Еремей 43:12 - Коми Библия 2023

¹² Египетса енъяслы юрбитанінъяссӧ Ме бырӧда биӧн. Вавилонса ӧксы сотас юрбитанінъяссӧ, а бӧлбанъяссӧ босьтас аскӧдыс. Кыдзи ыж видзысь босьталӧ аслас паськӧмысь тойяс, тадзи Навукодоносор босьтас Египет. Сэсся сійӧ лӧня мунас.

Еремей 43:12 Kruisverwysings

Ӧксыяслӧн 2 небӧг 5:21

Филистимсаяс колисны сэтчӧ ассьыныс бӧлбанъяссӧ, а Давид аслас йӧзкӧд босьтіс найӧс. [Сэсся тшӧктіс сотны биын.]

Эсфир 6:9

Паськӧмсӧ да вӧвсӧ мед ваяс ӧксылӧн медыджыд юралысьясысь ӧти. Сійӧ мортсӧ, кодӧс ӧксы кӧсйӧ донъявны, мед пасьтӧдасны, пуксьӧдасны вӧв вылӧ да петкӧдасны карса изэрд вылӧ. Сы водзын мед гораа юӧртасны: ”Тадзи вӧчӧны сылы, кодӧс ӧксы кӧсйӧ донъявны!”»

Иов 40:10

Видзӧдлы бегемот вылӧ – и сійӧс, и тэнӧ Ме вӧчи. Сійӧ ӧш моз сёйӧ турун,

Псалтыр 104:2

Сьылӧй Сылы, ошкӧй Сійӧс, висьтавлӧй Сылӧн шензьӧдана уджъясыс йылысь!

Петӧм 12:12

Дзик тайӧ войӧ Ме муна Египет муӧд да виа тайӧ муысь быд медводдза чужысьӧс йӧз пӧвстысь и ыж-мӧс пӧвстысь. Тадзи Ме мыжда египетса став енсӧ, ӧд Ме – Господь.

Исай 19:1

Египет йылысь водзвыв висьталӧм. Господь пуксис кокньыд кымӧр вылӧ. Сійӧ локтас Египетӧ, Сы водзын кутасны тіравны египетса идолъяс, повзьӧмнысла египетсалӧн сьӧлӧмныс дугдас тіпкынысӧ.

Исай 21:9

Со, верзьӧмаяс кыкӧн-кыкӧн локтӧны вӧвъяс вылын». Сэсся кар видзысь юӧртіс: «Киссис, киссис Вавилон. Сылысь бӧлбанъяссӧ жуглӧма, найӧ куйлӧны му вылын».

Исай 46:1

Усис Вил, муас усис Нево, тайӧ идолъяссӧ кыскӧны ас выланыс мудзӧм пемӧсъяс, бӧлбанъясныд сьӧктӧдӧны найӧс.

Исай 46:2

Тайӧ идолъясыс усисны муас, найӧ оз вермыны дорйыны нуысьясӧс, ӧд найӧс асьнысӧ нуӧны пленӧ.

Исай 49:18

Лэпты синтӧ да гӧгӧр видзӧдлы: тэнад пияныд ставныс чукӧртчӧны, локтӧны тэ дінӧ. Ме кыв сетӧмӧн кӧсйыся Аслам олӧмӧн, – висьталӧ Господь, – кыдзи гӧтырпулӧн мичмӧдчанторйыс зарни-эзысь, тадзи пияныд лоӧны тэнад мичмӧдчанторйӧн.

Исай 52:1

Садьмы, Сион, чеччы, вевттьысь аслад вынӧн! Ерусалим, вежа кар, пасьтав ассьыд дзирдлуна паськӧмтӧ! Тэнад туйяс вывті оз нин кут ветлыны вундыштчытӧм да пеж оласнога.

Исай 59:17

Кӧрт кышӧдӧн моз Сійӧ вевттьысис веськыдлуннас, пуктіс юр вылас мездмӧмыслысь юртупкӧдсӧ, пасьталіс Ас вылас водзӧс перъян паськӧмсӧ, вевттьысис скӧрлуннас кышанӧн моз.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 61:5

Йӧз муысь локтысьяс пондасны видзны тіянлысь ыжъяснытӧ, мукӧд войтыр пондас вӧдитны мунытӧ да винограднытӧ.

Еремей 10:11

Висьталӧй мукӧд войтыръяслы, мый му вывсьыс и енэж увсьыс бырасны сійӧ енъясыс, кодъяс эз вӧчны енэжсӧ ни мусӧ.

