2 Ме бырӧда Сион нылӧс, мича да ляб карӧс.
Сион ныв ӧткӧн сулалӧ виноград йӧрса чом моз, град йӧрса лэбув моз, кытшалӧм кар моз.
Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».
Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.
Мый меным шуны тэныд, Ерусалим нылӧй, мыйӧн ӧткодявны тэнӧ? Кодкӧд ӧткодявны тэнӧ, Сион нылӧй, медым бурӧдны тэнӧ? Тэнад дойыд саридз кодь ыджыд – коді вермас бурдӧдны тэнӧ?
Водзынсӧ чӧскыда сёйысьяс ӧні тшыгъялӧны туйяс вылын, водзынсӧ мичаа пасьтасьысьяс ӧні гудйысьӧны лӧп чукӧрын.
Весиг небыд сьӧлӧма да лелькуйтӧм ань, коді кокнас му вылӧ эз тувччыв, кутас лӧгпырысь видзӧдны аслас верӧсыс вылӧ да ныв-пиыс вылӧ,
