Езекиль 2:1 - Коми Библия 2023

¹ Татшӧм ногӧн петкӧдчис Господьлӧн дзирдлуныс. Сійӧс аддзӧмысь ме кымынь уськӧдчи муас. И ме кылі гӧлӧс шы. Сійӧ шуис меным: «Морт пиӧй, чеччы. Ме кута сёрнитны тэкӧд».

Езекиль 2:1 Kruisverwysings

Псалтыр 8:4

Кор ме видзӧда енэжас – Тэнад киӧн вӧчӧмтор вылӧ, тӧлысь да кодзувъяс вылӧ, кодъясӧс Тэ пуктін енэжас,

Езекиль 1:28

Сійӧс кытшалысь дзирдалӧмыс вӧлі зэр дырйи кымӧръясын мыччысьӧм ӧшкамӧшка кодь.

Езекиль 12:3

Морт пиӧй, лӧсьӧд ноп да луннас налӧн син водзын пленӧ босьтӧм морт моз мӧдӧдчы мунны мӧдлаӧ. Гашкӧ, тайӧ войтырыс гӧгӧрвоас, мый найӧ асныраӧсь.

Езекиль 13:2

«Морт пиӧй, шу ассяньныс пророкалысь израильса пророкъяслы: кывзӧй Господьлысь кывсӧ.

Езекиль 14:13

«Морт пиӧй, кутшӧмкӧ муын олысьяс кӧ Меным паныд мыж вӧчасны да эновтасны Менӧ, сэки Ме на вылӧ киӧс лэпта. Ме мырддя налысь няньсӧ, мӧдӧда налы тшыгъялӧм, бырӧда сэтысь став йӧзсӧ да ыж-мӧссӧ.

Езекиль 14:3

«Морт пиӧй, тайӧ йӧзыс сьӧлӧмнас кӧртасьӧмаӧсь идолъяс дінӧ. Син водзаныс найӧ сувтӧдӧмаӧсь мыжас уськӧданторъяс. Та бӧрти Ме ӧмӧй вочавидза налы?

Езекиль 15:2

«Морт пиӧй, вӧрса пуяс дорысь мыйӧн бурджык виноград пу?

Езекиль 16:2

«Морт пиӧй, уськӧд Ерусалимлы тӧд вылас зывӧк уджъяссӧ.

Езекиль 17:2

«Морт пиӧй, нӧдкыв нӧд Израиль войтырлы, висьтав велӧданвисьт.

Езекиль 2:3

Сійӧ шуис меным: «Морт пиӧй, Ме мӧдӧда тэнӧ Израиль пиян дінӧ, кывзысьтӧм йӧз дінӧ, кодъяс эновтісны Менӧ. Асланыс батьяс моз найӧ пыр на Меным паныд кыпӧдчӧны.

Езекиль 2:6

Морт пиӧй, тэ эн пов наысь, эн повзьы налӧн сёрниысь, эн пов, весиг кӧ найӧ лоӧны бытшкалысь лежнӧг кодьӧс, весиг кӧ кутан овны на дінын скорпионъяс пӧвстын моз. Эн пов налӧн сёрниысь, эн повзьы наысь, ӧд найӧ асныра войтыр.

Езекиль 2:8

Морт пиӧй, кывзы, мый Ме висьтала тэныд. Эн ло тайӧ войтырыс кодь асныра. Восьт вомтӧ да сёй, мый Ме сета тэныд».

Езекиль 20:3

«Морт пиӧй, шу израильса юрнуӧдысьяслы, мый Господь Ыджыдыс тадзи висьталӧ: ті локтінныд Менсьым юасьны, но Ме Ачым кыв сетӧмӧн шуа, мый ог вочавидз тіянлы, – висьталӧ Господь Ыджыдыс.

Езекиль 3:1

Сійӧ шуис меным: «Морт пиӧй, сёй гартӧм гижӧдсӧ, мый тэ водзын. Сэсся мун да висьтав Израиль войтырлы Менсьым кывйӧс».

