Еремей 8:10 - Коми Библия 2023

¹⁰ Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 8:10 Kruisverwysings

Иов 31:10

сэки гӧтырӧй мед мукӧдлы нянь изас, сыкӧд мед мукӧдъяс узьласны.

Исай 28:7

Поп да пророк тшӧтш шатлалӧны вина юӧмысь, довъялӧны туй вывті сур юӧмысь, найӧ коддзӧмаӧсь да крукасьлӧны. Винаыс вермӧма найӧс, сурыс пемдӧдӧма вежӧрнысӧ. Пророкъяслӧн аддзылӧмъясыс вайӧдӧны йӧзсӧ ылӧгӧ, попъяс крукасьӧны асланыс кывъясӧ.

Исай 57:17

Менам войтырлӧн горшасян мыжысь Ме ёна скӧралі на вылӧ да дойдалі найӧс, чужӧмӧс бергӧді наысь да лӧгалі на вылӧ, но найӧ эновтісны Менӧ, вӧчисны, мый кӧсйисны.

Еремей 14:14

Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

Еремей 14:18

Видз-му вылын куйлӧны шыпуртӧн виӧмаяс, карын – тшыгъялӧмысь кулӧмаяс. Пророк да поп шӧйтӧны-ветлӧны му вывті, оз тӧдны, мый вӧчны.

Еремей 17:11

Байдӧг пӧжӧ колькъяс, кодъясӧс сійӧ эз вайлы, татшӧм жӧ сійӧ мортыс, коді ылӧдлӧмӧн озырмӧдчӧ. Олӧм шӧрас сійӧ воштас ставсӧ, кулігас сійӧ лоӧ мывкыдтӧм морт кодь.

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Еремей 32:32

став лёк вӧчӧмсьыныс, мый вӧчисны Израиль войтыр, Иуда войтыр, налӧн ӧксыясныс, юралысьясныс, попъясныс, пророкъясныс, Иуда муын да Ерусалим карын олысьяс.

Еремей 38:22

став аньяссӧ, кодъяс колины иудаса ӧксылӧн керкаӧ, нуӧдасны вавилонса ӧксылӧн киподувса юралысьяс дінӧ. Тайӧ аньясыс шуасны иудаса ӧксы йылысь: – Тэнад ёртъясыд ылӧдлісны тэнӧ, найӧ вермисны тэнӧ. Кор тэнад кокыд вӧйис нюйт пытшкӧ, найӧ бергӧдісны тэлань мышнысӧ.

Еремей 42:1

Карейлӧн Иоханан пиыс да Хошайлӧн Езаний пиыс, тшӧтш тышкайӧзӧн веськӧдлысьяс да став войтырыс ичӧтсянь гырысьӧдз локтісны

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Бӧрданкыв 4:13

Тайӧ лои пророкъяслӧн мыж вӧсна, попъяслӧн лёк вӧчӧм вӧсна, ӧд Ерусалим карын найӧ кисьтісны веськыда олысьяслысь вирсӧ.

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.

Микей 2:4

Сійӧ лунӧ тіянӧс кутасны лёкӧдны, тіян йылысь кутасны сьывны бӧрдӧдчанкыв: – Миянӧс дзикӧдз куштісны, войтырнымлысь мусӧ босьтісны, миянлысь ставсӧ мырддисны, муяснымӧс мукӧд войтырлы сетісны.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Микей 3:5

Господь тадзи висьталӧ пророкъяс йылысь, кодъяс кежӧдӧны Сылысь войтырсӧ туйсьыс: найӧ кӧсйысьӧны лӧньлун мортлы, коді налы сёян сетӧ, а коді вомас налы нинӧм оз пукты, сійӧс тышӧн повзьӧдлӧны.

Аввакум 1:6

Ме кыпӧда калдея войтырӧс, скӧр да этш тӧдтӧм войтырӧс. Найӧ мунасны став му пасьталаыс, мед босьтны йӧз муяс.

Софоний 1:13

Но налысь озырлунсӧ мырддясны, налысь керкаяссӧ куштасны. Найӧ лэптасны керкаяс, но овны сэні оз кутны, пуктасны виноград, но винасӧ юны оз кутны.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

Титлы 1:7

Вичкоса веськӧдлысьӧн вермӧ лоны сӧмын бур оласнога морт, ӧд сылы сетӧма вӧчны Енлысь удж. Мед сійӧ эз вӧв асныра, эз вӧв дӧзмысь, эз ю, эз усьлась мукӧд вылӧ, аслыс эз курав,