Еврейяслы 10:11 - Коми Библия 2023

¹¹ Крамын кесъялігӧн попъяс быд лун вайӧны ӧтипӧлӧс вись. Но тайӧ висьыс оз вермы бырӧдны мортлысь мыжъяссӧ.

Еврейяслы 10:11 Kruisverwysings

Петӧм 29:36

Мыж вештӧм могысь быд лун начкы ӧшкӧс. Вай сійӧс висьпуктанін вылын мыжысь вись пыдди. Тадзи сӧстӧммӧдан висьпуктанінсӧ. И вежӧдӧм могысь мавтышт сійӧс.

Исай 1:11

Меным абу колана тіян уна вись вайӧмныд, – висьталӧ Господь. Ме пӧтӧма нин сотӧм межъясӧн да тшӧгӧдӧм ыж-мӧслӧн госӧн. Ӧшъяслысь, ыжъяслысь да кӧзаяслысь вирсӧ Ме ог кӧсйы.

Езекиль 45:4

Тайӧ вежа муыс попъяслӧн, кодъяс кутасны матыстчыны Господь дінӧ, медым вежаинын кесъявны Сылы. Сэні лоӧны налӧн керкаясыс да вежаин.

Даниил 11:31

Сійӧ мӧдӧдас ассьыс тышкайӧзсӧ, и найӧ пежаласны ыджыд да вежа крамсӧ. Найӧ дугӧдасны сэні быдлунся вись вайӧм да сувтӧдасны сэтчӧ пеж зывӧксӧ.

Даниил 12:11

Сійӧ кадсяньыс, кор дугӧдасны быдлунся вись вайӧм да сувтӧдасны крамӧ пеж зывӧксӧ, коляс сюрс да кыксё ӧкмысдас лун.

Даниил 8:11

Сюрыс ышнясьӧмӧн кыпӧдчис весиг тышкакотыръяслӧн Юралысьлы паныд, дугӧдіс йӧзсӧ Юралысьлы быдлунся вись вайӧмысь да куштіс-пазӧдіс Сылысь вежаинсӧ.

Даниил 9:21

Менам кевмысигӧн петкӧдчис Гавриил, кодӧс ме водзынджык аддзылі. Рытъя вись ваян кадӧ сійӧ зэв ӧдйӧ лэбзис мелань да инмӧдчис ме дінӧ.

Даниил 9:27

Локтана юралысьыс унакӧд кӧрталас йитӧд сизим во кежлӧ. Сизим воыслӧн джын кадас сійӧ дугӧдас вись вайӧм. Вежаинлӧн вевт вылас пеж зывӧкыс лоӧ сэтчӧдз, кытчӧдз Енлӧн водзвыв шуӧмыс серти оз ло бырӧдӧма асьсӧ бырӧдысьсӧ».

Микей 6:6

– Мый меным вайны Господьлы, кор локта Сы водзӧ, кор копыртча енэжвывса Енлы? Гашкӧ, сотан вись вая, арӧса ӧшпиӧс вая?

Лыд 28:24

Сизимнан лун чӧжыс тадзи вӧчӧй. Тайӧ лоӧ Господьлы чӧскыда ӧвтан нянь вись. Вайӧй сійӧс да сыкӧд кисьтан вина висьсӧ быдлунся сотан висьысь ӧтдор.

Лыд 28:3

Быд лун вайӧй дзоньвидза арӧса кык баляӧс сотан вись пыдди.

Лыд 29:6

Ставсӧ тайӧс вайӧй Господьлы чӧскыда ӧвтан вись пыдди сотан висьысь, нянь висьысь да вина висьысь ӧтдор, мый ваянныд быд лунӧ да выль тӧлысь чужигӧн.

Еврейяслы 10:1

Индӧдыс – сӧмын локтана бурыслӧн вуджӧрыс, но абу ачыс бурыс. Та вӧсна Индӧдыс некор оз вермы вӧчны тыр-бурӧн Ен водзӧ локтысьясӧс, кодъяс воысь-во вайӧны ӧтипӧлӧс вись.

Еврейяслы 10:4

ӧд ӧшлӧн да кӧзалӧн вирыс оз вермы бырӧдны мортлысь мыжъяссӧ.

Еврейяслы 5:1

Быд аркирейӧс бӧрйӧны йӧз пӧвстысь да сувтӧдӧны кесъявны Енлы, медым йӧзыслӧн мыжъяс вӧсна вайны висьяс да сетӧмторъяс.

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.

Еврейяслы 8:2

да кесъялӧ енэжвывса вежаинын, Енлӧн збыль вежа чомйын. Тайӧ вежа чомсӧ сувтӧдіс Господь, а эз морт.

Еврейяслы 8:4

Сійӧ кӧ кольччис му вылас, сэки эськӧ эз вӧв аркирейӧн, ӧд тані эмӧсь нин Индӧд серти вись вайысьяс.