Еремей 49:17 - Коми Библия 2023

¹⁷ Эдом лоӧ повзьӧдчанторйӧн. Сійӧс бырӧдӧмысь сы дорті мунысьясӧс полӧм босьтас.

Еремей 49:17 Kruisverwysings

Ӧксыяслӧн 3 небӧг 9:8

Тайӧ ыджыд крам дінті мунысь весьӧпӧрӧмӧн да шутёвтӧмӧн юалас: ”Мый вӧсна нӧ Господь тадзи вӧчис тайӧ муыскӧд да тайӧ крамыскӧд?”

Еремей 18:16

Ассьыныс мусӧ найӧ вӧчисны овтӧминӧн, сійӧ пыр кежлӧ лои повзьӧдчанторйӧн. Сы дорті мунысьяс пондасны юрнас довкйӧдлыны, найӧс полӧм босьтас.

Еремей 49:13

Ме Ачым кыв сетӧмӧн шуа, – висьталӧ Господь, – мый Восора кар лоӧ повзьӧдчанторйӧн да овтӧминӧн, сійӧс кутасны ёрны да лёкӧдны. Сыгӧгӧрса сиктъясыс пыр кежлӧ лоӧны овтӧминӧн».

Еремей 50:13

Господьлӧн скӧралӧм вӧсна сэні оз ло олысьыс, сійӧ лоӧ овтӧминӧн. Вавилонӧс бырӧдӧмысь сы дорті мунысьясӧс полӧм босьтас.

Еремей 51:37

Вавилон лоӧ из чукӧрӧн, шакалъяслӧн оланінӧн, сійӧ лоӧ повзьӧдчанторйӧн, сійӧс кутасны лёкӧдны, сэні олысьыс оз ло.

Езекиль 25:13

Та вӧсна Господь Ыджыдыс тадзи висьталӧ: Ме лэпта киӧс Эдом вылӧ да ӧтитӧг бырӧда сэтысь йӧзӧс да ыж-мӧскӧс, вӧча Эдом муысь овтӧмин. Теман карсянь Дедан карӧдз ставныс куласны шыпурт помысь.

Езекиль 27:36

Войтыръяс пӧвстысь вузасьысьяс пондасны шутьлявны сыысь, мый лои тэкӧд. Ӧд тэ лоин повзьӧдчанторйӧн, тэ пыр кежлӧ бырин».

Езекиль 35:15

Тэ нимкодясин, кор Израиль войтырлӧн муыс овтӧммис. Но Ме тадзи жӧ вӧча тэныд. Тэ, эдомсаяслӧн Сеир керӧсвыв му, лоан овтӧминӧн. Сэки ставныс тӧдмаласны, мый Ме – Господь».

Езекиль 35:3

Шу сылы, мый Господь Ыджыдыс тадзи висьталӧ: Ме паныд сувта тэныд, Сеир керӧсвыв му. Лэпта Ассьым киӧс тэ вылӧ да вӧча тэнӧ овтӧминӧн.

Езекиль 35:7

Сеир керӧсвыв муӧс Ме вӧча овтӧминӧн да бырӧда сэті ветлысь-мунысьясӧс.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Софоний 2:15

Татшӧмӧн лоӧ кар, кӧні йӧзыс гажӧдчылісны, тӧждысьтӧг олісны, ас пытшканыс шуалісны: «Миян кар кодь мӧдыс абу». Но ӧні сійӧ лои киссьӧм карӧн, зверъяслы – дзебсянінӧн. Сы дінті мунысьяс пондасны шутьлявны, кинас швачӧдны боканыс.

Индӧд 29:22

Тіян бӧрся чужысь ныв-пиныд да ылі муысь локтысьяс аддзасны, кутшӧм шогъяс да висьӧмъяс Господь мӧдӧдӧма тайӧ муӧ.