Еремей 8:5 - Коми Библия 2023

⁵ Мыйла тайӧ войтырыс бергӧдчӧма Меысь, мыйла Ерусалимын олысьяс эновтӧмаӧсь Менӧ? Найӧ зумыда кутчысьӧны ылӧгас, оз кӧсйыны бӧр бергӧдчыны.

Еремей 8:5 Kruisverwysings

Шусьӧгъяс 4:13

Велӧдӧмӧй серти ов, эн коль сійӧс, видз сійӧс, ӧд сэні тэнад олӧмыд.

Исай 1:20

А онӧ кӧ кывзысьӧй да кутанныд асныравны, сэки шыпурт помысь куланныд. Тадзи висьталӧ Господь.

Исай 30:10

Тӧдысь-аддзысьяслы найӧ шуалӧны: «Дугдӧй аддзыны, мый водзӧ лоас». Пророкъяслы найӧ шуалӧны: «Энӧ висьтавлӧй миянлы збыльсӧ. Висьтавлӧй миянлы лӧсяланасӧ, висьтавлӧй сійӧ, мый миянлы сьӧлӧм серти.

Исай 44:20

Татшӧм мортыс быттьӧ бус бӧрся вӧтлысьӧ, сылӧн вежӧрыс пемдӧма, и сійӧ шедӧма ылӧгас. Сійӧ оз вермы мездыны асьсӧ да шуны: «Менам киӧн вӧчӧмторйыс – ылӧг».

Еремей 14:7

– Мыжъясным мыждӧны миянӧс, но Тэ, Господьӧй, отсав миянлы Аслад нимыд ради. Ми унаысь эновтлім Тэнӧ, мыж вӧчим Тэныд паныд.

Еремей 2:32

Том ныв ӧмӧй вунӧдас пасьтавны мичмӧдчанторъяссӧ, гӧтырпу – кӧлысь паськӧмлысь вӧньсӧ? Но Менам войтырӧй важӧн нин вунӧдіс Менӧ.

Еремей 3:5

Тэ ӧмӧй пыр пондан лӧгавны? Тэ ӧмӧй помтӧг кутан скӧравны?” Тадзи тэ, Израиль войтыр, сёрнитан, но ачыд тэ сы мында лёксӧ вӧчан».

Еремей 5:27

Кыдзи лэбач кыйысьлӧн видзаніныс тырӧма лэбачӧн, сідзи жӧ лёк вӧчысьяслӧн керканыс тырӧма ылӧгӧн. Найӧ вылӧ кыпӧдчӧны, озырмӧмаӧсь,

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Еремей 5:6

Та вӧсна сук вӧрысь на вылӧ уськӧдчас лев, овтӧминса кӧин косявлас найӧс, леопард кыйӧдчӧ на бӧрся кар дорын, косявлас найӧс, кодъяс петасны карысь, ӧд налӧн мыжныс лыдтӧм-тшӧттӧм, найӧ унаысь эновтлісны Енсӧ.

Еремей 6:17

Ме сувтӧді тіянлы видзысьясӧс, тшӧкті кывзыны буксан шы. Но ті шуинныд, огӧ пӧ кывзӧй.

Еремей 6:19

Кывзы, муыс! Ме ыста тайӧ войтырыслы шог. Тайӧ шогыс – налӧн лёк мӧвпъяслӧн вотӧсыс, ӧд Менсьым кывъясӧс найӧ эз кывзыны, Менсьым Индӧдӧс найӧ ӧтдортісны.

Еремей 9:6

Тэ олан ылӧдчысьяс пӧвстын, найӧ ылӧдчӧны, оз кӧсйыны тӧдны Менӧ, – висьталӧ Господь.

Даниил 9:11

Ми, Израиль войтыр, торким Тэнсьыд Индӧдтӧ, бергӧдчим Тэысь да эгӧ кывзӧй Тэнӧ. Миянӧс суис ёрӧм да мыждӧм, мый йылысь гижӧма Ен кесйӧг Мӧисейлӧн Индӧдын, ӧд ми мыж вӧчим Тэныд паныд.

Осий 11:5

Найӧ эз кӧсйыны бергӧдчыны Ме дінӧ, та вӧсна налы бӧр ковмас мунны Египетӧ, Ассур кутас ыджыдавны на вылын.

Осий 11:7

Менам войтыр пыр бергӧдчӧ Меысь. Налы шуӧны: «Шыасьӧй Медвылыссаыс дінӧ», но найӧ оз шыасьны, оз нимӧдны-кыпӧдны Менӧ.

Осий 13:2

Водзӧ мыж вӧчӧ Ефрем, сывдӧ аслыс эзысь бӧлбанъясӧс, аслас мывкыд серти вӧчӧ идолъясӧс – ставыс тайӧ дорччысьлӧн удж. Вись вайысьяс йылысь шуалӧны, найӧ пӧ ӧшсӧ окалӧны.

Осий 4:16

Израиль лои асныра мӧс кодь. Кутас-ӧ Господь ыжъясӧс моз ӧні видзны найӧс паськыд видз вылын?

Закар 7:11

Но тіян батьясныд эз кӧсйыны кывзыны, пельнысӧ тупкісны да бергӧдісны Меланьӧ мышнысӧ.

Иоан 5:40

Но ті онӧ кӧсйӧй локны Ме дінӧ, медым тіянлы вичмис олӧм.

1 Фессалоникаӧ 5:21

Ставсӧ тӧдмалӧй, бурас кутчысьӧй.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Восьтӧм 2:25

Шуа сӧмын: видзӧй Менам локтӧдз сійӧ, мый тіян эм.