Еврейяслы 11:7 - Коми Библия 2023

⁷ Эскӧм вӧсна Нойлы вӧлі водзвыв сетӧма тӧдны аддзытӧмсӧ. Сійӧ кывзысис Енмыслысь да вӧчис ковчег, медым мездыны ассьыс гортсасӧ. Эскӧмнас сійӧ мыждіс муюгыдсӧ, эскӧм вӧсна сылы вичмис Енсянь веськыдлун.

Еврейяслы 11:7 Kruisverwysings

Олӧм 19:14

Лот петіс да шуис аслас зятьпуяслы: «Петӧй тайӧ карсьыс, ӧд Господь бырӧдас сійӧс». Но найӧ эз эскыны сылы.

Олӧм 6:13

[Господь] Ен шуис Нойлы: «Ме бырӧда став йӧзсӧ, ӧд муыс на вӧсна тырӧма виалӧм-дзескӧдӧмӧн. Ме дзикӧдз бырӧда найӧс му вылысь.

Олӧм 6:22

Ной вӧчис ставсӧ сідзи, кыдзи тшӧктіс сылы [Господь] Ен.

Олӧм 6:9

Ной да сысянь чужысьяс йылысь. Сійӧ кадас сӧмын Ной оліс веськыда да кывзысис Енлысь. Сійӧ вӧлі сӧстӧм сьӧлӧма морт.

Олӧм 7:23

Йӧзӧс, пемӧсъясӧс, гаг-веглясьысьясӧс да енэжвыв лэбачьясӧс – став ловъя олысьсӧ лои бырӧдӧма му вылысь. Ловйӧн колины сӧмын Ной да найӧ, кодъяс пырисны сыкӧд ковчегӧ.

Олӧм 7:5

Ной вӧчис ставсӧ, мый Господь [Ен] тшӧктіс сылы.

Олӧм 8:16

«Пет ковчегсьыс гӧтырыдкӧд, пияныдкӧд да моньясыдкӧд.

Ӧксыяслӧн 4 небӧг 4:5

Ань муніс да пияныскӧд йигнасис гортас. Пияныс сеталісны сылы куш дозъяс, а мӧдыс кисьталіс сэтчӧ выйсӧ.

Иов 35:8

Тэнад мыж вӧчӧмыд инмӧ мортлы, тэнад веськыда олӧмыд – мувывса олысьлы.

Шусьӧгъяс 22:3

Вежӧра морт казялӧ лёксӧ да дзебсьӧ, вежӧртӧм водзӧ мунӧ да мыждӧма лоӧ.

Шусьӧгъяс 27:12

Вежӧра морт казялӧ лёксӧ да дзебсьӧ, вежӧртӧм водзӧ мунӧ да мыждӧма лоӧ.

Езекиль 14:14

Весиг кӧ сэні олісны Ной, Даниил да Иов, найӧ эськӧ асланыс веськыдлунӧн сӧмын асьнысӧ мездісны, – висьталӧ Господь Ыджыдыс. –

Езекиль 14:20

и весиг кӧ сэні олісны Ной, Даниил да Иов, – висьталӧ Господь Ыджыдыс, – найӧ эськӧ эз вермыны мездыны ныв-пинысӧ, а асланыс веськыдлунӧн сӧмын асьнысӧ мездісны. Тайӧс Ме Ачым кыв сетӧмӧн шуа.

Езекиль 33:5

Сійӧ ачыс лоӧ мыжа аслас кулӧмысь, ӧд кыліс буксан шы, но асьсӧ эз видз. А коді асьсӧ видзӧ, сійӧ ловйӧн кольӧ.

Матвей 2:12

Узиганыс Ен ӧлӧдіс тӧдысьясӧс Ирӧд дінӧ бӧр мунӧмысь. Та вӧсна найӧ мӧдісны ас муаныс мӧд туйӧд.

Матвей 24:15

«Кор ті аддзанныд вежаинсьыс пеж зывӧксӧ, сэки Иудея муын олысьяс мед пышъясны керӧсъясӧ. Тайӧ пеж зывӧкыс йылысь Даниил пророк на висьтавліс – лыддьысьысь мед гӧгӧрвоӧ!

