Еремей 49:36 - Коми Библия 2023

³⁶ Енэжлӧн нёльнан пельӧссянь Ме мӧдӧда Элам вылӧ нёль тӧвныр да разӧда эламсаясӧс. Оз сюр сэтшӧм войтыр, код пӧвстӧ оз локны Эламысь вӧтлӧмаяс.

Еремей 49:36 Kruisverwysings

Псалтыр 147:2

Сійӧ ёнмӧдӧ тэнад дзиръяяслысь иганъяссӧ, бурсиӧ тэнсьыд олысьястӧ.

Исай 11:12

Сійӧ лэптас дӧрапас войтыръяслы, чукӧртас нёльнан му пельӧссьыс Израильысь вӧтлӧмаясӧс, Иудаысь разалӧм войтырӧс.

Исай 27:13

Сійӧ лунӧ ыджыд буксан букӧстас, сэки бӧр локтасны Ассур муӧ вошлӧмаяс да Египет муӧ вӧтлӧмаяс. Ерусалимын, вежа керӧс вылын, найӧ ставныс копыртчасны Господь водзӧ.

Исай 56:8

На кындзи, кодъясӧс чукӧртӧма нин татчӧ, Ме нӧшта на чукӧрта мукӧдӧс, – висьталӧ Господь Ыджыдыс, разалӧм Израиль войтырӧс чукӧртысь.

Еремей 30:17

Ме сета тэныд бурдӧмсӧ, Ме бурдӧда тэнсьыд дойястӧ, – висьталӧ Господь. – Тэнӧ шулісны эновтӧмаӧн, Сионӧн, код вӧсна некод оз тӧждысь.

Еремей 49:32

Налысь верблюдъяссӧ мырддясны, уна лыда ыж-мӧссӧ босьтасны. Ме разӧда разі-пели тайӧ йӧзсӧ, кодъяс шырӧны юрсинысӧ пель боксьыныс, мӧдӧда налы быдласянь шог, – висьталӧ Господь. –

Езекиль 5:10

Батьыс кутас сёйны писӧ, а пияныс кутасны сёйны батьнысӧ. Ме мыжда тэнӧ, Ерусалим, а тэнсьыд ловйӧн кольӧмаястӧ тӧвйыв разӧда.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Даниил 11:4

Но сылӧн юралӧмыс ӧдйӧ киссяс да разалас нёльнан му пельӧсӧ. Сылӧн юралӧмыс оз вудж сысянь чужысьяслы, и оз нин ло сэтшӧм вына, кутшӧм вӧлі сылӧн юралігӧн. Сылысь юралӧмсӧ лоӧ вужнас нетшыштӧма да сетӧма мукӧдыслы.

Даниил 8:22

Кор тайӧ сюрыс чегис, сы пыдди петіс нёль сюр. Тайӧ петкӧдлӧ, мый тайӧ войтыр пӧвстсьыс петас нёль юралӧм, но найӧ оз лоны медводдза ӧксылӧн юралӧмыс кодь вынаӧсь.

Даниил 8:8

Ай кӧза пондіс ёна ышнясьны. Но кор сійӧ лои вынйӧра, сэки чегис да усис сылӧн ыджыд сюрыс, а сы пыдди петіс нёль сюр, найӧ чурвидзисны нёльнан му пельӧслань.

Амос 9:9

Ме тшӧкта мукӧд войтыръяслы шердйыны Израиль войтырӧс, пызьӧс моз Ме пожнала найӧс сэтшӧм пож пыр, мый весиг ӧти лыа чир оз усь.

Закар 6:5

Андел вочавидзис: «Тайӧ – енэжыслӧн нёль тӧв. Найӧ петӧны Господьсянь, коді ыджыдалӧ став му вылас».

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.

Восьтӧм 7:1

Та бӧрти ме аддзи нёль анделӧс. Найӧ сулалісны нёльнан му пельӧсас да кутісны мулысь нёльнан тӧвнырсӧ, медым тӧлыс эз пӧльт му вылӧ, саридз вылӧ да некутшӧм пу вылӧ.