Езекиль 20:8 - Коми Библия 2023

⁸ Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 20:8 Kruisverwysings

Неемий 9:26

Но найӧ кутісны пыксьыны Тэныд, кыпӧдчисны Тэныд паныд, ӧтдортісны Тэнсьыд Индӧдтӧ, виалісны Тэнсьыд пророкъястӧ, кодъяс ӧлӧдісны найӧс, медым веськӧдны Тэлань. Найӧ вӧчисны уна пеж,

Псалтыр 106:23

Кодсюрӧ кывтісны корабльяс вылын саридзӧд, сэні перйисны аслыныс кынӧмпӧт.

Псалтыр 78:8

Эн пукты миян вылӧ батьяснымлысь мыжъяссӧ, тэрмась петкӧдлыны миянлы Ассьыд бурлунтӧ, ӧд ми дзикӧдз жебмим.

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Еремей 11:8

Но найӧ эз кывзыны Менӧ, эз сибӧдны Менсьым кывъясӧс. Найӧ олісны асланыс лёк да чорыд сьӧлӧмныс серти. Та вӧсна Ме налы паныд бергӧді ставсӧ, мый вӧлі шуӧма тайӧ йитӧдас. Ме тшӧктылі налы овны йитӧд серти, но найӧ эз овны».

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.

Еремей 7:24

Но найӧ эз кывзыны Менӧ, эз сибӧдны Менсьым кывъясӧс. Найӧ олісны асланыс кӧсйӧм серти, лёк да чорыд сьӧлӧмныс серти, бергӧдісны Меланьӧ мышнысӧ, а эз чужӧмнысӧ.

Езекиль 20:13

Но Израиль войтыр кыпӧдчис Меным паныд овтӧминын. Найӧ бокӧ вештісны Менсьым индӧд-тшӧктӧмъясӧс, на серти эз овны, медым видзны ассьыныс олӧмнысӧ. Менсьым шойччан лунӧс найӧ пежалісны. Сэки Ме шуи, мый овтӧминын кисьта на вылӧ Ассьым скӧрлунӧс да бырӧда найӧс.

Езекиль 20:16

Найӧ вештісны Менсьым индӧд-тшӧктӧмъясӧс бокӧ, эз овны на серти, пежалісны Менсьым шойччан лунӧс, ӧд сьӧлӧмнысӧ бергӧдісны идолъяслань.

Езекиль 20:21

Но найӧ тшӧтш кыпӧдчисны Меным паныд, эз овны Менам индӧд-тшӧктӧмъяс серти, медым видзны ассьыныс олӧмнысӧ. Нӧшта найӧ пежалісны Менсьым шойччан лунӧс. Сэки Ме шуи, мый овтӧминын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 20:7

Ме тшӧкті налы, медым вештасны син водзсьыныс зывӧкторъяссӧ да дугдасны пежавны асьнысӧ египетса идолъясӧн, ӧд Ме – Господь, налӧн Ен.

Езекиль 22:22

Пачын эзысьӧс сывдӧм моз тіянӧс лоӧ сывдӧма Ерусалимын. Сэки ті тӧдмаланныд, мый Ме, Господь, кисьті Ассьым скӧрлунӧс тіян вылӧ».

Езекиль 23:3

Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.

Езекиль 5:13

Ме кисьта Ерусалимын олысьяс вылӧ Ассьым скӧрлунӧс, койышта на вылӧ Ассьым ярлунӧс, и сӧмын та бӧрын бурмас Менам сьӧлӧмӧй. Кор Менам скӧрлунӧй мунас на вывті, найӧ тӧдмаласны, мый вежӧгтӧмпырысь Ме, Господь, мыжді найӧс.

Езекиль 7:8

Регыд Ме кисьта тіян вылӧ Ассьым скӧрлунӧс, Ассьым ярлунӧс петкӧдла тіянлы. Ме мыжда тіянӧс олан туйныд серти, мынтыся зывӧк вӧчӧмсьыныд.

Осий 9:10

Ме аддзи Израильӧс овтӧминысь – сійӧ вӧлі виноград вотӧс кодь. Ме аддзи Израильлысь батьяссӧ – найӧ вӧліны инжир пулӧн медводдза вотӧс кодьӧсь. Но найӧ мунісны Ваал-Пеорӧ, сетчисны яндысьтӧм олӧмас, лоины пежӧсь, радейтана идолъясныс кодьӧсь.

Левит 18:3

Энӧ вӧчӧй Египет муын олысьяс моз, кодъяс пӧвстын ті олінныд. Ме нуӧда тіянӧс Ханаан муӧ, но энӧ вӧчӧй сэні олысьяс моз, энӧ олӧй налӧн оласног серти.

Индӧд 9:24

Мыйта тӧда тіянӧс, ті пыр кыпӧдчинныд Господьлы паныд.

Индӧд 9:7

«Энӧ вунӧдӧй, кыдзи овтӧминын ті скӧрмӧдлінныд Господьӧс, ассьыныд Ентӧ. Египет муысь петан лунсянь да татчӧ вотӧдз ті пыр пыксинныд Господьлы.