Матвей 24:25

Со, Ме водзвыв висьталі тіянлы.

Матвей 24:38

Ыджыд ойдӧм водзвылас, ковчегӧ Нойлӧн пыртӧдз йӧзыс сёйисны-юисны, гӧтрасисны да верӧс сайӧ мунісны.

Матвей 3:7

Уна фарисей да саддукей локтісны Иоан дінӧ пыртчыны. Иоан аддзис найӧс да шуис: «Вижля йылӧм! Коді туйдӧдіс тіянӧс пышйыны локтана скӧрлунысь?

Лука 17:26

Кыдзи вӧлі Ной лунъяс дырйи, сідзи лоӧ Морт Пи локтігӧн.

Римӧ 1:17

Бур Юӧрыс восьтӧ Енлысь веськыдлунсӧ эскӧмсянь да эскӧм пыр. Гижӧма: «Веськыда олысь эскӧмнас кутас овны».

Римӧ 10:6

Эскӧмсянь веськыдлуныс висьталӧ: «Сьӧлӧмад эн юав, коді эськӧ кыпӧдчас енэжас, мед лэччӧдны сэтысь Кристосӧс.

Римӧ 3:22

Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд.

Римӧ 4:11

Вундыштӧм пасыс Ӧвраамлы висьталіс, мый сійӧ вундыштчытӧдзыс на эскис, та вӧсна лои веськыдӧн. Тадзи Ӧвраам лои батьӧн став вундыштчытӧм эскысьыслы, медым и найӧ эскӧм пыр вермисны лоны веськыдӧн.

Римӧ 4:13

Ен кӧсйысис сетны Ӧвраамлы да сысянь чужысьяслы муюгыдсӧ. Кӧсйысис сылы эз Индӧд серти олӧм вӧснаыс, но эскӧм вӧснаыс сійӧ лои веськыдӧн да.

Римӧ 9:30

Сідзкӧ, мый артмӧ? Ентӧдтӧмъяс эз корсьлыны веськыдлунсӧ, но босьтісны сійӧс эскӧм пыр.

Галатӧ 5:5

Но миянлы Енлӧн Лолыс сетіс лача, мый ми эскӧм пыр воам веськыдлунас.

Филипӧ 3:9

да лои Сы пытшкын веськыдӧн эг Индӧд серти уджъясӧй вӧсна, а Кристослы эскӧм вӧсна. Ӧд веськыдлунсӧ Енмыс сетӧ мортлы сӧмын Кристослы эскӧм пыр.

Еврейяслы 11:1

Эскӧмыс – виччысянторлӧн збыльмӧм да аддзытӧмсӧ аддзӧм.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Еврейяслы 5:7

Му вылын олігӧн Исус кыз синваӧн да гораа бӧрдӧмӧн корис-кевмысис Сылы, коді вермис мездыны Сійӧс кулӧмысь. Ен кыліс Сылысь кевмӧмсӧ, ӧд Исус кывзысис Сылысь.

Еврейяслы 8:5

Найӧ кесъялӧны крамын, мый вӧчӧма енэжвывсаӧс моз. Крамыс – енэжвывсаыслӧн вуджӧрыс. Мувывса вежа чомсӧ вӧчтӧдз на Енмыс висьталіс Мӧисейлы: «Ставсӧ вӧч дзик сідзи, кыдзи вӧлі петкӧдлӧма тэныд керӧс вылын».

1 Петыр 3:20

Тайӧ ловъясыс вӧліны кывзысьтӧмӧсь Енлӧн терпитӧм дырйи, кор Ной вӧчис ковчег. Сэні этшаӧн, сӧмын кӧкъямыс морт, мездмисны ва пыр.

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.

2 Петыр 2:5

Эз видз и Ентӧг олысьясӧн тырӧм воддза муюгыдсӧ, а бырӧдіс ыджыд ваӧн. Колис ловъяӧн сӧмын кӧкъямысӧс, на пиысь ӧтиыс вӧлі веськыдлун йылысь юӧртысь Ной.

2 Петыр 3:6

и сэкся муюгыдсӧ вӧлі бырӧдӧма ваӧн.