Еврейяслы 1:11 - Коми Библия 2023

¹¹ Найӧ бырасны, а Тэ помтӧг олан. Паськӧм моз найӧ важмасны,

Еврейяслы 1:11 Kruisverwysings

Псалтыр 29:10

«Мый бурыс сыысь, ме кӧ кула да менӧ гуаласны? Кутас ӧмӧй шойыс ошкыны Тэнӧ, юӧртны, мый Тэныд позьӧ эскыны?

Псалтыр 90:2

шуӧ Господьлы: «Тэ – менам сайӧдчаніныс да изкарыс, Тэ – менам Ен, Тэ вылӧ ме лача кута».

Исай 34:4

Енэжвывса югзьӧданторъяс дзикӧдз сотчасны, енэжыс гартыштчас гижӧд тубрас моз. Енэжвывса став югзьӧданторйыс гылалас, кыдзи гылалӧны виноград пу вылысь коръясыс, кыдзи усьласьӧны инжир пу вылысь косьмӧм коръясыс.

Исай 41:4

Коді вӧчис тайӧс, коді збыльмӧдіс? Сійӧ, коді му пуксьӧмсяньыс сетӧ олӧм. Ме, Господь, Ме – Медводдзаыс, и бӧръя олысьяслы Ме – Сійӧ жӧ.

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Исай 50:9

Господь Ыджыдыс отсалӧ меным. Коді мыждас менӧ? Найӧ ставныс паськӧм моз важмасны, найӧс воз сёяс.

Исай 51:6

Лэптӧй синнытӧ енэжланьыс, видзӧдлӧй увлань му вылас. Енэжыс тшын моз бырас, муыс паськӧм моз важмас, му вылын олысьяс геб моз куласны. Но Меӧн мӧдӧдӧм мездмӧмыс пыр лоӧ, Менам веськыдлунӧй оз вежсьыв.

Исай 51:8

Паськӧмӧс моз найӧс воз сёяс, вурунӧс моз йирас-бырӧдас. Но Менам веськыдлунӧй пыр лоӧ, Меӧн мӧдӧдӧм мездмӧмыс лоӧ нэмъяс чӧж.

Исай 65:17

Со, Ме вӧча выль енэж да выль му. Важсӧ лоӧ вунӧдӧма, некод оз кут казьтывны сы йылысь.

Матвей 24:35

Енэжыс да муыс бырас, а Менам кывъясӧй оз бырны.

Марк 13:31

Енэжыс да муыс бырас, а Менам кывъясӧй оз бырны.

Лука 21:33

Енэжыс да муыс бырас, а Менам кывъясӧй оз бырны.

Еврейяслы 12:27

”Нӧшта ӧтчыдысь” шуӧмыс висьталӧ, мый став вӧчӧмторсьыс вӧрзянаыс бырас, коляс сӧмын вӧрзьывтӧмыс.

Еврейяслы 8:13

Тайӧ йитӧдсӧ Енмыс шуис Выль Йитӧдӧн. Тадзи Енмыс петкӧдліс, мый воддза йитӧдыс важмис. А ставыс, мый важмӧма да ковтӧм, регыд бырӧ.

Восьтӧм 1:11

Сійӧ, мый аддзан, гиж да мӧдӧд асияса вичкоясӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

Восьтӧм 2:8

«Смирна вичкоса анделлы тадзи гиж: Со мый висьталӧ тіянлы Медводдзаыс и Медбӧръяыс, коді вӧлі кулӧма, но ӧні ловъя.

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.

Восьтӧм 21:1

Сэсся ме аддзи выль енэж да выль му. Медводдза енэжыс да муыс бырисны, и саридзыс эз нин вӧв.