Езекиль 20:18 - Коми Библия 2023

¹⁸ Овтӧминын Ме шуи налӧн ныв-пилы: батьясныдлӧн кок туйӧд энӧ мунӧй, налӧн тшӧктӧмъяс серти энӧ олӧй да налӧн идолъясӧн асьнытӧ энӧ пежалӧй.

Езекиль 20:18 Kruisverwysings

Псалтыр 106:39

Но дзескӧдысь вӧсна налӧн лыдыс чинӧ, найӧ сьӧкыдалӧны да шогсьӧны.

Еремей 11:10

Найӧ бергӧдчисны Меысь да батьясныс моз мыж вӧчисны. Налӧн батьясныс эз кӧсйыны кывзыны Менсьым кывъясӧс, а юрбитісны да кесъялісны мукӧд енъяслы. Израиль войтыр да Иуда войтыр торкисны Менсьым йитӧдӧс, мый Ме кӧрталі налӧн батьяскӧд».

Еремей 2:7

Ме вайӧді тіянӧс муӧ, кӧні быдмӧны сад йӧръяс, медым ті пӧткӧдчинныд вотӧснас да бурторъяснас. Но ті локтінныд да пежалінныд Менсьым муӧс, вӧчинныд сійӧс зывӧкторйӧн.

Еремей 3:9

Яндысьтӧм кырсалӧмнас Иуда пежаліс мусӧ. Изъяслы да пуяслы юрбитӧмнас сійӧ пежаліс йитӧдӧс, мый Ме кӧрталі сыкӧд.

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.

Езекиль 18:14

Но тайӧ мортыслӧн вермас лоны пи, коді аддзӧ батьыслысь мыжъяссӧ, но ачыс сы моз оз вӧч:

Езекиль 18:19

Ті юаланныд: ”Мыйла оз пиыс кывкут батьыслӧн мыж вӧсна?” Пиыс ӧд оліс веськыда да Менам индӧд-тшӧктӧмъяс серти. Та вӧсна сійӧ кутас овны.

Езекиль 2:3

Сійӧ шуис меным: «Морт пиӧй, Ме мӧдӧда тэнӧ Израиль пиян дінӧ, кывзысьтӧм йӧз дінӧ, кодъяс эновтісны Менӧ. Асланыс батьяс моз найӧ пыр на Меным паныд кыпӧдчӧны.

Езекиль 20:7

Ме тшӧкті налы, медым вештасны син водзсьыныс зывӧкторъяссӧ да дугдасны пежавны асьнысӧ египетса идолъясӧн, ӧд Ме – Господь, налӧн Ен.

Амос 2:4

Господь тадзи висьталӧ: – Иуда войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эновтісны Менсьым Индӧдӧс, Менам тшӧктӧмъяс серти эз овны. Батьясныс моз найӧ юрбитісны ылӧг енъяслы, кодъяс кежӧдісны найӧс туйсьыс.

Лыд 14:31

Ныв-пинытӧ, код йылысь ті шулінныд, шедасны пӧ вӧрӧг киӧ, Ме пырта сэтчӧ. Найӧ босьтасны аслыныс сійӧ мусӧ, мый ті ӧтдортінныд.

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

1 Петыр 1:18

Ті ӧд тӧданныд, мый тіянӧс ньӧбӧма абу бырана эзысь-зарни вылӧ, медым мездыны тіянӧс весьшӧрӧ олӧмысь, коді вуджис тіянлы батьяссяньныд.