Еремей 43:3 - Коми Библия 2023

³ Нирийлӧн Барук пиыс усйӧдлӧ тэнӧ миян вылӧ. Сійӧ кӧсйӧ сетны миянӧс калдеяса тышкайӧзлӧн киӧ, медым найӧ виасны миянӧс либӧ нуӧдасны пленӧ Вавилонӧ».

Еремей 43:3 Kruisverwysings

Псалтыр 109:4

Господь кыв сетіс да оз веж сійӧс. Сійӧ шуис: «Мелкиседек моз Тэ пыр кежлӧ Аркирей».

Еремей 32:12

да сеті Махсей Нирийлӧн Барук пилы. Ме вӧчи тайӧс дядьӧйлӧн Ханамел пиыс дырйи, аддзылысь-висьталысьяс дырйи, кодъяс кырымасисны, да став иудейяс дырйи, кодъяс вӧліны ӧксы керка видзысьяслӧн йӧрын.

Еремей 36:10

Господьлӧн крамын, Гемарийлӧн вежӧс бердын, Барук лыддис став войтырыслы гижӧд тубрасысь Еремейлысь кывъяссӧ. Гемарий вӧлі ӧксылӧн гижалысь Шафанлӧн пи. Гемарийлӧн вежӧсыс вӧлі крамбердса вылыс йӧрын, крамӧ пыран выль дзиръя дорын.

Еремей 36:26

Ӧксы тшӧктіс аслас рӧдысь Ерахмеэллы, Азриэллӧн Серай пилы да Авдиэллӧн Шелемей пилы босьтны Барук гижалысьӧс да Еремей пророкӧс, но Господь дзебис найӧс.

Еремей 36:4

Еремей корис ас дінас Нирийлысь Барук писӧ. Еремейлӧн висьталӧм серти Барук гижис гижӧд тубрасӧ ставсӧ, мый Господь висьталіс Еремейлы.

Еремей 38:4

Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

Еремей 41:18

калдеяса тышкайӧзысь, кодъясысь найӧ полісны. Ӧд Нетанийлӧн Измаил пиыс виис Ахикамлысь Гедалий писӧ, кодӧс ачыс вавилонса ӧксы пуктіс веськӧдлыны Иуда муӧн.

Еремей 43:6

Босьтісны аскӧдныс айуловӧс, аньясӧс, челядьӧс, ӧксылысь нывъяссӧ да став йӧзсӧ, кодъясӧс Навузардан, ӧксыӧс видзысьяслӧн юралысь, колис Шафан Ахикамлӧн Гедалий пикӧд. Босьтісны тшӧтш Еремей пророкӧс да Нирийлысь Барук писӧ.

Лука 6:26

Курыд шог тіянлы, став йӧзыс кӧ сёрнитӧны тіян йылысь бура. Налӧн батьясныс тадзи жӧ сёрнитісны ылӧгпророкъяс йылысь».