Еремей 44:4 - Коми Библия 2023

⁴ Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы, мед ті энӧ вӧчӧй татшӧм пежсӧ, ӧд Ме мустӧмта татшӧмторсӧ.

Еремей 44:4 Kruisverwysings

2 Каднебӧг 36:15

Господь, налӧн батьяслӧн Ен, выльысь и выльысь мӧдӧдліс на дінӧ юӧртысьясӧс, ӧд Сійӧ жалитіс Ассьыс войтырсӧ да Ассьыс оланінсӧ.

Неемий 9:30

Уна во чӧж Тэ виччысин, Аслад Ловсянь Тэ ӧлӧдлін найӧс пророкъяс пыр, но найӧ эз кывзыны. Сэки Тэ сетін найӧс мукӧд войтыръяслӧн киӧ.

Неемий 9:34

Миян ӧксыяс, юралысьяс, попъяс да батьяс эз овны Тэнад Индӧд серти, эз кывзыны Тэнсьыд тшӧктӧмъястӧ, вунӧдісны Тэнсьыд ӧлӧдӧмъястӧ.

Еремей 16:18

Налӧн мыжъясысь да лёк вӧчӧмъясысь Ме кык пӧвстӧн налысь водзӧс перъя, перъя сыысь, мый найӧ пежалісны Менсьым муӧс зывӧк идолъяснаныс, тыртісны пежторъяснаныс».

Еремей 26:5

да онӧ кутӧй кывзыны Меным кесъялысь пророкъяслысь кывъяссӧ, сэки тайӧ крамыскӧд Ме вӧча Силом каркӧд моз, а тайӧ карыслысь нимсӧ Ме вӧча ёран кывйӧн мувывса войтыръяслы. Ӧд Ме выльысь и выльысь ыстылі пророкъясӧс тіян дінӧ, но ті энӧ кывзӧй найӧс».

Еремей 29:19

Ӧд найӧ эз кывзыны Менсьым кывъясӧс, – висьталӧ Господь. – Ме выльысь и выльысь ыстылі на дінӧ Меным кесъялысь пророкъясӧс, медым найӧ висьталісны Менсьым кывйӧс. Ті тадзи жӧ энӧ кывзӧй, – висьталӧ Господь.

Еремей 32:33

Найӧ бергӧдісны Меланьӧ мышнысӧ, а эз чужӧмнысӧ. Ме выльысь и выльысь велӧдлі найӧс, но найӧ эз кывзыны, эз сибӧдны Менсьым туйдӧдӧмӧс.

Еремей 32:34

Сійӧ керкаас, мый сиӧма Менам нимлы, найӧ сувтӧдісны ассьыныс зывӧк идолъяснысӧ да пежалісны тайӧ керкасӧ.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 35:15

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы: бергӧдчӧй асланыд лёк туй вылысь, вӧчӧй бурсӧ, энӧ юрбитӧй мукӧд енъяслы да энӧ кесъялӧй налы, сэки ті кутанныд овны сійӧ муас, мый Ме сеті тіянлы да тіян батьяслы. Но ті энӧ сибӧдӧй Менсьым кывъясӧс, энӧ кывзӧй Менӧ.

Еремей 35:17

Та вӧсна Господь Ен Саваоф, Израильлӧн Ен, тадзи висьталӧ: Ме мӧдӧда Иуда войтыр вылӧ да Ерусалимын олысьяс вылӧ став шогсӧ, мый Ме шуи мӧдӧдны. Ме ӧлӧдлі найӧс, но найӧ эз кывзыны, Ме чуксалі найӧс, но найӧ эз вочавидзны».

Еремей 7:13

Ті на моз жӧ вӧчанныд пежсӧ, – висьталӧ Господь. – Ме дугдывтӧг висьталі тіянлы, но ті энӧ кывзӧй, Ме чуксалі тіянӧс, но ті энӧ вочавидзӧй.

Еремей 7:17

Тэ ӧмӧй он аддзы, мый найӧ вӧчӧны иудаса каръясын да ерусалимса уличьяс вылын?

Еремей 7:18

Челядь пес чукӧртӧны, батьяс бипур пестӧны, аньяс няньшом дасьтӧны, медым кӧвдум пӧжавны идоллы, кодӧс шуӧны енэжвывса ӧксы-аньӧн. Найӧ вайӧны вина вись мукӧд енъяслы и тадзи дӧзмӧдӧны Менӧ.

Еремей 7:25

Сійӧ лунсяньыс, кор тіян батьясныд петісны Египетысь, да ӧніӧдз Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс.

Езекиль 16:36

Господь Ыджыдыс тадзи висьталӧ: тэ ӧзъялін лёкколӧмӧн да кырсалігад мусукъясыд водзын да зывӧк идолъясыд водзын петкӧдлін куш яйтӧ, виин пиянтӧ да вайин идолъяслы вись пыдди.

Езекиль 16:47

Тэ ветлін налӧн туйӧд, тэнад уджъясыд вӧліны налӧн кодь зывӧкӧсь. Но тайӧ тэныд вӧлі этша на, и тэ наысь унджык пежсӧ вӧчин.

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

Езекиль 8:10

Ме пыри да аддзи, мый стен пасьталаыс вӧлі серпасалӧма гаг-веглясьысьясӧс, пеж пемӧсъясӧс да Израиль войтырлысь идолъяссӧ.

Даниил 9:6

Ми эгӧ кывзӧй Тэныд кесъялысь пророкъясӧс, кодъяс шыасьлісны Тэнад нимӧн миян ӧксыяс дінӧ, юралысь-веськӧдлысьяс дінӧ, миян батьяс дінӧ да миян муын олысь став войтырыс дінӧ.

Закар 7:7

Та йылысь Господь важӧн нин висьтавліс пророкъяс пыр, кор Ерусалим вӧлі уна йӧза да лӧнь карӧн, и кор сыгӧгӧрса каръясын, Негев муын да керӧсбердса муын олісны йӧз.

1 Петыр 4:3

Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.