Еремей 49:5 - Коми Библия 2023

⁵ Со, Ме мӧдӧда тіян вылӧ быд боксянь повзьӧдлӧм, – висьталӧ Ыджыдыс, Господь Саваоф. – Тіянӧс вӧтласны, ті пышъянныд, и некод оз чукӧрт тіянӧс.

Еремей 49:5 Kruisverwysings

Ӧксыяслӧн 4 небӧг 19:7

Ме ыста ассурса ӧксы пытшкӧ сэтшӧм лов, мый юӧр кылӧм бӧрти сійӧ бӧр бергӧдчас аслас муӧ. Сэні Ме вӧча сідзи, мый сійӧ кулас шыпурт помысь”».

Иов 15:21

Повзьӧдлан шы жвиньгӧ сылӧн пеляс, лӧньлун дырйи локтӧ сійӧс бырӧдысь.

Шусьӧгъяс 28:1

Лёк вӧчысь пышйӧ, весиг кӧ сійӧс оз вӧтӧдны, но веськыда олысь лев кодь повтӧм.

Исай 16:3

Моавса ӧксы шыасьӧ иудаса ӧксы дінӧ: – Шу, мый миянлы вӧчны, отсав миянлы. Войся пемыд моз вевттьы миянӧс луншӧрнас, дзеб миянӧс, вӧтлӧмаясӧс, эн вузав пышйысьясӧс.

Еремей 15:8

Дӧваяслӧн лыдыс лоӧ саридздор лыа дорысь на унджык. Луншӧр кадӧ Ме мӧдӧда мамъяс дінӧ эмбур мырддялысьясӧс, виччысьтӧг мамъясӧс суас полӧм-тіралӧм.

Еремей 16:16

Ме мӧдӧда уна чери кыйысьӧс, – висьталӧ Господь, – найӧ пондасны чериӧс моз кыйны Иуда войтырӧс. Сэсся мӧдӧда уна вӧралысьӧс, кодъяс пондасны вӧтлыны найӧс керӧсъяс да мылькъяс вылысь, тшӧтш кырта потасъясысь.

Еремей 20:4

Ӧд Господь тадзи висьталӧ: ”Ме вӧча тэнӧ повзьӧдчанторйӧн аслыд и став тэнад ёртъясыдлы. Тэнад син водзын найӧ усясны вӧрӧглӧн шыпуртысь. Иуда войтырӧс Ме сета вавилонса ӧксы киӧ. Ӧтиясӧс сійӧ нуӧдас Вавилонӧ, а мӧдъясӧс виас шыпуртӧн.

Еремей 46:5

Но мый Ме аддза? Найӧ повзьӧмаӧсь, бӧр бергӧдчӧны, налысь вына шыпуртаяссӧ пасьвартӧмаӧсь. Найӧ пышйӧны, бӧрлань оз видзӧдны, найӧс быд боксянь повзьӧдлӧны, – висьталӧ Господь. –

Еремей 49:29

Налысь чомъяссӧ, чом дӧраяссӧ да эмбурсӧ мырддясны, ыжъяссӧ да верблюдъяссӧ босьтасны налысь. Налы пондасны горзыны, найӧс пондасны повзьӧдлыны быд боксянь.

Еремей 6:25

Энӧ петӧй видз-му вылӧ, энӧ ветлӧдлӧй туй вывті, ӧд вӧрӧг кыйӧдчӧ шыпуртӧн, повзьӧдлӧ быд боксянь.

Бӧрданкыв 4:15

– Вешйӧй, пежасьӧмаяс! – горзӧны налы. – Вешйӧй, вешйӧй, энӧ инмӧдчӧй! Найӧ мунӧны да шӧйтӧны мукӧд войтыръяс пӧвстын, но и сэтчӧ найӧс оз лэдзны овмӧдчыны.

Амос 4:3

Ті петанныд жугалӧм карса стен пыр, быдӧн петас сэті, кӧні лоӧ. Тіянӧс шыбитасны Хармонӧ, – висьталӧ Господь.

Нав Исус 2:9

да шуис: «Ме тӧда, мый тайӧ мусӧ Господь сетіс тіянлы. Ми ставӧн полам тіянысь. Тайӧ муас став олысьыс дзӧрӧ-тіралӧ тіянысь.