Еремей 41:5 - Коми Библия 2023

⁵ Миспаӧ локтісны Сикемысь, Силомысь да Самарияысь кӧкъямысдас морт. Найӧ вӧліны бритӧм тошкаӧсь да косявлӧм паськӧмаӧсь, вир-яйнысӧ вӧлі вундалӧмаӧсь пуртӧн. Найӧ вайисны аскӧдныс Господьлӧн крамӧ вись пыдди нянь да чӧскыд ӧвтанторъяс.

Еремей 41:5 Kruisverwysings

Олӧм 33:18

Месопотамияысь бура воӧдчӧм бӧрын Яков локтіс Ханаан муӧ, Сикем карӧ, да сувтӧдіс чомсӧ кар бокӧ.

Олӧм 34:2

Динаӧс аддзис Хаморлӧн Сикем пиыс. Хамор вӧлі Ханаан муын олысь хивей войтырлӧн ӧксы. Сикем мырдӧн босьтіс Динаӧс да узис сыкӧд.

Олӧм 37:12

Ӧтчыд Ӧсиплӧн вокъясыс мунісны Сикемӧ йирсьӧдны батьныслысь ыжъяссӧ.

Ӧксыяслӧн 2 небӧг 10:4

Ханун босьтіс Давидлысь кесйӧгъяссӧ, быдӧнлысь шырис тош джынсӧ да улісяньыс коскӧдзыс вундіс налысь паськӧмнысӧ шӧрипельӧ. Сэсся бӧр ыстіс найӧс.

Ӧксыяслӧн 3 небӧг 12:1

Ровоам локтіс Сикемӧ, ӧд сэтчӧ чукӧртчис Израиль войтыр, медым пуктыны сійӧс ӧксыӧ.

Ӧксыяслӧн 3 небӧг 12:25

Еровам дзоньталіс-зумыдмӧдіс Ефрем керӧсвыв муын Сикем кар да овмӧдчис сэтчӧ. Сэсянь мӧдӧдчис Пенуэл карӧ да дзоньталіс-зумыдмӧдіс сійӧс.

Ӧксыяслӧн 3 небӧг 16:24

Кык эзысь талантысь Омри ньӧбис Шемерлысь Семерон керӧс да лэптіс сэні кар. Нимсӧ карыслы сетіс Самария, керӧс вузалысьлӧн ним серти.

Ӧксыяслӧн 3 небӧг 16:29

Иудаса Аса ӧксылӧн комын кӧкъямысӧд веськӧдлан воӧ Израиль муын ӧксыӧ пуксис Омрилӧн Ахав пиыс. Кызь кык во чӧж сійӧ юраліс Самария карын.

Ӧксыяслӧн 4 небӧг 25:9

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

1 Каднебӧг 19:4

Ханун босьтіс Давидлысь кесйӧгъяссӧ, шырис найӧс да улісяньыс коскӧдзыс вундіс налысь паськӧмнысӧ шӧрипельӧ. Сэсся бӧр ыстіс найӧс.

Псалтыр 102:14

Сійӧ тӧдӧ, мыйысь вӧчӧма миянӧс, Сійӧ оз вунӧд, мый ми – сӧмын бус чиръяс.

Исай 15:2

Сэні олысьяс мунӧны Баитӧ да Дивонӧ, найӧ кайӧны бӧрдны вись ваян мыльк вылӧ. Моавсаяс бӧрдӧны Нево да Медева вӧсна, налысь ставныслысь шырӧма юрсинысӧ да тошнысӧ.

Еремей 16:6

Тайӧ муас куласны ичӧтъяс и гырысьяс, но найӧс некод оз гуав, некод оз кут бӧрдны на вӧсна, некод оз вундав ассьыс вир-яйсӧ да оз шыр юрсисӧ на вӧсна.

Еремей 41:4

Гедалийӧс виӧм бӧрти мӧд луннас, кор некод на нинӧм эз тӧд та йылысь,

Еремей 47:5

Газа шырас ассьыс юрсисӧ, Аскалонын олысьясӧс лоӧ бырӧдӧма, лоӧ бырӧдӧма енак войтырлысь коляссӧ. Дыр-ӧ на ті кутанныд пуртӧн вундавны вир-яйнытӧ?

Еремей 48:37

Найӧ шырӧмаӧсь юрнысӧ, бритӧмаӧсь тошнысӧ, налӧн ки выланыс пуртӧн вундӧм туйяс, найӧ пасьтасьӧмаӧсь шогалан паськӧмӧ.

Еремей 7:12

Мунӧй Силомӧ сійӧ местаас, мый Ме водзынджык бӧрйи Аслам нимлы оланінӧн. Видзӧдлӧй, мый Ме вӧчи Силомкӧд Менам Израиль войтырлӧн лёк вӧчӧмыс вӧсна.

Еремей 7:14

Та вӧсна тайӧ керкаыскӧд, мый сиӧма Менам нимлы, и мый вылӧ ті лача кутанныд, да тайӧ муыскӧд, мый Ме сеті тіянлы да тіян батьяслы, Ме вӧча Силом каркӧд моз.

Йоиль 2:13

Энӧ паськӧмнытӧ косялӧй, а сьӧлӧмнытӧ. Бергӧдчӧй Господьлань, асланыд Енлань, ӧд Сійӧ бур да мелі сьӧлӧма, Сылӧн терпитӧмыс ыджыд, Сылӧн буралӧмлы абу помыс, Сійӧ дась бӧр босьтны Ассьыс мыждана шуӧмсӧ.

Индӧд 14:1

«Ті – Господь Енлӧн ныв-пиыс. Кулӧм морт вӧсна шогсигӧн энӧ вундалӧй вир-яйнытӧ да энӧ шырӧй плеш водзсьыд юрсинытӧ.

Нав Исус 18:1

Став Израиль войтыр чукӧртчис Силомӧ да сувтӧдіс вежа чом. Муыс вӧлі израильсаяслӧн киын,

Нав Исус 24:32

Ӧсиплысь лыяссӧ, мый израильсаяс петкӧдісны Египетысь, найӧ дзебисны Сикемӧ, му юкӧнӧ, мый Яков ньӧбис Хамор пиянлысь эзысь вылӧ. Хамор вӧлі Сикемлӧн бать. Тайӧ му юкӧныс пырис Ӧсипсянь чужысьяслы вичмӧдӧм муас.

Ёрдысьяс 18:31

Микейлысь бӧлбансӧ найӧ видзисны ас орданыс став кад чӧжыс, кор Енлӧн керкаыс вӧлі Силомын.

Ёрдысьяс 9:1

Еровааллӧн Авимелек пиыс муніс мам вокъясыс дінӧ Сикемӧ, сёрнитіс накӧд да налӧн батьыслӧн став рӧдыскӧд. Сійӧ шуис:

Ӧксыяслӧн 1 небӧг 1:7

Тадзи вӧлі воысь-во: Анна ветліс Господьлӧн керкаӧ, а Пенинна ёна дӧзмӧдліс сійӧс. Анна бӧрдліс да весиг эз сёйлы,