Ездра 3:5 - Коми Библия 2023

⁵ Тайӧ кадсяньыс найӧ вайисны быдлунся сотан висьяс, а выль тӧлысь пасйигӧн да Господьлы сиӧм мукӧд вежа гажӧдчан лунъясӧ вайисны индӧм висьяс. Нӧшта вайисны Господьлы ас кӧсйӧм серти висьяс.

Ездра 3:5 Kruisverwysings

2 Каднебӧг 31:14

Коре нима левит, Имнайлӧн пиыс, асыввыв дзиръя видзысь, тӧждысис войтырлӧн ас кӧсйӧм серти Енлы вайӧмторъяс вӧсна, юкліс попъяслы вежасьыс-вежаторъяс да Господьлы вайӧм козинъяс.

Ездра 3:6

Тадзи сизимӧд тӧлысьлӧн медводдза лунӧ Израиль войтыр бара пондіс вайны Господьлы сотан висьяс, но крамлы подувсӧ абу на вӧлі пуктӧма.

Неемий 10:34

Ми – попъяс, левитъяс да войтыр – пудъясим Енлӧн крамӧ пес вайӧм кузя. Быд рӧдлы быд во урчитӧм кадӧ колӧ вайны пес, медым Индӧдын гижӧм серти миян Господь Енлӧн висьпуктанін вылын ӧзъяліс би.

Еремей 33:18

Левитъяс пӧвстысь попъяс кутасны пыр вайны Меным сотан висьяс, нянь висьяс да мукӧд висьяс».

Левит 1:2

висьтавны Израиль пиянлы: «Коді кутас вайны Господьлы вись, мед ваяс ӧшкӧс, ыжӧс либӧ кӧзаӧс.

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 23:2

«Висьтав Израиль пиянлы, кутшӧм лунъяс налы колӧ торйӧдны Господьлы. Менам вежа гажӧдчан лунъясӧ налӧн мед лоӧ вежа чукӧртчӧм.

Лыд 28:14

Кисьтан вись пыдди вайӧй быд ӧшкӧд гин джын вина, межкӧд – гинлысь коймӧд пайсӧ, быд балякӧд – гинлысь нёльӧд пайсӧ. Во гӧгӧр чӧж быд выль тӧлысь чужигӧн вайӧй татшӧм сотан висьсӧ.

Лыд 28:19

Вайӧй Господьлы сотан вись пыдди кык ӧшкӧс, ӧти межӧс да арӧса сизим баляӧс. Ставныс найӧ мед вӧліны дзоньвидзаӧсь.

Лыд 28:27

Господьлы чӧскыда ӧвтысь сотан вись пыдди вайӧй [дзоньвидза] кык ӧшкӧс, ӧти межӧс да арӧса сизим баляӧс.

Лыд 29:13

Тайӧ гажыслӧн медводдза луннас вайӧй Господьлы чӧскыда ӧвтысь сотан вись пыдди дзоньвидза дас куим ӧшкӧс, кык межӧс да арӧса дас нёль баляӧс.

Лыд 29:2

Господьлы чӧскыда ӧвтысь сотан вись пыдди вайӧй дзоньвидза ӧшкӧс, межӧс да арӧса сизим баляӧс.

Лыд 29:39

Тайӧ висьяссӧ вайӧй Господьлы гажӧдчан лунъясныд дырйи сыысь ӧтдор, мый ваянныд сотан вись, нянь вись, вина вись да бурасян вись пыдди, лоӧ-ӧ висьныд кыв сетан вись либӧ ас кӧсйӧм серти ваян вись».

Лыд 29:8

Господьлы чӧскыда ӧвтысь сотан вись пыдди вайӧй ӧшкӧс, межӧс да арӧса сизим баляӧс, найӧ мед вӧліны дзоньвидзаӧсь.

Индӧд 12:17

Асланыд оланінъясын тіянлы оз позь сёйны дасӧд юкӧнсӧ, мый торйӧданныд няньысь, винаысь да олив выйысь, а сідзжӧ оз позь сёйны ыж-мӧсныдлысь медводдза чужысьсӧ, кыв сетан висьяснытӧ, ас кӧсйӧм серти ваян висьяснытӧ да вайӧмторъяснытӧ.

Индӧд 12:6

да вайӧй ассьыныд сотан висьястӧ да мукӧд висьястӧ, мувыв быдтасысь дасӧд юкӧнтӧ да вайӧмторъястӧ, кыв сетан висьястӧ, ас кӧсйӧм серти ваян висьястӧ [бурасян висьястӧ] да ыж-мӧсныдлысь медводдза чужысьяссӧ.