Ездра 3:8 - Коми Библия 2023

⁸ Ерусалимӧ Енлӧн крам вӧчанінӧ локтӧмсянь мӧд во мӧд тӧлысьнас Шеалтиэллӧн Зоровавель пиыс да Иоседеклӧн Исус пиыс, нӧшта налӧн вокъясыс – попъяс да левитъяс – да пленысь Ерусалимӧ локтӧмаяс босьтчисны вӧчны крам. Уджнас веськӧдлыны пуктісны кызь арӧса да ыджыдджык арлыда левитъясӧс.

Ездра 3:8 Kruisverwysings

1 Каднебӧг 23:4

На пӧвстысь вӧлі индӧма кесъявны Господьлӧн крамын кызь нёль сюрс мортӧс, квайт сюрс мортӧс вӧлі индӧма лоны гижалысьясӧн да ёрдысьясӧн.

1 Каднебӧг 3:17

Еконейлӧн вӧліны Асир, Шеалтиэл,

Ездра 10:18

Мукӧд войтырысь гӧтыръясӧс вӧлі босьтӧмаӧсь тшӧтш тайӧ попъясыс: Иоседек Исуслӧн да сылӧн вокъяс рӧдысь Маасей, Элизер, Ярив да Гедалий.

Ездра 2:2

Найӧс вайӧдісны Зоровавель, Исус, Неемий, Серай, Релай, Мардокей, Билшан, Миспар, Бигвай, Рехум да Баан. Израиль войтырлӧн айулов лыдыс:

Ездра 3:2

Иоседеклӧн Исус пиыс аслас вокъяскӧд, кодъяс вӧліны попъясӧн, да Шеалтиэллӧн Зоровавель пиыс аслас вокъяскӧд вӧчисны Израильлӧн Енлы висьпуктанін, медым вайны сэні сотан висьяс, кыдзи гижӧма Енлӧн морт Мӧисейлӧн Индӧдын.

Ездра 4:24

Тадзи вӧлі дугӧдӧма Ерусалимын крам лэптӧмсӧ. Уджыс сулаліс персияса Дарий ӧксылӧн мӧд веськӧдлан воӧдз.

Ездра 4:3

Зоровавель, Исус да израильса мукӧд рӧдкутысьяс вочавидзисны: «Миянкӧд тшӧтш ті онӧ кутӧй лэптыны миян Енлы крамсӧ. Ми асьным лэптам сійӧс Господьлы, Израильӧн Енлы, кыдзи тшӧктіс миянлы персияса Кир ӧксы».

Ездра 5:16

Шешбацар локтіс Ерусалимӧ да пуктіс Енлӧн крамлы подувсӧ. Сійӧ кадсяньыс ми лэптам крамсӧ, но сійӧс абу на эштӧдӧма”.

Ездра 5:2

Сэки Шеалтиэллӧн Зоровавель пиыс да Иоседеклӧн Исус пиыс босьтчисны лэптыны Енлысь крамсӧ Ерусалимын. Енлӧн пророкъяс вӧліны накӧд да отсасисны налы.

Аггей 1:1

Дарий ӧксылӧн мӧд веськӧдлан воӧ, квайтӧд тӧлысьлӧн медводдза лунӧ, Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, Аггей пророк пыр вӧлі Господьсянь кыв:

Закар 4:9

– Зоровавель пуктіс подувсӧ крамлы, сійӧ помӧдзыс и лэптас сійӧс. Сэки ті тӧдмаланныд, мый Господь Саваоф мӧдӧдіс менӧ тіян дінӧ.

Закар 6:12

Шу сылы, мый Господь Саваоф тадзи висьталӧ: Выль Вож нима морт петас тайӧ муысь да лэптас Господьлысь крамсӧ.

Лыд 4:3

комын арӧссянь ветымын арӧсӧдз найӧс, кодъяс вермасны уджавны вежа чомйын.