Еремей 7:23 - Коми Библия 2023

²³ Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Еремей 7:23 Kruisverwysings

Иов 36:11

Кывзасны кӧ да пондасны кесъявны Сылы, сэки олан лунъясыс налӧн лоӧны шудаӧсь, олан нэмыс тырас нимкодьлунӧн.

Псалтыр 119:3

Ылӧг вома мортӧй, мыйӧн лоӧ мынтысьӧма тэныд?

Псалтыр 40:6

Менӧ мустӧмтысьяс лёка сёрнитӧны ме йылысь: «Мед эськӧ сійӧ кулас, мед эськӧ вунӧдасны сылысь нимсӧ!»

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Петӧм 16:32

Мӧисей шуис: «Со мый тшӧктіс Господь. Ӧти омер мында маннасӧ видзӧй тіянсянь чужысьяслы, медым найӧ аддзисны, кутшӧм няньӧн Господь вердіс тіянӧс овтӧминын Египет муысь петкӧдӧм бӧрын».

Исай 3:10

Висьталӧй веськыда олысьлы, мый сылы бур лоӧ, ӧд сійӧ кутас нимкодясьны аслас уджъяслӧн вотӧснас.

Еремей 11:4

Тайӧ тшӧктӧмъяссӧ Ме сеті тіян батьяслы, кор петкӧді найӧс Египетысь, кӧрт сывдан пачысь. Ме тшӧкті налы кывзыны Менӧ да ставсӧ вӧчны Менам тшӧктӧм серти, медым найӧ вӧліны Менам войтырӧн, а Ме – налӧн Енмӧн.

Еремей 11:7

Сійӧ лунсяньыс, кор Ме петкӧді тіянлысь батьяснытӧ Египетысь, Ме тшӧкті налы кывзыны Менӧ. Ӧнія лунӧдз Ме выльысь и выльысь тадзи жӧ вӧча.

Еремей 13:11

Кыдзи мортлӧн вӧньыс вир-яй бердас, сідзи Ме босьті Ас бердӧ Израиль да Иуда войтыръясӧс, медым найӧ вӧліны Менам войтырӧн да ошкисны-нимӧдісны Менӧ, – висьталӧ Господь. – Но найӧ эз кывзыны Менӧ.

Еремей 22:21

Бур кадӧ Ме ӧлӧдлі тэнӧ, но тэ шулін, ог пӧ кывзы. Томдырсяньыд тэ тадзи вӧчин, эн кывзы Менӧ.

Еремей 22:3

Господь тадзи висьталӧ: олӧй веськыда да мыждӧй збыльыс серти, увтыртӧмаӧс мездӧй дзескӧдысьлӧн киысь. Йӧз муысь локтысьӧс, батьтӧм-мамтӧмӧс да дӧваӧс энӧ увтыртӧй да энӧ дзескӧдӧй, мыжтӧм мортлысь вирсӧ тайӧ муас энӧ кисьтӧй.

Еремей 24:7

Ме сета налы сэтшӧм сьӧлӧм, мый найӧ тӧдмаласны Менӧ, тӧдмаласны, мый Ме – Господь. Найӧ лоӧны Менам войтырӧн, а Ме – налӧн Енмӧн, ӧд найӧ бергӧдчасны Ме дінӧ став сьӧлӧмсяньныс.

Еремей 31:33

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.

Еремей 38:20

Еремей шуис Седекейлы: «Оз сетны. Кывзы Господьӧс. Кывзы, мый ме висьтала тэныд. Сэки тэныд бур лоӧ, и тэ ловйӧн колян.

Еремей 42:6

Лоӧ-ӧ Господьлӧн кӧсйӧмыс миянлы сьӧлӧм серти али оз, но ми кывзысям Господьлысь, миян Енлысь, код дінӧ ми ыстам тэнӧ. Миянлы бур лоӧ, ми кӧ кывзысям Господьлысь, миян Енлысь».

Софоний 3:2

Сэні олысьяс оз кывзысьны, оз сибӧдны туйдӧдӧмсӧ, Господь вылӧ лача оз кутны, оз локны асланыс Ен дінӧ.

Закар 6:15

Йӧзыс ылісянь локтасны, мед отсавны лэптыны Господьлысь крамсӧ. Сэки ті тӧдмаланныд, мый Господь Саваоф мӧдӧдіс менӧ тіян дінӧ. Тайӧ ставыс инас, ті кӧ понданныд сьӧлӧмсяньныд кывзысьны Господьлысь, асланыд Енлысь.

