Еврейяслы 11:12 - Коми Библия 2023

¹² Тадзи ӧти мортсянь, Ӧвраамсянь, коді вӧлі пӧрысь нин, чужис сы мында олысь, мыйта енэжас лыдтӧм-тшӧттӧм кодзулыс да саридз дорын лыаыс.

Еврейяслы 11:12 Kruisverwysings

Олӧм 15:5

Господь петкӧдіс Ӧврамӧс ывлаӧ да шуис: «Видзӧдлы енэжас да лыддьы кодзувъяссӧ, верман кӧ. Та мында жӧ лоас тэсянь чужысьыс».

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Олӧм 26:4

Тэсянь чужысьяс лоӧны енэжвыв кодзувъяс мында. Ме содта налысь лыдсӧ да сета налы став тайӧ мусӧ. На пыр бурсиӧмыс вуджас мувывса быд войтырлы,

Олӧм 32:12

Тэ шуин, мый Тэ бур вӧчан меным, и кӧсйысин, мый месянь чужысьыс лоас саридздор лыа мында – сы мында, мый некод оз вермы найӧс лыддьынысӧ».

Ӧксыяслӧн 2 небӧг 17:11

Та вӧсна ме вӧзъя тэныд: войвыв Дансянь лунвыв Бер-Шеваӧдз став Израиль войтырсӧ чукӧрт ас дінад. Налӧн лыдыс мед лоӧ саридздор лыа мында. Ачыд накӧд тшӧтш мун.

Ӧксыяслӧн 3 небӧг 4:20

Иуда да Израиль войтырлӧн лыдыс вӧлі саридздор лыа мында. Найӧ сёйисны-юисны да олісны нимкодясьӧмӧн.

1 Каднебӧг 27:23

Давид эз лыддьы кызь арӧсаясӧс да наысь томджыкъясӧс, ӧд Господьлӧн кӧсйысьӧм серти Израиль войтырлӧн лыдыс вӧлі енэжвыв кодзувъяс мында.

Неемий 9:23

Налысь пиянсӧ Тэ рӧдмӧдін енэжвыв кодзувъяс мында. Тэ вайӧдін найӧс сійӧ муас, мый йылысь Тэ кӧсйысьлін налӧн батьяслы.

Петӧм 32:13

Эн вунӧд Ассьыд Ӧвраам, Исаак да Израиль [Яков] кесйӧгъястӧ. Тэ ӧд Ачыд кыв сетӧмӧн шуин налы: ”Ме сета тіянлы уна чужысьӧс, найӧ лоӧны енэжвыв кодзувъяс мында. А муыс, мый Ме кӧсйыси сетны тіянсянь чужысьяслы, лоас налӧн пыр кежлӧ”».

Исай 10:22

Израиль, тэнад войтырыдлӧн лыдыс кӧ лоӧ весиг саридздор лыа мында, бергӧдчас сӧмын колясыс. Бырӧдӧмыс лоӧ веськыдлун серти, сійӧ ыльӧбтас ойдӧм ва моз.

Исай 48:19

тэнад челядьыд эськӧ вӧлі лыа мында, тэсянь чужысьясыд – лыа чир мында. Налӧн нимныс эськӧ эз вош, найӧ эськӧ эз бырны Менам син водзысь.

Еремей 33:22

Кыдзи енэжвыв кодзувъяссӧ он вермы лыддьыны, саридздор лыасӧ он вермы муртавны, сідзи жӧ он вермы лыддьыны Менам Давид кесйӧгсянь чужысьясӧс да Меным кесъялысь левитъясӧс, ӧд Ме рӧдмӧда найӧс».

Осий 1:10

– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».

Аввакум 1:9

Сылӧн тышкайӧзыс локтӧны вины-дзескӧдны, ыджыд вынӧн уськӧдчӧны, саридздор лыа мында йӧзӧс пленӧ босьтӧны.

Римӧ 9:27

Израиль йылысь Исай тадзи висьталӧ: – Израиль войтырлӧн лыдыс кӧ лоӧ весиг саридздор лыа мында, мездмас сӧмын колясыс.

Индӧд 1:10

Господь, тіян Енныд, содтіс тіянӧс, и ті лоинныд енэжвыв кодзувъяс мында.

Индӧд 28:62

Ті вӧлінныд енэжвыв кодзувъяс мында, но этшаӧн колянныд, ӧд ті энӧ кывзысьӧй Господьлысь, асланыд Енлысь.

Нав Исус 11:4

Став тайӧ ӧксыыс асланыс тышкайӧзкӧд петісны тышӧ. Найӧ вӧліны саридздор лыа мында, и налӧн вӧлі унасьыс-уна вӧв да тарантас.

Восьтӧм 20:8

Найӧ паськӧдчасны став му пасьтала да кытшаласны вежа войтырлысь оланінсӧ да Енлысь муса карсӧ.

Ёрдысьяс 7:12

Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.

Ӧксыяслӧн 1 небӧг 12:5

Самуил шуис налы: «Господь кылӧ, и Сылӧн мавтыштӧмаыс талун кылӧ тіянлысь висьталӧмтӧ, мый ме сайын нинӧм абу». Ставныс шуисны: «Господь кылӧ».