Еремей 9:11 - Коми Библия 2023

¹¹ – Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Еремей 9:11 Kruisverwysings

Неемий 4:2

Аслас йӧз водзын да самарияса тышкайӧз водзын сійӧ шуаліс: «Мый бара-й ноксьӧны тайӧ коньӧр иудейясыс-а? Чайтӧны, мый выльысь стенсӧ лэптасны? Пондасны бара висьяс вайны? Ӧти лунӧн, буракӧ, кӧсйӧны лэптыны? Кӧсйӧны бӧр ловзьӧдны сотчӧм изъяссӧ тайӧ пӧим чукӧрсьыс?»

Псалтыр 79:1

Сьылысьясӧн веськӧдлысьлы. Сьылӧны ”Шушан эдут” шылад улӧ. Асафлӧн псалом.

Исай 13:22

Шакалъяс пондасны омлявны изкаръясын, кӧинъяс пондасны вурзавны озыръяслӧн керкаясын.

Исай 25:2

Карсӧ Тэ кисьтін, сійӧ лои из чукӧрӧн, изкарыс лои лӧп чукӧрӧн. Нартитысьяслысь керкаяссӧ жуглӧма, найӧс некор нин бӧрсӧ оз лэптыны.

Исай 34:13

Сылӧн керкаясыс турунзясны бытшкасьысь турунӧн, сылӧн изкаръясыс – петшӧрӧн да йӧнмӧн. Сійӧ лоӧ шакалъяслӧн оланінӧн, страусъяслӧн шойччанінӧн.

Исай 44:26

Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Еремей 1:15

Ме чукӧста войвылын олысь войтыръясӧс, – висьталӧ Господь. – Найӧ локтасны да ассьыныс юралан пуклӧснысӧ сувтӧдасны Ерусалим карлӧн дзиръя дорӧ да карса стенъяс гӧгӧр, тшӧтш Иуда му пасьтала быд карӧ.

Еремей 10:22

Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.

Еремей 16:10

Кор тэ висьталан тайӧ войтырыслы тайӧ кывъяссӧ, найӧ юаласны тэнсьыд: ”Мый вӧсна Господь шуис мӧдӧдны миян вылӧ тайӧ ыджыд шогсӧ? Кутшӧм лёктор ми вӧчим? Кутшӧм мыж ми вӧчим миян Господь Енлы паныд?”

Еремей 25:11

Тайӧ муыс ставнас лоӧ овтӧминӧн да повзьӧдчанторйӧн. Татчӧс войтыръяс кутасны кесъявны вавилонса ӧксылы сизимдас во чӧж.

Еремей 25:18

Ме юктӧді Ерусалимын да Иуда каръясын олысьясӧс, иудаса ӧксыясӧс да юралысьясӧс, медым вӧчны налысь каръяссӧ из чукӧрӧн да повзьӧдчанторйӧн, сетны найӧс ёрны-омӧльтны. Ставыс ӧніӧдз тадзи.

Еремей 26:18

«Иудаса Езекей ӧксылӧн веськӧдлан кадӧ пророкавліс морешетса Микей. Сійӧ юӧртліс став Иуда войтырыслы, мый Господь Саваоф тадзи висьталӧ: – Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Еремей 26:9

Мыйла тэ Господь нимсянь пророкалан, мый тайӧ крамыскӧд лоӧ Силом каркӧд моз, а тайӧ карыс кушмас, и сэні олысьыс оз ло?» Став войтырыс кытшаліс Еремейӧс Господьлӧн крамын.

Еремей 34:22

Ме бӧр вайӧда найӧс тайӧ карыс дорӧ, – висьталӧ Господь. – Менам тшӧктӧм серти найӧ уськӧдчасны тайӧ карыс вылӧ, босьтасны сійӧс да сотасны биӧн. Иудаса каръясӧс Ме вӧча овтӧминӧн, сэні оз коль олысьыс».

Еремей 4:27

Господь тадзи висьталӧ: – Тайӧ муыс лоӧ кушинӧн, но дзикӧдз ог бырӧд сійӧс.

Еремей 44:2

«Господь Саваоф, Израильлӧн Ен, тадзи висьталӧ: ті аддзылінныд став шогсӧ, мый Ме мӧдӧді Ерусалимлы да мукӧд иудаса каръяслы. Ӧні сэні из чукӧръяс, и олысьыс абу.

Еремей 49:33

Хацор лоӧ шакалъяслы оланінӧн, пыр кежлӧ овтӧминӧн, сэні оз ло олысьыс, сэтчӧ некод оз овмӧдчы.

Еремей 50:3

Войвывсянь Вавилон вылӧ уськӧдчас войтыр, вӧчас Вавилон му овтӧминӧн. Некод оз кут овны сэні, йӧз и ыж-мӧс пышъясны сэтысь.

Еремей 51:37

Вавилон лоӧ из чукӧрӧн, шакалъяслӧн оланінӧн, сійӧ лоӧ повзьӧдчанторйӧн, сійӧс кутасны лёкӧдны, сэні олысьыс оз ло.

Еремей 8:22

Галаадын ӧмӧй абу бурдӧдчан выйыс, сэні ӧмӧй абу бурдӧдысьыс? Мыйла менам войтырлӧн оз бурдны дойясыс?

Бӧрданкыв 1:4

Сионӧ нуӧдан туйяс бӧрдӧны, некод оз лок гажӧдчан лунъяс кежлӧ, сылӧн дзиръяясӧд пырысьыс абу. Попъяс сьӧкыда ышлолалӧны, нывъяс шогысла ойзӧны – Сион тырӧма курыд шогӧн.

Бӧрданкыв 2:2

Господь жалиттӧг бырӧдіс Яковлысь оланінъяссӧ, скӧралігас пасьвартіс Иудалысь изкаръяссӧ, янӧдӧмӧн шыбитіс муас ӧксыӧс да юралысьясӧс.

Бӧрданкыв 3:47

Повзьӧдлӧм да гуӧ шыбитӧм, куштӧм да бырӧдӧм виччысьӧ миянӧс.

Левит 26:32

Ме кушта тіянлысь мунытӧ. Вӧрӧгныд весьӧпӧрас, кор локтас сэтчӧ овмӧдчыны.

Микей 1:6

– Ме кисьта Самария кар, сыысь коляс сӧмын из чукӧр, кытчӧ пуктасны виноград. Изъяссӧ ковтысӧ шыблала, карсӧ подулӧдзыс кисьта-бырӧда.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Индӧд 29:23

Муыс ставнас сотчас, сэні лоӧ сӧмын тэг да сов, весиг турун оз кут быдмыны. Сэні нинӧм он вермы кӧдзны-быдтыны. Сійӧ лоӧ Содом да Гомора, Адма да Севоим каръяс кодь. Тайӧ каръяссӧ Господь бырӧдіс ыджыд скӧрлунӧн.

Восьтӧм 18:2

Андел зэв гораа горӧдіс: – Киссис, киссис ыджыд Вавилон кар! Сійӧ лоис оланінӧн мутияслы да пеж ловъяслы, лоис позйӧн пеж да зывӧк лэбачьяслы. Аслас кырсалӧм вӧсна сійӧ юктӧдіс войтыръясӧс скӧрлуна винаӧн.