Езекиль 3:10

Сійӧ шуис меным: «Морт пиӧй, кывзы Менсьым кывъясӧс, сибӧд сьӧлӧмад, мый Ме висьтала.

Езекиль 3:17

«Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Езекиль 3:4

Сійӧ шуис меным: «Морт пиӧй, мун Израиль войтыр дінӧ да висьтав налы Менсьым кывйӧс.

Езекиль 37:3

Господь юаліс: «Морт пиӧй, ловзясны-ӧ тайӧ лыясыс?» Ме вочавидзи: «Господьӧй Ыджыдӧй, тайӧс Тэ Ачыд тӧдан».

Езекиль 4:1

«Морт пиӧй, босьт кирпич, пукты ас водзад да серпасав сэтчӧ Ерусалим кар.

Езекиль 40:4

Сійӧ шуис меным: «Морт пиӧй, бура видзӧд, сюся кывзы да босьт тӧд вылад ставсӧ, мый ме петкӧдла тэныд. Дзик та вӧсна тэнӧ татчӧ вайӧдӧма. Ставсӧ, мый аддзылан, висьтав Израиль войтырлы».

Езекиль 43:18

Господь шуис меным: «Морт пиӧй! Господь Ыджыдыс тадзи висьталӧ: висьпуктанін йылысь тшӧктӧмыс татшӧм. Сійӧ лунӧ, кор кыпӧдасны висьпуктанінсӧ, медым вайны сотан висьяс да резны сійӧс вирӧн,

Езекиль 5:1

«Морт пиӧй, шырсьысьлӧн пурт пыдди босьт лэчыд шыпурт да брит юрситӧ да тоштӧ. Босьт вески и веситӧмӧн юклы бритӧм юрситӧ да тоштӧ

Езекиль 7:2

– Морт пиӧй, [висьтав, мый] Господь Ыджыдыс тадзи висьталӧ: Израиль мулы воис пом. Мусӧ помсянь помӧдз лоӧ бырӧдӧма.

Даниил 10:11

Сійӧ шуис меным: «Даниил, тэ муса Енмыслы. Гӧгӧрво сійӧ кывъяссӧ, мый ме висьтала тэныд. Чеччы да сувт кок вылад, ӧд менӧ мӧдӧдӧма тэ дінӧ». Кор сійӧ шуис тайӧ кывъяссӧ, ме чеччи дзӧригтыр.

Даниил 10:19

Сійӧ шуис меным: «Эн пов, тэ муса Енмыслы! Лӧнь олӧм тэныд, ёнмӧдчы!» Кор сійӧ сёрнитіс мекӧд, ме вынсялі да шуи сылы: «Ыджыдӧй, водзӧ висьтав меным, тэ ӧд вынсьӧдін менӧ».

Даниил 8:17

Гавриил матыстчис сэтчӧ, кӧні ме сулалі. Сэки ме ёна повзи да кымынь уськӧдчи муас. Сійӧ шуис меным: «Мортӧй, тӧд, мый тэнад аддзылӧмыд бӧръя кад йылысь».

Матвей 17:7

Исус матыстчис, инмӧдчыліс на дінӧ да шуис: «Чеччӧй, энӧ полӧй».

Иоан 3:13

Енэжас олысь да енэжсянь лэччӧм Морт Пиысь кындзи енэжас некод на эз кыпӧдчыв.

Иоан 3:16

Енмыслы сэтшӧм мусаӧсь йӧзыс, мый сетіс Ассьыс ӧтка Писӧ, медым Сылы эскысь эз вош, а помтӧг оліс.

Ап. уджъяс 26:16

Ӧні чеччы да сувт кок вылад. Ме петкӧдчи тэныд, мед тэ кесъялін Меным да висьталін, мый тэ аддзылін да мый Ме восьта на тэныд.

Ап. уджъяс 9:6

Савлӧс полӧм босьтіс, тіралӧмӧн сійӧ юаліс: «Господьӧй, мый Тэ тшӧктан меным вӧчны?» Господь шуис сылы: «Чеччы да мун карас. Сэні висьталасны, мый тэныд колӧ вӧчнысӧ».