Еврейяслы 11:9 - Коми Библия 2023

⁹ Эскӧмӧн Ӧвраам овмӧдчис кӧсйысьӧм муӧ да локтысь моз оліс сэні чомъясын. Сы моз олісны чомъясын Исаак да Яков, кодъяслы тшӧтш вӧлі сетӧма Енлысь кӧсйысьӧмсӧ.

Еврейяслы 11:9 Kruisverwysings

Олӧм 12:8

Сэтысянь Ӧврам мӧдӧдчис керӧслань, Вефильсянь асыввылӧ. Сэні сувтӧдіс ассьыс чомсӧ сідз, мый Вефиль вӧлі рытыввылын, а Гай – асыввылын. Сэсся вӧчис Господьлы висьпуктанін да шыасис Господь дінӧ.

Олӧм 13:18

Ӧврам чомъяснас вешйис Хевронӧ, Мамре тупу раскӧ. Сэтчӧ сувтӧдіс Господьлы висьпуктанін.

Олӧм 13:3

Негевысь сійӧ муніс бӧр Вефильлань. Сэні, Вефиль да Гай костын, коркӧ сулавліс нин сылӧн чомйыс.

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Олӧм 18:6

Тэрмасьӧмӧн Ӧвраам пырис Сарра ордӧ да шуис: «Босьт куим куд тыр медбур пызь да ӧдйӧджык пӧжав шомтӧм нянь».

Олӧм 18:9

«Кӧні Сарра гӧтырыд?» – юалісны сылысь. Сійӧ вочавидзис: «Чомйын».

Олӧм 21:34

Ӧвраам оліс Филистим муын уна во чӧж на.

Олӧм 23:4

«Ме локтысь морт, абу тіян войтырысь, – шыасис на дінӧ Ӧвраам. – Вузалӧй меным му, медым дзебны гӧтырлысь шойсӧ».

Олӧм 25:27

Пияныс быдмисны. Исав лои бур вӧралысьӧн. Сійӧ ветлӧдліс кыйсьыны, а рам сьӧлӧма Яковлы кажитчис гортас овны.

Олӧм 28:4

Мед Сійӧ бурсиас тэнӧ да тэсянь чужысьясӧс менам Ӧвраам батьлӧн бурсиӧмӧн, медым тэныд вуджас муыс, кӧні тэ олан локтысь морт моз, ӧд тайӧ мусӧ Ен сетіс Ӧвраамлы».

Олӧм 31:25

Лаван суӧдіс Яковӧс. Ассьыс чомъяссӧ Яков вӧлі зэвтӧма керӧс вылӧ. Лаван рӧдвужыскӧд тшӧтш зэвтісны чомъяснысӧ Галаад керӧсвыв муӧ.

Олӧм 35:27

Яков локтіс аслас Исаак бать дінӧ Мамреӧ, тайӧ Киръят-Арбаын, ӧнія Хеврон карын [Ханаан муын]. Сэні коркӧ оліс Ӧвраам, сэсся оліс Исаак.

Олӧм 36:7

Вокъяслӧн овмӧсныс вӧлі зэв ыджыд, та вӧсна ӧтлаын овны лои дзескыд. Ыж-мӧсныс эз нин тӧрны налӧн оланінас.

Олӧм 47:9

Яков вочавидзис: «Сё комын во ме ола-ветлӧдла му вылас. Тайӧ абу на дыр. Менам батьяс дырджык на олісны. А менам олан лунъясӧй дженьыдӧсь да шогӧн тырӧмаӧсь».

Псалтыр 105:12

Сэки миян батьяс эскисны Господьлӧн кывъясӧ, сьылӧмӧн ошкисны Сійӧс.

Еремей 35:7

Керкаястӧ энӧ лэптӧй, няньтӧ энӧ кӧдзӧй, виноградтӧ энӧ пуктӧй. Тайӧ мед нинӧм тіян оз ло, а став олӧм чӧжныд олӧй чомъясын, сэки ті дыр кутанныд овны сійӧ муас, кӧні ті локтысь-мунысьяс”.

Еврейяслы 6:17

Та вӧсна Ассьыс кӧсйысьӧмсӧ Енмыс вынсьӧдіс кыв сетӧмӧн, медым Сысянь кӧсйысьӧмсӧ босьтысьяслы бурджыка петкӧдлыны, мый Сылӧн мӧвпъясыс вежсьывлытӧмӧсь.