Еремей 7:30 - Коми Библия 2023

³⁰ Иуда войтыр вӧчис Менам син водзын шогмытӧмсӧ, – висьталӧ Господь. – Найӧ сувтӧдісны ассьыныс зывӧк идолъяснысӧ сійӧ керкаас, мый сиӧма Менам нимлы, да пежалісны тайӧ керкасӧ.

Еремей 7:30 Kruisverwysings

Ӧксыяслӧн 4 небӧг 21:3

Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Вааллы висьпуктанінъяс, израильса Ахав ӧксы моз сувтӧдіс юрбитан пуяс, юрбитіс енэжвыв вынъяслы.

Ӧксыяслӧн 4 небӧг 21:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін.

Ӧксыяслӧн 4 небӧг 21:7

Манассей вӧчӧдіс Астарта бӧлбанӧс да сувтӧдіс сійӧс крамӧ, мый йылысь Господь шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

Ӧксыяслӧн 4 небӧг 23:12

Сійӧ бырӧдіс висьпуктанінъяс, кодъясӧс иудаса ӧксыяс сувтӧдісны Ахазлӧн керка вевт вылӧ. Бырӧдіс тшӧтш Господьлӧн крам кыкнан йӧрысь Манассейӧн сувтӧдӧм висьпуктанінъяс. Жугліс найӧс торпыригӧдз, нырис пызьӧдз да шыблаліс Кедрон ковтысӧ.

2 Каднебӧг 33:15

Господьлӧн крамысь Манассей шыбитіс сэтчӧ сувтӧдӧм бӧлбанӧс да мукӧд войтыръяслысь енъяссӧ. Сійӧ жугӧдіс висьпуктанінъяс, мый вӧлі сувтӧдӧма крамса керӧс вылӧ да Ерусалим карын мукӧдлаӧ, сэсся шыбитіс найӧс кар сайӧ.

2 Каднебӧг 33:3

Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Ваал идолъяслы висьпуктанінъяс, сувтӧдіс юрбитан пуяс, юрбитіс енэжвыв вынъяслы.

2 Каднебӧг 33:7

Манассей вӧчӧдіс бӧлбанӧс да сувтӧдіс сійӧс Енлӧн крамӧ, мый йылысь Ен шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

Исай 66:4

А Ме бӧръя налы мыждӧм, мӧдӧда налы сійӧ, мыйысь найӧ полӧны. Ӧд Ме чуксалі найӧс, но некод эз шыась, Ме висьталі налы, но найӧ эз кывзыны. Найӧ вӧчисны сійӧ, мый Менам син водзын шогмытӧм, найӧ бӧрйисны сійӧ, мый эз вӧв Менам кӧсйӧм серти.

Еремей 16:18

Налӧн мыжъясысь да лёк вӧчӧмъясысь Ме кык пӧвстӧн налысь водзӧс перъя, перъя сыысь, мый найӧ пежалісны Менсьым муӧс зывӧк идолъяснаныс, тыртісны пежторъяснаныс».

Еремей 23:11

– Пророкъяс да попъяс пежасьӧмаӧсь, весиг Аслам керкаын Ме аддза налысь лёк вӧчӧмсӧ, – висьталӧ Господь. –

Еремей 32:34

Сійӧ керкаас, мый сиӧма Менам нимлы, найӧ сувтӧдісны ассьыныс зывӧк идолъяснысӧ да пежалісны тайӧ керкасӧ.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Езекиль 7:20

Эзысь да зарни мичмӧдчанторъясӧн найӧ ошйысисны, эзысь-зарниысь зывӧк бӧлбанъяс вӧчисны. Та вӧсна налысь донаторнысӧ Ме пежӧ бергӧда,

Езекиль 8:3

Сійӧ нюжӧдіс ки сямаӧс да босьтіс менӧ юрсиӧд. Лов кыпӧдіс менӧ енэжа-муа костас да вайӧдіс Ерусалимӧ. Тайӧ вӧлі Енсянь петкӧдлӧм. Лов сувтӧдіс менӧ пытшкӧс йӧрлӧн войвывса дзиръя дорӧ, кӧні сулаліс Господьлысь вежӧгтӧмсӧ кыпӧдысь бӧлбан.

Даниил 11:31

Сійӧ мӧдӧдас ассьыс тышкайӧзсӧ, и найӧ пежаласны ыджыд да вежа крамсӧ. Найӧ дугӧдасны сэні быдлунся вись вайӧм да сувтӧдасны сэтчӧ пеж зывӧксӧ.

Даниил 9:27

Локтана юралысьыс унакӧд кӧрталас йитӧд сизим во кежлӧ. Сизим воыслӧн джын кадас сійӧ дугӧдас вись вайӧм. Вежаинлӧн вевт вылас пеж зывӧкыс лоӧ сэтчӧдз, кытчӧдз Енлӧн водзвыв шуӧмыс серти оз ло бырӧдӧма асьсӧ бырӧдысьсӧ».