Ездра 6:3 - Коми Библия 2023

³ Кир ӧксы аслас медводдза веськӧдлан воӧ сетіс тшӧктӧм, медым вись вайӧм могысь Ерусалимын лэптыны Енлысь крамсӧ. Подувсӧ мед вӧчасны зумыда. Крамыс судтанас мед вӧлі квайтымын гырддза, и пасьтанас – квайтымын гырддза.

Ездра 6:3 Kruisverwysings

2 Каднебӧг 2:3

Тирса Хирам ӧксы дінӧ Соломон мӧдӧдіс йӧзӧс, медым найӧ висьталісны сылы: «Водзынджык тэ отсалін менам Давид батьлы – мӧдӧдлін сылы сус пуяс, медым вӧчны наысь аслыс керка.

2 Каднебӧг 2:6

Но коді вермас лэптыны Сылы керка, весиг кӧ енэжыс да енэжвывса енэжъясыс оз вермыны тӧрӧдны Сійӧс? Коді ме сэтшӧмыс, медым лэптыны Сылы керка? Ме верма сӧмын вись сотӧм могысь лэптыны Сылы керка.

2 Каднебӧг 36:22

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 1:2

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам.

Ездра 3:7

Изйысь да пуысь вӧчасьысьяслы израильсаяс сетісны сьӧм, а сёян-юан да вый сетісны сидонса да тирса йӧзлы, медым найӧ саридзті вайисны Иоппия карӧ Ливанысь сус пуяс. Персияса Кир ӧксы лэдзис вӧчны тайӧс.

Ездра 6:14

Иудейяслӧн юрнуӧдысьяс вӧчисны крамсӧ водзӧ. Аггей пророк да Закар пророк, Иддолӧн пиыс, ышӧдісны найӧс пророкалӧмнас, та вӧсна уджыс муніс бура. Израиль Енлӧн кӧсйӧм серти, персияса Кир, Дарий да Артаксеркс ӧксыяслӧн тшӧктӧм улын крам лэптӧмсӧ вӧлі вайӧдӧма помӧдз.

Псалтыр 122:4

Миянӧс тырмымӧн нин лёкӧдісны ышнясьысьяс, увтыртісны вылӧ кыпӧдчысьяс.

Восьтӧм 21:16

Карыс вӧлі нёль пельӧса, сылӧн кузьтаыс да пасьтаыс вӧлі ӧткодь. Андел мурталіс карсӧ бедьнас, и карлӧн кузьтаыс лои дас кык сюрс стадий. А карыслӧн судта-пасьтаыс вӧлі ӧткодь карыслӧн кузьтакӧд.