Еврейяслы 6:4 - Коми Библия 2023

^4-6 Ен дінӧ он нин вермы бергӧдны найӧс, кодъяс тӧдлісны Бур Юӧрлысь югыдсӧ, босьтісны Енсянь сетӧмторсӧ, сибӧдісны сьӧлӧмас Вежа Лолӧс, тӧдмалісны Ен кывлысь бурсӧ да аддзылісны локтана нэмлысь вынсӧ, а сэсся бӧр кежисны Кристосысь. Найӧ ӧд выльысь тувъялӧны Ен Пиӧс да пуктӧны Сійӧс серамтуйӧ.

Еврейяслы 6:4 Kruisverwysings

Левит 13:55

Мыськӧм бӧрти кӧ поп аддзас, мый чутыс абу вежсьӧма и абу паськалӧма, сідзкӧ, тайӧ кӧлуйыс пеж. Сійӧс колӧ сотны, гугас кӧть банас мыччысьӧма чутыс.

Левит 14:43

Изъяссӧ перъялӧм, стенсӧ гирскӧм да мавтӧм бӧрын кӧ чутъясыс выльысь мыччысясны,

Лыд 24:3

и сійӧ шуис татшӧм кывъяс: – Тадзи висьталӧ Веорлӧн Валаам пи, морт, кодлӧн синмыс восьса,

Матвей 12:45

Сэки мунӧ да босьтӧ аскӧдыс сизим пеж лолӧс, ассьыс на лёкджыкъясӧс, сэсся ставныс найӧ овмӧдчӧны важ оланінас. Тайӧ мортыслы воддза дорсьыс нӧшта на лёкджык лоӧ. Тадзи жӧ лоӧ ӧнія лёк йӧзлы».

Матвей 5:13

«Ті – муюгыдыслы солыс. Но воштас кӧ солыс ассьыс вынсӧ, кыдзи сійӧс бӧр соланас вӧчан? Сэки сійӧ нинӧм вылӧ оз шогмы, сійӧс сӧмын койыштӧны ветлысьяс кок улӧ.

Иоан 15:6

Коді оз ло Ме пытшкын, увйӧс моз сійӧс шыбитасны ортсӧ, кӧні сійӧ косьмас. А косьмӧм увъястӧ чукӧртӧны да шыбитӧны биӧ.

Иоан 3:27

Иоан вочавидзис: «Мортыс нинӧм оз вермы босьтны аслыс, оз кӧ ло сетӧма сылы енэжсянь.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Иоан 6:32

Исус шуис налы: «Веськыда, веськыда висьтала тіянлы: эз Мӧисей сет тіянлы няньсӧ енэжсянь, но Менам Батьӧй сетӧ тіянлы збыль няньсӧ енэжсянь.

Ап. уджъяс 10:45

Петыркӧд локтӧм эскысь иудейяс чуймисны, мый Вежа Ловсӧ сетӧма тшӧтш мукӧд войтыръяс пиысь эскысьяслы,

Ап. уджъяс 11:17

Енмыс кӧ миянлы моз и налы сетіс тайӧ козинсӧ, кор найӧ эскисны Господь Исус Кристослы, сідзкӧ, коді ме сэтшӧмыс, медым паныд сувтны Енмыслы?»

Ап. уджъяс 15:8

Сьӧлӧмтӧдысь Ен сетіс налы миянлы моз Вежа Ловсӧ, тайӧн петкӧдліс, мый Сійӧ сибӧдӧ найӧс.

Ап. уджъяс 8:20

Петыр шуис сылы: «Тэнад эзысьыд мед сісьмас тэкӧд тшӧтш. Тэ мӧвпыштін ньӧбны Енмыслысь козинсӧ!

Римӧ 1:11

Ёна кӧсъя аддзӧдчывны тіянкӧд да юксьыштны Ловсянь сетӧмторъясӧн, медым ёнмӧдны тіянӧс.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Галатӧ 3:2

Ӧтитор кӧсъя юавны: Индӧд серти уджъясӧн али кывлӧм Бур Юӧрӧ эскӧмӧн ті сибӧдінныд Вежа Ловсӧ?

Галатӧ 3:5

Енмыс ӧмӧй Индӧд серти уджъясныд вӧсна сетӧ Вежа Ловсӧ да вӧчӧ тіян пӧвстын шензьӧданаторъяссӧ? Оз ӧмӧй кывлӧм Бур Юӧрӧ эскӧмныд вӧсна?

Ефесӧ 1:18

Сійӧ мед югдӧдас тіянлысь сьӧлӧмнытӧ, медым ті гӧгӧрвоинныд, кутшӧм лачаӧ Сійӧ корӧма тіянӧс, кутшӧм ыджыд озырлун вичмӧ вежа войтырлы,

Ефесӧ 2:8

Ӧд Енмыслӧн буралӧмыс мездіс тіянӧс эскӧм пыр. Мездмӧмыс абу тіянсянь, сійӧ Енсянь козин.

Ефесӧ 3:7

Енлӧн бурсетӧмыс да выныс отсӧгӧн ме лои тайӧ Бур Юӧрыслы кесъялысьӧн.

Ефесӧ 4:7

Кристос Ас кӧсйӧм сертиыс миянлы быдӧнлы лышкыда козьналіс бурсетӧмсӧ.

1 Тимофейлы 4:14

Видз Енсянь сетӧмторсӧ, кодӧс вӧлі сетӧма тэныд пророклӧн висьталӧмыс пыр вичкоса юрнуӧдысьяслӧн ки пуктылігӧн.

2 Тимофейлы 2:25

Сійӧ рам сьӧлӧмӧн туйдӧдӧ паныд сувтысьясӧс, гашкӧ, Енмыс сетас налы позянлун бергӧдчыны мыжъяссьыныс да тӧдмавны збыльсӧ.

2 Тимофейлы 4:14

Кузнеч Ӧльӧксан вӧчис меным уна лёксӧ. Господь Ачыс мед перъяс сылысь водзӧссӧ ставсьыс.

Еврейяслы 10:32

Видзӧдлӧй бӧрвыланыд: Бур Юӧрлысь югыдсӧ тӧдмалӧм бӧрын ті верминныд мунны уна сьӧкыд да тыш пыр.

Еврейяслы 2:4

Тайӧ висьталӧмсӧ Енмыс ёнмӧдіс тадзи: висьталысьяс пыр Сійӧ петкӧдліс индысьпасъяс, вӧчис шензьӧданаторъяс да быдпӧлӧс ыджыд уджъяс, Ас кӧсйӧм сертиыс Сійӧ юкліс Вежа Ловсянь сетӧмторъяс.

1 Иоан 5:16

Кор аддзан, мый вокыд мыжӧ усьӧма, но мыжыс оз вайӧд кулӧмӧ, кевмысь сы вӧсна. Ен сетас сылы олӧм, дерт, мыжыс кӧ оз кулӧмӧ вайӧд. Эм кулӧмӧ вайӧдысь мыж, но ме ог кор кевмысьны татшӧм мыжсӧ вӧчысь вӧсна.