Еремей 48:8 - Коми Библия 2023

⁸ Вӧрӧг локтас да бырӧдас моавса каръяс, ни ӧти кар оз мездмы. Ковтыссӧ лоӧ бырӧдӧма, вывтасінсӧ лоӧ куштӧма, – тадзи висьталіс Господь.

Еремей 48:8 Kruisverwysings

Еремей 15:8

Дӧваяслӧн лыдыс лоӧ саридздор лыа дорысь на унджык. Луншӧр кадӧ Ме мӧдӧда мамъяс дінӧ эмбур мырддялысьясӧс, виччысьтӧг мамъясӧс суас полӧм-тіралӧм.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 48:18

Дивонын олысьяс, лэччӧй нималана пукаланінсьыныд, пуксьӧй косьмӧм му вылӧ, ӧд Моавӧс пазӧдысь уськӧдчас тіян вылӧ да бырӧдас изкаръяснытӧ.

Еремей 51:56

Куштысь-бырӧдысь уськӧдчас Вавилон вылӧ, вавилонса тышкайӧзӧс лоӧ босьтӧма, налысь ньӧвъяссӧ лоӧ чегъялӧма, ӧд Господь – водзӧс перйысь Ен, Сійӧ мынтысяс налы.

Еремей 6:26

Менам войтырӧй, пасьтав шогалан паськӧмтӧ, туплясь пӧим пытшкын. Бӧрд, быттьӧ ӧтка пиыд кулӧма, курыда бӧрд, ӧд виччысьтӧг локтас миянӧс бырӧдысь.

Езекиль 25:9

Та вӧсна Ме восьта Моав муӧс вӧрӧгыслы, бырӧда сылысь мичлунсӧ – мудорын сулалысь Бет-Ешимот, Ваал-Меон да Киръятаим каръясӧс.

Нав Исус 13:17

Хешбон да сы гӧгӧрысь вывтасінса каръяс – Дивон, Вамот-Ваал, Бет-Ваал-Меон,

Нав Исус 13:21

мукӧд вывтасінса каръяс да аморейяслӧн Сигон ӧксылысь став мусӧ. Сигон ӧксы юраліс Хешбонын. Мӧисей пасьвартіс Сигонӧс да сылысь киподувса мадианса ӧксыясӧс. Тайӧ вӧліны Эви, Рекем, Цур, Хур да Ревай, кодъяс олісны Сигон ӧксылӧн муын.

Нав Исус 13:9

Лунвылын налӧн муыс заводитчӧ Арнон ю бокын сулалысь Ароэр карсянь да Арнон ковтыс шӧрын сулалысь карсянь. Налӧн муас пырӧны Медева вывтасін Дивон карӧдз,