Ездра 10:14 - Коми Библия 2023

¹⁴ Веськӧдлысьясным мед сувтасны миян пыдди. А миян каръясын олысьяс, кодъяс босьтісны гӧтыръяссӧ мукӧд войтырысь, мед локтасны урчитӧм кадӧ асланыс карса юрнуӧдысьяскӧд да ёрдысьяскӧд. Гашкӧ, татшӧм ногӧн Енмыс вештас миян вылысь мыжным вӧсна ыпъялысь скӧрлунсӧ».

Ездра 10:14 Kruisverwysings

Ӧксыяслӧн 4 небӧг 23:26

Но Господь эз кусӧд Ассьыс ыджыд скӧрлунсӧ. Господьлӧн скӧрлуныс ыпъяліс Иуда вылӧ, ӧд Манассей ёна дӧзмӧдіс Сійӧс.

2 Каднебӧг 28:11

Кывзӧй менӧ! Лэдзӧй пленӧ босьтӧмаясӧс, ассьыныд вокъяснытӧ, ӧд Господьлӧн скӧрлуныс ыпъялӧ тіян вылӧ».

2 Каднебӧг 29:10

Но ӧні ме кӧсъя кӧртавны йитӧд Господькӧд, Израильлӧн Енкӧд, медым Сійӧ вештас миян вылысь Ассьыс ыпъялан скӧрлунсӧ.

2 Каднебӧг 30:8

Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ.

Ездра 10:13

Но ми тані зэв унаӧнӧсь, да и зэран кад ӧні, та вӧсна огӧ вермӧй сулавны ывлаас. Тайӧс он вермы туявны ӧти-кык лунӧн, ӧд миян пӧвстын унаӧн мыжмисны тайӧ пежсьыс.

Ездра 10:15

Сӧмын Асаиллӧн Ионафан пиыс да Тиквайлӧн Яхзей пиыс паныд сувтісны талы, на дор вӧліны тшӧтш Мешуллам да Шаббетай левит.

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Лыд 25:4

Господь шуис Мӧисейлы: «Чукӧрт войтырлысь веськӧдлысьяссӧ да ставныслы аддзымӧнъя Ме водзын ӧшӧд найӧс пу вылӧ. Та бӧрын Менам скӧрлунӧй вешъяс Израиль войтыр дінысь».

Индӧд 13:17

Господьлы сиӧмторъясысь тіян киӧ мед нинӧм оз веськав. Сӧмын ставсӧ бырӧдӧм бӧрын Господь дугдас скӧравны, бурсьӧлӧмтчас да жалитас тіянӧс, сетас тіянлы уна ныв-пиӧс, кыдзи [висьталіс тіянлы да] кыв сетӧмӧн кӧсйысис тіян батьяслы.

Индӧд 17:9

Матыстчӧй сэні поп-левитъяс дінӧ да сійӧ кадас уджалысь ёрдысь дінӧ и юалӧй налысь. Найӧ висьталасны, кыдзи колӧ веськыда мыждыны.

Нав Исус 7:26

Ӧнӧдз на тайӧ ыджыд из чукӧрыс сулалӧ сійӧ местаас, мый шуӧны Акор ковтысӧн сэні лоӧмтор вӧсна. Аканлӧн кулӧм бӧрын Господьлӧн скӧрлуныс лӧнис.