Еврейяслы 13:16 - Коми Библия 2023

¹⁶ Энӧ вунӧдӧй вӧчны бурсӧ, юксьӧй сійӧн, мый эм. Ӧд татшӧм висьыс шогмана Енмыслы.

Еврейяслы 13:16 Kruisverwysings

Псалтыр 37:3

Тэнад ньӧвъясыд сатшисны меӧ, Тэнад киыд личкӧ менӧ.

Лука 18:22

Тайӧс кылӧм бӧрын Исус шуис сылы: «Ӧтитор оз тырмы тэныд: вузав ставсӧ, мый тэнад эм, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Ап. уджъяс 9:36

Иоппияын оліс Тавита ань, сылӧн нимыс лоӧ: газель. Тайӧ аньыс тшӧтш вӧлі велӧдчысьяс лыдын. Уна бур сійӧ вӧчис йӧзыслы, отсасис гӧльяслы.

Римӧ 12:13

Вежа войтырлы отсалӧй абутӧмлун дырйиныс, сибӧдӧй ветлысь-мунысьясӧс,

Галатӧ 6:10

Эм кӧ на позянлун, вӧчамӧй бурсӧ быдӧнлы, торъя нин эскысь чой-воклы.

Галатӧ 6:6

Ен кывйӧн туйдӧдӧмаыс мед юксяс быд бурнас туйдӧдысьыскӧд.

Ефесӧ 4:28

Гусясьысь, водзӧ эн гусясь, а уджав да вӧч аслад киӧн бурсӧ. Сэки тэ верман отсасьны корысьяслы.

Филипӧ 4:14

Дерт, ті бура вӧчинныд, мый ті юкинныд менсьым сьӧкыдлунӧс.

Филипӧ 4:18

Епафродит сетіс тіянлысь мӧдӧдӧмторнытӧ, ӧні менам ставыс эм, весиг коланасьыс унджык на. Тіян сетӧмторныд – Енлы шогмана чӧскыда ӧвтан вись кодь, тайӧ Сылы сьӧлӧм сертиыс.

1 Фессалоникаӧ 5:15

Видзчысьӧй, мед некод лёксьыс эз мынтысь лёкӧн. Мӧдарӧ, зільӧй вӧчны бурсӧ ӧта-мӧдныдлы да став йӧзыслы.

2 Фессалоникаӧ 3:13

Вокъяс, бурсӧ вӧчигӧн энӧ лигышмунӧй.

1 Тимофейлы 6:18

Озыръясӧс велӧд, медым бурсӧ вӧчисны, озырмисны бур уджъясӧн, вӧліны лышкыдӧсь да юксисны мукӧдкӧд.

Филимонлы 1:6

Кевмыся, медым миян ӧтувъя эскӧмным отсалас тэныд тӧдны быд бурсӧ, мый сетӧма Исус Кристос пытшкын.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.

3 Иоан 1:11

Муса вокӧй, видзӧд бурсӧ вӧчысь вылӧ, а эн лёксӧ вӧчысь вылӧ. Бурсӧ вӧчысь – Енсянь, а лёксӧ вӧчысь эз аддзыв Енсӧ.