Еремей 51:46 - Коми Библия 2023

⁴⁶ Тіян сьӧлӧмныд мед оз тірав, энӧ полӧй юӧрысь, мый разалӧ му пасьталаыс. Ӧти воӧ локтӧ ӧтипӧлӧс юӧр, мӧд вонас – мӧдпӧлӧс юӧр, му вылын виалӧны-дзескӧдӧны, юралысь кыпӧдчӧ юралысьлы паныд.

Еремей 51:46 Kruisverwysings

Ӧксыяслӧн 4 небӧг 19:7

Ме ыста ассурса ӧксы пытшкӧ сэтшӧм лов, мый юӧр кылӧм бӧрти сійӧ бӧр бергӧдчас аслас муӧ. Сэні Ме вӧча сідзи, мый сійӧ кулас шыпурт помысь”».

2 Каднебӧг 20:23

ӧд аммонсаяс да моавсаяс уськӧдчисны Сеир керӧсвыв муын олысьяс вылӧ. Найӧс бырӧдӧм бӧрын аммонсаяс да моавсаяс пондісны виавны ӧта-мӧднысӧ.

Иов 23:16

Енмыс жебмӧдіс менсьым лолӧс, Ставсӧвермысь повзьӧдлӧ менӧ.

Шусьӧгъяс 24:10

Сьӧкыд кадӧ кӧ лолыд нюкыртчӧ, сідзкӧ, выныд тэнад этша.

Исай 19:2

Ме кыпӧда египетсаясӧс ӧта-мӧдныслы паныд: вокыс уськӧдчас вокыс вылӧ, орччӧн олысьыс – орччаыс вылӧ, ӧти карын олысьяс – мӧд карын олысьяс вылӧ, тайӧ муас олысьяс – мӧд муын олысьяс вылӧ.

Исай 43:5

Эн пов, Ме тэкӧд! Асыввывсянь Ме вайӧда тэсянь чужысьясӧс, рытыввывсянь чукӧрта тэнсьыд войтыртӧ.

Еремей 46:27

– Эн пов, Менам Яков кесйӧгӧй, эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Еремей 46:28

Эн пов, Менам Яков кесйӧгӧй, – висьталӧ Господь, – Ме тэкӧд! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Лука 21:28

Кор ставыс тайӧ пондас инны, сэки веськӧдчӧй да лэптӧй юрнытӧ, ӧд матысмӧ тіян мездмӧмныд».

Ёрдысьяс 7:22

Куимсё израильса тышкамортлӧн буксігкості Господь вӧчис сідзи, мый мадиансаяс виалісны ӧта-мӧднысӧ. А коляс тышкайӧзыс пышйисны Церера карлань Бет-Шитта карӧдз да Авел-Мехола кар дорӧдз, Табат карсянь матӧ.