Еврейяслы 1:3 - Коми Библия 2023

³ Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.

Еврейяслы 1:3 Kruisverwysings

1 Каднебӧг 29:11

Господьӧй, Тэнад эм нималӧм, вын, дзирдлун, вермӧм да юралӧм. Ставыс, мый эм енэжас да му вылас – тайӧ Тэнад. Господьӧй, Тэ – Ӧксы, Тэ ставыс вылын Медыджыдыс.

Иов 37:22

Войвывсянь локтӧ зарни кодь югӧр, Енсӧ кытшалӧ повзьӧдана дзирдалӧм.

Псалтыр 110:1

Аллилуйя! Господьӧй, став сьӧлӧмсянь ошка Тэнӧ веськыда олысьяс пӧвстын, Тэнад войтырлӧн чукӧртчӧмын.

Псалтыр 75:3

Сылӧн оланіныс Салимын, Сійӧ олӧ Сионын.

Еклесиаст 8:4

Ӧксылӧн шуӧмыс вына. Коді вермас шуны сылы: «Мый тэ вӧчан?»

Левит 15:15

Ӧтисӧ поп мед ваяс мыжысь вись пыдди, а мӧдсӧ – сотан вись пыдди. Тадзи поп вештас сылысь мыжсӧ Господь водзын да сӧстӧммӧдас сійӧс лёквиялӧмсьыс.

Микей 5:4

И локтас Сійӧ, коді кутас видзны Господь вынӧн, Аслас Господь Енлӧн медыджыд нимнас. Найӧ кутасны повтӧг овны, ӧд Сійӧ кутас ыджыдавны став му пасьтала.

Матвей 22:24

«Велӧдысь, Мӧисей шулӧма, мый ныв-питӧм морт кӧ кулас, вокыслы колӧ босьтны кулӧм вокыслысь дӧвасӧ гӧтырӧ да нюжӧдны вокыслысь рӧдсӧ.

Марк 16:19

Тайӧс висьталӧм бӧрын Господь кыпӧдчис енэжӧ да пуксис Ен веськыдладорӧ.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

Иоан 1:4

Сы пытшкын вӧлі олӧм. Олӧмыс йӧзыслы вӧлі югыдӧн.

Ап. уджъяс 2:33

Енмыс кыпӧдіс Сійӧс да пуксьӧдіс веськыдладорас. Батьсяньыс Сійӧ сибӧдіс кӧсйысьӧм Вежа Лолӧс да кисьтіс миян вылӧ, кыдзи ті ӧні аддзанныд да кыланныд.

Ап. уджъяс 7:56

Степан шуис: «Ме аддза восьса енэж да Ен веськыдладорын сулалысь Морт Пиӧс».

Римӧ 1:16

Ме ог яндысь висьтавлыны Кристослысь Бур Юӧрсӧ, ӧд сійӧ Енлӧн выныс, мездӧ быд эскысьӧс: медводз иудейясӧс, сэсся грекъясӧс.

Римӧ 8:34

Коді вермас мыждыны найӧс? Сӧмын Исус Кристос. Но Сійӧ куліс, ловзис да ӧні Ен веськыдладорын кевмысьӧ миян вӧсна.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

Колосӧ 3:1

Ті кӧ ловзинныд Кристоскӧд, корсьӧй енэжвывсасӧ. Ӧд енэжас, Ен веськыдладорын, пукалӧ Кристос.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 1:13

Ни ӧти анделлы Енмыс эз шулы: – Пукав Менам веськыдладорын, кытчӧдз ог пукты Тэнад кок улӧ Тэнӧ мустӧмтысьясӧс.

Еврейяслы 10:12

Кристос ӧтчыдысь вайис мыж вӧсна вись да пуксис Ен веськыдладорӧ пыр кежлӧ.

Еврейяслы 12:2

да видзӧдны Исус вылӧ. Сійӧ – миянлы эскӧмсӧ Сетысьыс да тырвыйӧ эскӧмас Вайӧдысьыс. Локтана нимкодьлун понда Сійӧ нуис крест вылын дойсӧ, нинӧм туйӧ пуктіс лёкӧдӧмсӧ да пуксис Ен пуклӧс веськыдладорӧ.

Еврейяслы 4:14

Миян эм ыджыд Аркирей – Исус, Енлӧн Пи, коді муніс став енэжыс пыр. Сідзкӧ, зумыда кутчысям эскӧмас.

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.

Еврейяслы 8:1

Миян висьталӧмлӧн медшӧр мӧвпыс татшӧм: миян эм Аркирей, коді пукалӧ енэжын, Медыджыдыслӧн пуклӧс веськыдладорын

Еврейяслы 9:16

Мортыс кӧ кольӧ ас бӧрсяыс кӧсйысян гижӧд, сійӧ лоӧ вына сӧмын мортыслӧн кулӧм бӧрын.

Еврейяслы 9:26

Кристос кӧ тадзи вӧчис, му пуксьӧмсяньыс Сылы эськӧ унаысь нин ковмыліс кувны. Но бӧръя кадӧ Сійӧ сӧмын ӧтчыдысь вайис Асьсӧ вись пыдди, медым бырӧдны мыж.

1 Петыр 1:21

Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.

1 Петыр 3:22

Сійӧ кыпӧдчис енэжас да пукалӧ Ен веськыдладорын, Сылысь кывзысьӧны анделъяс, енэжвыв ыджыдалысьяс да вынъяс.

2 Петыр 1:16

Ми висьталім тіянлы миян Господь Исус Кристослӧн выныс да локтӧмыс йылысь. Тайӧ абу кутшӧмкӧ лӧсьӧдӧм мойд, ми ӧд асланым синмӧн аддзылім Сылысь ыджыд вынсӧ.

2 Петыр 1:17

Ен Батьыс сетіс Сылы нимӧдӧмсӧ да дзирдлунсӧ, кор Вылысса дзирдлунсяньыс кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

1 Иоан 3:5

Ті тӧданныд, мый Кристос локтіс босьтны миянлысь мыжъяс. Сы пытшкын мыжыс абу.

Иуда 1:25

Ыджыд мывкыда ӧти Ен мездіс миянӧс Исус Кристос Господьным пыр. Сылы ошкӧм-нимӧдӧмыс, Сылӧн выныс-ыджыдалӧмыс олӧм пуксьытӧдзыс, ӧні да нэмъяс чӧж. Аминь.

Восьтӧм 3:21

Ме лои Вермысьӧн да пукси Аслам Батькӧд орччӧн Сылӧн пуклӧсӧ. Сідзкӧ, вермысьӧс ме тшӧтш пуксьӧда Аскӧд орччӧн Менам пуклӧсӧ.

Восьтӧм 4:11

– Господьӧй, Тэ шогман сибӧдны ошкӧм-нимӧдӧмсӧ да вынсӧ, ӧд Тэ вӧчин ставсӧ. Тэнад кӧсйӧм серти вӧчӧма ставсӧ, Тэнад кӧсйӧм серти ставыс олӧ.