Еремей 10:15

Найӧ нинӧм дон оз сулавны, найӧ тешкодь вӧчӧмторъяс, мыждан лунӧ найӧ бырасны.

Еремей 25:19

Ме юктӧді фараонӧс, египетса ӧксыӧс, сылысь кесъялысьяссӧ, юралысьяссӧ да став сылысь войтырсӧ,

Еремей 43:13

Египет муын Он карысь сійӧ жуглас юрбитан изъяс, а египетса енъяслы юрбитанінъяссӧ сотас биӧн».

Еремей 46:25

Господь Саваоф, Израильлӧн Ен, висьталӧ: Ме мыжда Но карлысь Амон идолсӧ, фараонӧс, Египет му, сылысь енъяссӧ да ӧксыяссӧ. Ме мыжда фараонӧс да сы вылӧ лача кутысьясӧс.

Еремей 48:7

Моав, тэ лача кутін уджъясыд да озырлуныд вылӧ, та вӧсна вӧрӧг кытшалас-босьтас тэнӧ. Кемош идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Еремей 49:27

Дамаск карлысь стенъяссӧ Ме сота, Бен-Хададлысь изкарсӧ би ньылыштас.

Еремей 50:2

– Юӧртӧй войтыръяслы, кыпӧдӧй дӧрапас, юӧртӧй, энӧ дзебӧй, висьталӧй тадзи: Вавилон карӧс босьтӧма, Вил идолӧс янӧдӧма, Мардук идолӧс пасьвартӧма, вавилонса идолъясӧс янӧдӧма, сылысь бӧлбанъяссӧ жугӧдӧма.

Еремей 51:44

Ме мыжда вавилонсаяслысь Вил идолӧс, Ме перъя сылӧн вомысь ньылыштӧмасӧ, войтыръяс оз нин локны сы дінӧ. Вавилонса стенъяс киссясны.

Езекиль 29:11

Морт ни ыж-мӧс оз кут ветлыны сэті, оз ло сэні олысьыс нелямын во чӧж.

Езекиль 29:19

Та вӧсна Господь Ыджыдыс тадзи висьталӧ: Ме сета вавилонса Навукодоносор ӧксылы Египет муӧс. Сійӧ куштас-мырддяс Египетлысь озырлунсӧ, нуас сэтысь ставсӧ. Тайӧ и лоас сылӧн тышкайӧзыслы удждоннас.

Езекиль 30:13

Господь Ыджыдыс тадзи висьталӧ: Мемфисысь Ме бырӧда идолъясӧс да ылӧг енъясӧс, Египетӧс Ме коля ӧксытӧг. Ме повзьӧда-весьӧпӧрта Египетӧс,

Даниил 11:8

Налысь енъяссӧ, бӧлбанъяссӧ да эзысь-зарниысь вӧчӧм дона дозмук-кӧлуйсӧ сійӧ босьтас аскӧдыс да нуас Египетӧ. Та бӧрын некымын во чӧж сійӧ оз петавлы тышӧ войвывса ӧксылы паныд.

Софоний 2:11

Найӧ кутасны ёна повны Господьысь, ӧд Господь бырӧдас мувывса став енсӧ. Став йӧзыс кутасны копрасьны Господьлы, быд морт копыртчас Сылы аслас муын.

Римӧ 13:12

Войыс кольӧ, луныс матыстчӧ. Сідзкӧ, шыбитам пемыдыслысь уджъяссӧ да пасьтасям югыдыслӧн вермасянторйӧ.

Ефесӧ 4:24

Вежсьӧй Ен нога выль мортӧ, кутчысьӧй збыляс, веськыдлунас да вежалунас.

Ефесӧ 6:11

Пасьталӧй Енсянь став вермасянторсӧ, медым верминныд сувтны омӧльыслӧн наяна лёк вӧчӧмъяслы паныд.

Колосӧ 3:12

Сідзкӧ, лоӧй бур сьӧлӧмаӧсь, меліӧсь, авъяӧсь да рамӧсь, терпитӧй ӧта-мӧднытӧ. Ті ӧд Енлӧн бӧрйӧмаяс, вежаяс да Сылӧн мусаяс.

Колосӧ 3:14

Медвойдӧр кутчысьӧй муслунас, ӧд муслуныс ставсӧ йитӧ да вайӧдӧ тыр-бурӧдз.