Еремей 9:6 - Коми Библия 2023

⁶ Тэ олан ылӧдчысьяс пӧвстын, найӧ ылӧдчӧны, оз кӧсйыны тӧдны Менӧ, – висьталӧ Господь.

Еремей 9:6 Kruisverwysings

Шусьӧгъяс 1:24

Ме кори, но ті энӧ кывзысьӧй, киӧс нюжӧді, но некод меным вочасӧ эз пет.

Шусьӧгъяс 1:29

Ӧд тӧдӧмлунсӧ ті мустӧмтінныд, Господьысь полӧмсӧ энӧ бӧрйӧй,

Исай 1:25

Ассьым киӧс Ме лэпта тэ вылӧ, сывда-весала тэнӧ, торйӧда тэысь став сорассӧ.

Исай 1:3

Ӧш тӧдӧ, кодлӧн сійӧ, осёл тӧдӧ ассьыс вердысьсӧ, но Израиль оз тӧд [Менӧ], Менам войтырӧй оз гӧгӧрво, коді сійӧс пӧткӧдӧ.

Исай 4:4

Господь мыськалас сионса аньясӧс став пежсьыс, весалас Ерусалимӧс вирсьыс веськыда мыждысь ловнас, биӧн сотысь ловнас.

Еремей 11:10

Найӧ бергӧдчисны Меысь да батьясныс моз мыж вӧчисны. Налӧн батьясныс эз кӧсйыны кывзыны Менсьым кывъясӧс, а юрбитісны да кесъялісны мукӧд енъяслы. Израиль войтыр да Иуда войтыр торкисны Менсьым йитӧдӧс, мый Ме кӧрталі налӧн батьяскӧд».

Еремей 11:19

Рам ыж моз, кодӧс нуӧдӧны начкыны, ме эг тӧд, мый найӧ вӧлі мӧвпыштӧмаӧсь вӧчны меным паныд. Найӧ шуисны, пусӧ пӧ вотӧснас кералам, бырӧдам пӧ сійӧс ловъяяс пӧвстысь, медым сылысь нимсӧ дзикӧдз вунӧдасны.

Еремей 13:10

Тайӧ лёк войтырыс оз кӧсйы кывзыны Менсьым кывъясӧс. Найӧ олӧны асланыс чорыд сьӧлӧмныс серти, юрбитӧны-копрасьӧны да кесъялӧны мукӧд енъяслы. Найӧ лоӧны сісьмӧм вӧнь кодьӧсь, нинӧм вылӧ оз нин шогмыны.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Еремей 5:27

Кыдзи лэбач кыйысьлӧн видзаніныс тырӧма лэбачӧн, сідзи жӧ лёк вӧчысьяслӧн керканыс тырӧма ылӧгӧн. Найӧ вылӧ кыпӧдчӧны, озырмӧмаӧсь,

Еремей 8:5

Мыйла тайӧ войтырыс бергӧдчӧма Меысь, мыйла Ерусалимын олысьяс эновтӧмаӧсь Менӧ? Найӧ зумыда кутчысьӧны ылӧгас, оз кӧсйыны бӧр бергӧдчыны.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

1 Коринфӧ 15:34

Пальӧдчӧй да олӧй бур ногӧн, дугдӧй вӧчны мыжсӧ! Ӧд ӧткымынӧн тіян пӧвстысь оз тӧдны Енсӧ, ме шуа тайӧс тіянӧс янӧдӧм могысь.

Ӧксыяслӧн 1 небӧг 2:12

Илийлӧн пияныс вӧліны шогмытӧм йӧз, найӧ эз тӧдны Господьӧс