Еремей 44:7 - Коми Библия 2023

⁷ Ӧні Господь Ен Саваоф, Израильлӧн Ен, тадзи висьталӧ: ті аслыныд паныд вӧчанныд тайӧ ыджыд лёкторсӧ – бырӧданныд Иуда войтырысь айуловӧс да аньясӧс, челядьӧс да пузчужӧм кагаясӧс. Тадзи тіян пӧвстысь некод ловйӧн оз коль.

Еремей 44:7 Kruisverwysings

Шусьӧгъяс 1:18

а тайӧ йӧзыс ассьыныс вирсӧ кисьтны дасьӧсь, асланыс ловлы лэчсӧ пуктӧны.

Шусьӧгъяс 15:32

Велӧдӧмсӧ ӧтдортысь аслас олӧмыс вӧсна оз тӧждысь, ӧлӧдӧмсӧ кывзысь вежӧрсялӧ.

Шусьӧгъяс 5:22

Лёк вӧчысьӧс сылӧн вӧчӧмторъясыс кыйӧны, мыжыслӧн кӧртӧдӧ сійӧ ачыс шедӧ.

Шусьӧгъяс 8:36

Меным паныд мыж вӧчысь аслыс лёксӧ вӧчӧ, менӧ мустӧмтысь кулӧмсӧ радейтӧ».

Еремей 25:6

Энӧ юрбитӧй мукӧд енъяслы, энӧ кесъялӧй да энӧ копрасьӧй налы, энӧ скӧрмӧдӧй Господьӧс асланыд киӧн вӧчӧмторъясӧн, сэки Сійӧ оз вӧч тіянлы лёксӧ”.

Еремей 25:7

Но ті энӧ кывзӧй Менӧ! – висьталӧ Господь. – Асланыд киӧн вӧчӧмторъясӧн ті скӧрмӧдінныд Менӧ аслыныд жӧ лёк вылӧ.

Еремей 26:19

Но Езекей ӧксы да Иуда войтыр ӧмӧй виисны пророкӧс? Езекей ӧксы поліс Господьысь да кевмис Господьӧс бурсьӧлӧмтчыны. Та вӧсна Господь вежис Ассьыс шуӧмсӧ да эз вӧч сійӧ лёксӧ, мый шуис вӧчны налы. А ми ыджыд лёктор вӧчам аслыным».

Еремей 3:24

Миян том кадсянь зывӧк Ваал идол сёйис ставсӧ, мый могысь батьясным уджалісны, сёйис налысь ыжъяссӧ да ӧшъяссӧ, пиянсӧ да нывъяссӧ.

Еремей 38:17

Еремей шуис Седекейлы: «Господь Ен Саваоф, Израильлӧн Ен, тадзи висьталӧ: ”Тэ кӧ сетчан вавилонса ӧксылӧн киподувса юралысьяслы, тэ ловйӧн колян, и тайӧ карсӧ оз сотны биӧн. Тэ да тэнад гортсаыд ловйӧн колянныд.

Еремей 42:20

Ті ылӧдлінныд асьнытӧ. Ті мӧдӧдінныд менӧ Господь Енныд дінӧ да коринныд кевмысьны ас вӧснаныд. Ті шуинныд, юӧрт пӧ миянлы ставсӧ, мый висьталас Господь, миян Ен, и ми пӧ сідзи вӧчам.

Еремей 44:14

Иудалӧн коляс войтыр пӧвстысь, кодъяс овмӧдчисны Египетӧ, некод оз мездмы, ловйӧн оз коль. Найӧ бӧр оз бергӧдчыны Иуда муӧ, кытчӧ ёна кӧсйӧны бӧр локны, медым овны сэні. Сӧмын некымын морт пышъясны Египетысь».

Еремей 44:8

Ті дӧзмӧданныд Менӧ асланыд киӧн вӧчӧмторъясӧн. Ті сотанныд висьяс мукӧд енъяслы Египет муын, кытчӧ ті овмӧдчинныд. Тадзи ті асьнытӧ бырӧданныд. Мувывса став войтыръяс кутасны ёрны да лёкӧдны тіянӧс.

Еремей 51:22

Тэӧн Ме пасьвартлі айловӧс и аньӧс, пӧрысьӧс и томӧс, зонмӧс и нылӧс.

