Ездра 9:12 - Коми Библия 2023

¹² Та вӧсна энӧ сетӧй ассьыныд нывъяснытӧ налӧн пиян сайӧ, и энӧ босьтӧй налысь нывъяссӧ асланыд пиянлы гӧтырӧ. Некор энӧ пуктӧй пай налысь олӧмсӧ бурмӧдӧмӧ да налӧн озырлун чукӧртӧмӧ. Тайӧ тшӧктӧмъясыс серти кӧ кутанныд овны, ті ёнманныд, кутанныд пӧткӧдчыны муыслӧн вотӧсӧн, и колянныд мунытӧ пияныдлы пыр кежлӧ”.

Ездра 9:12 Kruisverwysings

1 Каднебӧг 28:8

Ӧні Господьлӧн став Израиль войтыр водзын да миян Ен водзын тшӧкта: зумыда кутчысьӧй асланыд Господь Енлӧн тшӧктӧмъясӧ. Сэки тайӧ бур муыс лоӧ тіян, и ті вичмӧданныд сійӧс асланыд челядьныдлы пыр кежлӧ.

2 Каднебӧг 19:2

Иосафат ӧксылы воча петіс Еху нима пророк, Хананилӧн пиыс, да шуис: «Мыйла тэ отсалін лёк вӧчысьлы? Мыйла тэ Господьӧс мустӧмтысьясӧс радейтан? Таысь тэнӧ суас Господьлӧн скӧрлуныс.

Ездра 9:2

Тайӧ войтыръясысь найӧ босьтісны аслыныс да пияныслы гӧтыръясӧс. Тадзи вежа войтыр сорласис мукӧд войтыркӧд. Татшӧм мыж вӧчӧмыс петіс юралысьяссянь да веськӧдлысьяссянь».

Петӧм 23:32

[Энӧ ӧтувтчӧй накӧд да] энӧ кӧрталӧй йитӧд накӧд да налӧн енъяскӧд.

Шусьӧгъяс 13:22

Мыж вӧчысьӧс лёкыс суӧ, а веськыда олысьлы бурыс вичмӧ.

Шусьӧгъяс 20:7

Веськыд мортыд сӧстӧм оласнога, майбырӧсь сылӧн ныв-пиыс.

Исай 1:19

Ті кӧ кӧсйысянныд кывзысьны Менсьым, сэки кутанныд пӧткӧдчыны муыслӧн сетӧмторйӧн.

Индӧд 23:6

Аммон да Моав войтыръяслы некор энӧ вӧчӧй бурсӧ да энӧ отсасьӧй налы.

Индӧд 23:7

Но энӧ мустӧмтӧй эдомсаясӧс, ӧд найӧ тіянлы вокъяс. Энӧ мустӧмтӧй египетсаясӧс, ӧд налӧн муын ті вӧлінныд локтысь йӧзӧн.

Индӧд 7:3

Энӧ рӧдвужасьӧй накӧд: ассьыныд нывъястӧ налӧн пиян сайӧ энӧ сетӧй и налысь нывъяссӧ пияныдлы гӧтырӧ энӧ босьтӧй.