Еремей 4:5 - Коми Библия 2023

⁵ Висьталӧй Иудаын, юӧртӧй Ерусалимын, му пасьтала буксӧй буксанӧн, гораа горзӧй да юӧртӧй: «Локтӧй, чукӧртчамӧй, мунамӧй изкаръясӧ!»

Еремей 4:5 Kruisverwysings

Исай 28:19

Сійӧ кутас локны выльысь и выльысь, асывнас, луннас и рытнас, быд лун сійӧ кутас кылӧдны тіянӧс. Тайӧ висьталӧмсӧ гӧгӧрвоигӧн полӧмныдла ті кутанныд дзӧрны.

Еремей 11:2

«Кывзы, мый йылысь висьталӧ Менам йитӧдӧй. Юӧрт Иуда войтырлы да Ерусалимын олысьяслы, мый тшӧктӧма Менам йитӧдын.

Еремей 35:11

Кор вавилонса Навукодоносор ӧксы уськӧдчис тайӧ муыс вылӧ, ми шуим пышйыны калдеяса да арамса тышкайӧзысь Ерусалимӧ, и ӧніӧдз ми олам тані».

Еремей 5:20

Висьталӧй Яковсянь чужысьяслы, юӧртӧй Иудаын олысьяслы:

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

Еремей 8:14

– Мый нӧ ми пукалам? Чукӧртчӧй, мунамӧй изкаръясӧ, и сэні кулам. Господь, миян Енным, шуис бырӧдны миянӧс, Сійӧ юктӧдӧ миянӧс яд сора ваӧн, ӧд ми мыж вӧчим Господьлы паныд.

Еремей 9:12

Мыйла тайӧ мусӧ сотӧма-бырӧдӧма? Мыйла сійӧ лои овтӧминӧн, кӧні некод оз ветлы? Эм-ӧ сэтшӧм мывкыд мортыс, коді эськӧ вермис гӧгӧрвоны тайӧс? Кодлы Господь висьталіс та йылысь, медым сійӧ вермис гӧгӧрвоӧдны мукӧдлы?

Езекиль 7:14

Тутсӧ труба, ставсӧ дасьтӧма, сӧмын тышӧ петысьыс абу, ӧд Менам скӧрлунӧй налӧн ыджыд чукӧр вылӧ киссьӧ.

Осий 8:1

– Матыст вом дорад буксантӧ! Лёкыс кутш моз гӧгралӧ Господьлӧн керка весьтын, ӧд Менам войтырӧй торкисны йитӧдӧс, мый Ме кӧрталі накӧд, кыпӧдчисны Менам Индӧдлы паныд.

Йоиль 2:1

– Буксӧй буксанӧн Сионын, гораа горзӧй Менам вежа керӧс вылын! Тіралӧй-дзӧрӧй, тайӧ муас олысьяс, ӧд Господьлӧн луныс локтӧ, сійӧ матын нин.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?

Амос 3:8

Лев кӧ равӧстас, коді нӧ оз повзьы? Господь Ыджыдыс кӧ висьталас, коді нӧ оз пророкав?

Лыд 10:2

«Дор кык эзысь труба. На отсӧгӧн тэ кутан чуксавны войтырӧс, медым чукӧртчыны да петны туйӧ.

Лыд 10:3

Кор кыкнан трубаыс лэдзас шысӧ, сэки став войтырыс мед чукӧртчас тэ дінӧ вежа чом пыранін дорӧ.

Нав Исус 10:20

Исус да Израиль пиян дзикӧдз пасьвартісны вӧрӧгӧс. Коли сӧмын лыда морт, кодъяс вермисны пышйыны асланыс изкаръясӧ.