Еремей 7:19

Но Менӧ ӧмӧй найӧ дӧзмӧдӧны? – висьталӧ Господь. – Найӧ асьнысӧ дӧзмӧдӧны, ӧд налы юръяндзим лоӧ.

Еремей 9:21

Ӧд кулӧмыс пырӧ ӧшиньӧд, пырӧ миян керкаясӧ. Уличьяс вылын сійӧ бырӧдӧ челядьӧс, изэрдъяс вылын – том зонъясӧс.

Бӧрданкыв 2:11

Синмӧй пемдіс бӧрдӧмсьыс, пытшкӧсӧй шызьӧма, сьӧлӧмӧй потӧ шогысла, ӧд менсьым войтырӧс бырӧдӧма, челядь да пузчужӧм кагаяс тшыгйысла кулӧны карса изэрдъяс вылын.

Бӧрданкыв 2:22

Гаж вылӧ моз быдласянь Тэ вайӧдін бырӧдысьӧс. Господьлӧн скӧралан лунӧ некод эз мездмы, некод ловйӧн эз коль. Найӧс, кодъясӧс ме чужті-быдті, бырӧдіс менӧ мустӧмтысь.

Езекиль 33:11

Шу налы, мый Ме ог кӧсйы, медым мыжа морт куліс, – висьталӧ Господь Ыджыдыс. – Но кӧсъя, медым сійӧ бергӧдчис аслас лёк туй вылысь да видзис ассьыс олӧмсӧ. Тайӧс Ме Ачым кыв сетӧмӧн шуа. Бергӧдчӧй асланыд лёк туй вылысь! Мыйла тіянлы кувнысӧ, Израиль войтыр?

Езекиль 9:6

Виалӧй пӧрысьясӧс и ныв-зонмӧс, челядьӧс и аньясӧс. Бырӧдӧй ставнысӧ, но найӧс, кодлӧн эм пас, энӧ вӧрӧдӧй. Босьтчӧй виавны Менам вежаинсянь». Медводз найӧ виисны крам водзын сулалысь юрнуӧдысьясӧс.

Аввакум 2:10

Уна войтырӧс бырӧдӧмнад тэ янӧдін ассьыд рӧдтӧ, тэ мыж вӧчин, и таысь мынтысян олӧмнад.

Лыд 16:38

Тшынӧдчан дозъяссӧ налысь, кодъяс кулісны асланыс мыж вӧсна, мед лямӧдасны листъясӧ. Наӧн мед эжасны висьпуктанін, ӧд дозъясыс лоины вежаӧсь, кор найӧс вайисны Господь водзӧ. Лямӧдӧм дозъясыс мед лоӧны ӧлӧданпасӧн Израиль пиянлы».

Индӧд 32:25

Коді лоӧ ывлаын, кулас шыпурт помысь, коді лоӧ гортас, весьӧпӧрас. Виӧма лоӧ ныв-зонмӧс, пузчужӧм кагаӧс и дзор юраӧс.

Нав Исус 6:21

Тайӧ муас кыйӧдчыны волысь кык мортлы Исус шуис: «Мунӧй кырсалысь аньлӧн керкаӧ да кыв сетӧм сертиныд петкӧдӧй сійӧс да став сылысь гортсасӧ».

Ёрдысьяс 21:11

Дзикӧдз бырӧдӧй став айуловсӧ да сійӧ аньяссӧ, кодъяс узисны айловкӧд [а нывъясӧс ловйӧн кольӧй]». [Сідзи и вӧчисны.]

Ӧксыяслӧн 1 небӧг 15:3

Ӧні мун да пасьварт амаликъясӧс [да ерим войтырӧс]. Бырӧд ставсӧ, мый налӧн эм. [Эн босьт аслыд нинӧм, но бырӧд ставсӧ да сет ёрӧм улӧ.] Эн жалит найӧс, виав айуловӧс и аньясӧс, челядьӧс и пузчужӧм кагаясӧс. Виав тшӧтш налысь ӧшъяссӧ, ыжъяссӧ, верблюдъяссӧ да осёлъяссӧ”».

Ӧксыяслӧн 1 небӧг 22:19

Сійӧ виаліс шыпуртӧн попъяслӧн Нов карысь став олысьсӧ: айуловӧс и аньясӧс, томъясӧс и кагаясӧс, виаліс тшӧтш налысь ӧшъяссӧ, осёлъяссӧ да ыжъяссӧ.