Езекиль 10:5 - Коми Библия 2023

⁵ Херувимъяслӧн борд шыныс кыліс весиг ортсы йӧрӧдз, сійӧ вӧлі Ставсӧвермысь Енлӧн гӧлӧс шы кодь.

Езекиль 10:5 Kruisverwysings

Ӧксыяслӧн 3 небӧг 7:9

Став тайӧ лэптӧм керкаяссӧ подувсяньыс керка вевтӧдзыс и ортсы стенсяньыс ыджыд йӧрӧдзыс вӧлі вӧчӧма колана ыджда серти кералӧм-лӧсалӧм гырысь бур изъясысь. Изъяссӧ вӧлі шыльӧдӧма керка ортсыладорсяньыс и пытшкӧсладорсяньыс.

2 Каднебӧг 4:9

Соломон вӧчӧдіс ыджыд йӧр, попъяслы йӧр да йӧръясас пыран дзиръяяс. Дзиръяяссӧ эжисны ыргӧнӧн.

Иов 40:9

сэки Ме ошка тэнӧ, ӧд тэ верман мездыны ачыд асьтӧ.

Псалтыр 68:33

Тайӧс аддзасны рам сьӧлӧмаяс да кутасны нимкодясьны, Енсӧ корсьысьяслӧн сьӧлӧмныс ловзяс.

Псалтыр 77:17

Но найӧ водзӧ Енлы паныд мыж вӧчисны, дӧзмӧдісны Медвылыссаӧс овтӧминын.

Петӧм 19:16

Коймӧд луннас водз асывсянь гымаліс-чардаліс, Синай керӧс вевттьысис сук кымӧрӧн, кыліс горасьыс-гора буксан шы. Чомъяс дінын став войтырыс полӧмысла тіраліс.

Петӧм 19:19

Буксан шы гораммис и гораммис. Мӧисей сёрнитіс, а Ен вочавидзис сылы гӧлӧс шыӧн.

Исай 6:8

Сэсся ме кылі Господьлысь гӧлӧс шысӧ: «Кодӧс Меным мӧдӧднысӧ? Коді мунас миян пыдди?» Сэки ме шуи: «Со ме, мӧдӧд менӧ!»

Езекиль 1:24

Ме кылі налӧн бордъяслысь шысӧ. Сійӧ вӧлі бузгысь ыджыд ва кодь, Ставсӧвермысьлӧн гӧлӧс шы кодь. Ловъя олысьяслӧн муніганыс борд шыныс вӧлі уна лыда тышкайӧзлӧн восьлалӧм шы кодь. А кор найӧ сувтлісны, борднысӧ лэдзлісны.

Езекиль 10:6

Кор шабді паськӧма мортлы Господь тшӧктіс мунны да босьтны гӧгыльяс костысь, херувимъяс шӧрысь, биа ӧгыр, сійӧ муніс да сувтіс гӧгыль дінас.

Езекиль 40:17

Морт вайӧдіс менӧ ортсы йӧрӧ. Йӧр гӧгӧрыс вӧлі вольсалӧма изъяс, и сэні сулаліс керка, кӧні сьӧрсьӧн-бӧрсьӧн вӧлі комын жыр.

Езекиль 46:21

Сэсся морт петкӧдіс менӧ ортсы йӧрӧ да нуӧдіс йӧрлӧн нёльнан пельӧсӧ. Ме аддзи, мый ортсы йӧрлӧн быд пельӧсын вӧлі ичӧтик йӧр.