локта Тэ дінӧ. Ме висьтала тайӧс муюгыдас олігӧн на, медым Менам нимкодьлунӧй тыртіс налысь сьӧлӧмнысӧ.

Ап. уджъяс 2:46

Быд лун найӧ ӧти сьӧлӧмӧн чукӧртчывлісны крамӧ, а гортаныс нянь чегисны, сёйисны нимкодьпырысь да восьса сьӧлӧмӧн.

Ап. уджъяс 4:32

Эскысьяс ставныс вӧліны ӧти лолаӧсь да ӧти сьӧлӧмаӧсь. Некод ассьыс эмбурсӧ эз лыддьы асласӧн, ставыс налӧн вӧлі ӧтувъя.

Римӧ 5:5

А лачаыс миян абу весьшӧрӧ, ӧд Ен сетӧма миянлы Вежа Ловсӧ да Сы пыр кисьтӧма сьӧлӧманым Ассьыс муслунсӧ.

Римӧ 8:26

Жеблун дырйиным Лолыс отсалӧ миянлы. Ми весиг огӧ тӧдӧй, мый йылысь да кыдзи колӧ кевмысьнысӧ, но Ачыс Лолыс ышлолалӧмӧн кывъяс шутӧг кевмысьӧ миян вӧсна.

1 Коринфӧ 12:13

Ӧд ми: иудейяс и грекъяс, кесйӧгъяс и мездлуна йӧз – ставным пыртчим ӧти Лов отсӧгӧн ӧти вир-яйӧ, ставным юим ӧти Ловсянь.

1 Коринфӧ 15:31

Вокъяс, ме быд лун куланвыйын – тайӧ збыль, кыдзи збыль и сійӧ, мый ме ошйыся тіянӧн Исус Кристос Господьным водзын.

1 Коринфӧ 3:16

Ті ӧмӧй онӧ тӧдӧй, мый ті – Енлӧн оланін, мый Енлӧн Лолыс олӧ тіян пытшкын.

2 Коринфӧ 2:14

Ошкӧм Енлы! Кристос пыр Сійӧ быд кадӧ сетӧ миянлы вермӧм да миян пыр быдлаын паськӧдӧ Кристос йылысь чӧскыд дука тӧдӧмлунсӧ.

Галатӧ 4:6

Ӧні ті Енмыслӧн ныв-пи. Та вӧсна Ен сетіс сьӧлӧманыд Пиыслысь Ловсӧ. Тайӧ Лолыс шыасьӧ: «Авва, Батьӧй!»

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Ефесӧ 4:4

Вир-яйыс ӧти, Лолыс ӧти, лачаыс, кытчӧ тіянӧс корӧма, тшӧтш ӧти.

Филипӧ 1:8

Ен тӧдӧ, ме ёна радейта тіянӧс Исус Кристослӧн муслунӧн.

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,

Колосӧ 2:2

Ме кӧсъя, медым муслуныс ӧтувтіс налысь сьӧлӧмнысӧ, и найӧ вӧліны повтӧмӧсь да тырвыйӧ тӧдісны Ен Батьлысь гусяторсӧ – Кристосӧс.

Колосӧ 3:12

Сідзкӧ, лоӧй бур сьӧлӧмаӧсь, меліӧсь, авъяӧсь да рамӧсь, терпитӧй ӧта-мӧднытӧ. Ті ӧд Енлӧн бӧрйӧмаяс, вежаяс да Сылӧн мусаяс.

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

1 Иоан 3:24

Коді кутчысьӧ Сылӧн тшӧктӧмъясӧ, сійӧ олӧ Кристос пытшкын, а Кристос – сы пытшкын. Ловсянь, кодӧс Кристос сетіс миянлы, ми тӧдам, мый Сійӧ миян пытшкын.

1 Иоан 4:12

Енсӧ некод некор эз аддзыв. Но ми кӧ радейтам ӧта-мӧднымӧс, сідзкӧ, Енмыс миян пытшкын да Сылӧн муслуныс тыр-бурӧдз воис сьӧлӧманым.

1 Иоан 4:16

Ми тӧдмалім Енлысь миян дінӧ муслунсӧ да эским Сылӧн муслунас. Енмыс эм муслун. Коді олӧ муслун пытшкас, сійӧ Ен пытшкын, а Енмыс сы пытшкын.