Ездра 4:3 - Коми Библия 2023

³ Зоровавель, Исус да израильса мукӧд рӧдкутысьяс вочавидзисны: «Миянкӧд тшӧтш ті онӧ кутӧй лэптыны миян Енлы крамсӧ. Ми асьным лэптам сійӧс Господьлы, Израильӧн Енлы, кыдзи тшӧктіс миянлы персияса Кир ӧксы».

Ездра 4:3 Kruisverwysings

2 Каднебӧг 36:22

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 1:2

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам.

Ездра 1:3

Быдӧн Сылӧн войтырысь мед мунас Иуда муӧ Ерусалимӧ. Енмыс мед лоас быдӧнкӧд! Лэптӧй сэні крам Господьлы, Израильлӧн Енлы. Сійӧ – Ен, кодлӧн оланіныс Ерусалимын.

Ездра 3:8

Ерусалимӧ Енлӧн крам вӧчанінӧ локтӧмсянь мӧд во мӧд тӧлысьнас Шеалтиэллӧн Зоровавель пиыс да Иоседеклӧн Исус пиыс, нӧшта налӧн вокъясыс – попъяс да левитъяс – да пленысь Ерусалимӧ локтӧмаяс босьтчисны вӧчны крам. Уджнас веськӧдлыны пуктісны кызь арӧса да ыджыдджык арлыда левитъясӧс.

Неемий 2:20

Ме вочавидзи налы: «Енэжвывса Ен отсалас миянлы лэптыны тайӧ карсӧ. Ми, Сылӧн кесйӧгъяс, лэптам сійӧс, а тіян некутшӧм пай оз ло Ерусалимын, тіян йылысь весиг оз казьтыштны тані».

Исай 44:28

Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Исай 45:4

Аслам Яков кесйӧг понда, Аслам бӧрйӧм Израиль понда, Ме чуксала тэнӧ нимнад, Ме нимӧді тэнӧ, кӧть тэ Менӧ он тӧд.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Иоан 4:9

Ань шуис Исуслы: «Ачыд Тэ иудей, а коран менсьым, самарияса аньлысь, ва юны?» Иудейяс ӧд самарияса войтыркӧд оз волысьны.

Ап. уджъяс 8:21

Тэныд весиг гыж ыджда пай оз вичмы таысь, ӧд тэнад сьӧлӧмыд абу веськыд Ен водзас.