Закар 7:7

Та йылысь Господь важӧн нин висьтавліс пророкъяс пыр, кор Ерусалим вӧлі уна йӧза да лӧнь карӧн, и кор сыгӧгӧрса каръясын, Негев муын да керӧсбердса муын олісны йӧз.

2 Коринфӧ 10:5

да став кыпӧдчӧмсӧ, мый паныд сувтӧ Енсӧ тӧдмалӧмлы. Ми топӧдам быдпӧлӧс мӧвпъяс, медым найӧ кывзысисны Кристослысь.

Индӧд 11:27

Бурсиӧмыс лоӧ тіянлы, ті кӧ кутанныд овны асланыд Господь Енлӧн индӧд-тшӧктӧмъяс серти, мый талун висьтала тіянлы.

Индӧд 13:4

Асланыд Господь Ен бӧрся мунӧй да Сыысь полӧй. Сылӧн тшӧктӧмъяс серти олӧй, Сылысь кывзысьӧй, Сылы кесъялӧй да Сы дінӧ кутчысьӧй.

Индӧд 13:5

А пророкӧс да вӧтъяс аддзылысьӧс колӧ вины, мыйла сійӧ ышӧдіс тіянӧс паныд кыпӧдчыны Господьлы, тіян Енлы, коді петкӧдіс тіянӧс Египетысь да мездіс нартитӧм улысь. Бырӧдӧй лёксӧ ас пӧвстсьыныд, ӧд татшӧм мортыс кежӧдӧ тіянӧс туйысь, кыті Господь, тіян Енныд, тшӧктіс тіянлы муннысӧ.

Индӧд 30:2

да ті ныв-пиныдкӧд бӧр бергӧдчанныд Господьлань, асланыд Енлань, да кутанныд став сьӧлӧмнад да став олӧмнад кывзысьны Сылысь, кыдзи ме тшӧкта талун тіянлы,

Индӧд 30:20

да радейтінныд Господьӧс, ассьыныд Ентӧ, кывзысинныд Сылысь да кутчысинныд Сы дінӧ. Сэки ті кутанныд дыр овны сійӧ муас, мый Господь [Ен] кыв сетӧмӧн кӧсйысис сетны тіян батьяслы – Ӧвраамлы, Исааклы да Яковлы».

Индӧд 30:8

Ті бӧр бергӧдчанныд Господьлань [асланыд Енлань], кутанныд кывзысьны Сылысь да овны Сылӧн став тшӧктӧмыс серти, мый талун висьтала тіянлы.

Индӧд 4:10

Висьталӧй налы сійӧ луныс йылысь, кор ті [чукӧртчинныд да] сулалінныд Господь Енныд водзын Хорив керӧс дорын. Сэні Господь шуис меным: ”Чукӧрт войтырсӧ Ме дінӧ, Ме висьтала налы Ассьым кывъясӧс. Му вылын став олан лунъяс чӧжныс найӧ мед поласны Меысь да мед велӧдасны ассьыныс ныв-пинысӧ тадзи овны”.

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Индӧд 5:16

Пыдди пукты ассьыд бать-мамтӧ, кыдзи тшӧктіс тэныд Господь, тэнад Енмыд, медым олӧмыд вӧлі кузь нэма да тэныд вӧлі бур сійӧ муас, мый Господь, тэнад Енмыд, сетас тэныд.

Индӧд 5:29

Найӧ кӧ став олан лунъяс чӧжыс сьӧлӧмсяньныс кывзысисны Менсьым да олісны став Менам тшӧктӧм серти, сэки эськӧ налы да насянь чужысьяслы нэмъяс чӧж вӧлі бур.

Индӧд 5:33

Олӧй сідзи, кыдзи тшӧктӧ Господь, тіян Енныд, медым тіянлы вӧлі бур и ті дыр олінныд сійӧ муас, мый босьтанныд аслыныд».

Индӧд 6:3

Кывзы, Израиль! Олӧй тайӧ тшӧктӧмъясыс серти, медым тіянлы вӧлі бур да медым сійӧ муас, кӧні визувтӧ йӧв да ма, ті чужинныд-рӧдминныд, кыдзи висьталіс тіянлы Господь, тіян батьяслӧн Ен. [Господь Ен сетіс Израиль пиянлы тайӧ индӧд-тшӧктӧмъяссӧ овтӧминын Египетысь петӧм бӧрын.]

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.

Ӧксыяслӧн 1 небӧг 15:22

Самуил шуис: – Мый вайӧ Господьлы нимкодьлун? Сотан да мукӧд висьяс али Сылысь кывзысьӧм? Кывзысьӧмыд бурджык вись вайӧм дорысь, бурджык межъяслысь госсӧ сотӧм дорысь.